సాధారణంగా సినిమా ఇండస్ట్రీలో ఓ హీరో అభిమానులు మరో హీరోపై విమర్శలు చేయడం, ట్రోల్స్ చేయడం చూస్తూనే ఉంటాం.
మా హీరోపై ట్రోల్స్ చేస్తారా అంటూ కౌంటర్ ఎటాక్ చేస్తుంటారు ఆ హీరో ఫ్యాన్స్.
ఈ విమర్శల వల్ల ఒక్కోసారి గొడవలు జరిగి కొట్టుకున్న సందర్భాలు సైతం ఉన్నాయి.
తాజాగా ఓ స్టార్ హీరో ఫ్యాన్స్ ఓ కమెడియన్ కు స్ట్రాంగ్ వార్నింగ్ ఇస్తున్నారు.
ఆ స్టార్ హీరో ఎవరో కాదు.. ఐకాన్ స్టార్ అల్లు అర్జున్. మరి ఆ కమెడియన్ ఎవరు అని అనుకుంటున్నారా? అతడే జబర్దస్త్ అవినాష్.
తాజాగా అతడు చేసిన ఓ పని బన్నీ ఫ్యాన్స్ కు కోపం తెప్పించింది. దాంతో అవినాష్ కు మాస్ వార్నింగ్ ఇస్తున్నారు.
అల్లు అర్జున్ బర్త్ డే కానుకగా.. పుష్ప2 నుంచి టీజర్ తో పాటుగా.. ఓ పోస్టర్ ను కూడా వదిలారు.
ఈ పోస్టర్ టాలీవుడ్ నే షేక్ చేసిందని చెప్పొచ్చు. అమ్మవారి రూపంలో బన్నీ ఊర మాస్ పిక్ ఓ రేంజ్ లో ఉందనే చెప్పాలి.
ఇక పిక్ ను అవినాష్ అరకొర ఎడిటింగ్ చేసి తన ఇన్ స్టా గ్రామ్ లో పెట్టుకున్నాడు.
ఈ ఓన్ మేడ్ పిక్ తో బన్నీకి పుట్టిన రోజు శుభాకాంక్షలు తెలిపాడు అవినాష్.
ఈ ఫోటో చూసిన అల్లు అర్జున్ ఫ్యాన్స్ అవినాష్ కు గట్టిగా వార్నింగ్ ఇస్తున్నారు.
అర్జెంట్ గా నీ పిక్ ను డిలీట్ చేయకపోతే నీకు పగిలిపోద్ది అంటూ స్ట్రాంగ్ వార్నింగ్స్ సైతం ఇస్తున్నారు.