బంగారం, వెండి ధరలు గత మూడు రోజులుగా తగ్గుతున్నాయి. అంతర్జాతీయంగా మాత్రం తగ్గుతూ వచ్చిన బంగారం మళ్ళీ పుంజుకుంటుంది.
ఈ క్రమంలో మళ్ళీ బంగారం ధరలు పెరిగే ఛాన్స్ ఉంది. కాబట్టి బంగారం కొనేందుకు ఇదే తగిన సమయం అని చెప్పవచ్చు.
ఇప్పుడు కొనుగోలు చేస్తే కనుక బంగారం మీద రూ. 20 వేలు మిగులులో ఉంటారు. అలానే వెండి మీద రూ. 6 వేలు మిగులులో ఉంటారు.
ఇప్పుడు బంగారం, వెండి ధరలు కనిష్ట ధరకు పడిపోయాయి. ఇవాళ మే 20న 10 గ్రాముల 24 క్యారెట్ల బంగారం రూ. 60,870కి చేరుకుంది.
ఇదే నెలలో 5వ తేదీన ఇదే బంగారం రూ. 62,400గా ఉంది. 15 రోజుల్లో రూ. 1530 తగ్గింది.
మే 1న రూ. 60,760 పలికింది. ఇది మే నెలలో ఉన్న ధరలన్నిటిలోనూ చాలా తక్కువ.
ఒకవేళ గోల్డ్ ధర రూ. 60,400కి చేరుకున్న సమయంలో కొనుగోలు చేస్తే కనుక మీకు రూ. 2 వేలు లాభం వస్తుంది.
ఎక్కడ అయితే ధర రికార్డు స్థాయికి చేరుకొని.. మళ్ళీ వరుసగా పడిపోతూ వస్తుందో అదే రికార్డు ధరకి, అంతకంటే ఎక్కువ ధరకు చేరుకోవడానికి ప్రయత్నం ఐతే జరుగుతుంది.
ఎందుకంటే బంగారం మళ్ళీ దాని గరిష్ట ధరనైతే ఖచ్చితంగా తాకుతుంది.
ఇవాళ రూ. 60,870గా ఉన్న గోల్డ్ అతి తక్కువ రోజుల్లోనే మళ్ళీ 62 వేల మార్కుని దాటుతుంది. 63 వేల మార్కుని కూడా టచ్ చేస్తుంది.
ఇప్పుడు రూ. 60,870 పెట్టి గోల్డ్ కొంటే కొద్ది రోజుల తర్వాత రూ. 62 వేలకు గానీ రూ. 63 వేలకు గానీ చేరుకుంటుంది.
అప్పుడు మీకు రూ. 1130 నుంచి రూ. 2,130 వరకూ లాభం పొందే ఛాన్స్ ఉంటుంది. 22 క్యారెట్ల బంగారం కొన్నా ఇలానే లాభం అనేది ఉంటుంది.
5 తులాల బంగారం కొంటే కనుక రూ. 10 వేలు, 10 తులాలకు రూ. 20 వేలు లాభం పొందే అవకాశం ఉంటుంది.
వెండి మీద కూడా రూ. 6 వేలు లాభం పొందే అవకాశం ఉంది. మే 5న కిలో వెండి రూ. 83,700గా ఉంది. ఈ ఏడాదిలో ఇది రికార్డు ధర.
ప్రస్తుతం కిలో వెండి రూ. 78 వేల వద్ద కొనసాగుతోంది. రూ. 78 వేల వద్ద కొనసాగుతున్న వెండి మళ్ళీ రూ. 83,700కి గానీ రూ. 84 వేలకి చేరుకునే అవకాశం ఉంటుంది.
ఇప్పుడు కనుక రూ. 78 వేలతో కొనుగోలు చేస్తే కనుక మీరు రూ. 6 వేలు లాభం పొందుతారు.
గమనిక: ఈ లాభాలు అనేవి వెంటనే రాకపోవచ్చు. కొంత సమయం పట్టచ్చు. కాబట్టి నిర్ణయం తీసుకునే ముందు ఒకటికి పదిసార్లు ఆలోచించుకుని, సమీక్ష చేసుకుని ముందుకెళ్తే మంచిది.
మీరు తీసుకునే నిర్ణయానికి పూర్తి బాధ్యత మీదే. సుమన్ టీవీ యాజమాన్యానికి ఎటువంటి సంబంధమూ లేదు.