తెలుగు తెరపైనే కాదూ రియల్ లైఫ్‌లోనూ క్రేజీ కపుల్‌గా పేరు తెచ్చుకున్నారు నాగ చైతన్య, సమంత.
ఏం మాయ చేశావే సినిమా షూటింగ్ సమయంలో ప్రేమలో పడ్డ ఈ జంట 2017లో పెద్దల సమక్షంలో వివాహం చేసుకున్నారు. అయితే వీరి బంధం మూణాళ్ల ముచ్చటగా మారింది.
2021 అక్టోబర్ 2న విడాకులు తీసుకున్నట్లు ఇద్దరు సోషల్ మీడియా ఖాతాల ద్వారా ప్రకటించారు.
తాము భార్యాభర్తలుగా కొనసాగలేమని, విడిపోయినప్పటికీ తాము స్నేహితులుగా ఉంటామని చెప్పారు.
ఈ వార్తతో ఫ్యాన్స్ సైతం ఆవేదన చెందారు. అయితే విడిపోవడానికి కారణాలు ఇద్దరూ వెళ్లడించడం లేదు. విడిపోయాక ఎవరీ పనుల్లో వారు బిజీగా గడుపుతున్నారు.
అయితే నాగ చైతన్య మాత్రం ఓ నటితో డేటింగ్ చేస్తున్నట్లు రూమర్లు వచ్చాయి. బంగ్రారాజు సినిమా సమయంలో కృతి శెట్టి పేరు వినపడింది.
గతేడాది నాగ చైతన్య ఇంట్లో నటి శోభిత దూళిపాళ్ల కనిపించడంతో వీరిద్దరూ డేటింగ్‌లో ఉన్నారంటూ వార్తలు హల్ చల్ చేశాయి.
గతంలో వీరిద్దరూ లండన్ వెకేషన్‌లో ఉన్నారని ఫోటోలు వచ్చాయి.
అయితే అవి ఎడిటింగ్ చేశారన్న వార్తలు రాగా, తాజాగా ఈ రూమర్స్ బలం చేకూరే విధంగా ఓ పిక్ ఒకటి నెట్టింట్లో దర్శనమిచ్చింది.
లండన్లో ఓ డిన్నర్ డేట్‌కు వెళ్లగా.. అక్కడ దిగిన ఫోటో ఒకటి ఇప్పుడు వైరల్‌గా మారింది. చెఫ్ సురేందర్ మోహన్.. నాగ చైతన్యతో దిగిన ఫొటోను ఇన్‌స్టాగ్రామ్‌లో షేర్ చేశారు.
లండన్లో జమావర్‌లో దిగిన ఆ ఫోటోలో నాగచైతన్యతో పాటు బ్యాక్‌గ్రౌండ్‌లో టేబుల్‌ దగ్గర శోభిత కూర్చోవడం స్పష్టంగా కనిపిస్తోంది.
ఈ విషయాన్ని గమనించిన నెటిజన్లు.. ఆమె శోభిత ధూళిపాళనే అని కామెంట్స్ చేస్తున్నారు.
అయితే ఈ డేటింగ్ పై ఓ ఇంటర్వ్యూలో నాగ చైతన్యకు ప్రశ్న ఎధురు కాగా, నవ్వుతూ సమాధానాన్ని దాట వేశారు.
ఇప్పుడు ఈ ఫోటోను బట్టి చూస్తే వారు లండన్ కు వెళ్లినట్లు స్పష్టమౌతోంది. ఇక వారి సీక్రెట్ రిలేషన్ గురించి ఎప్పుడు రివీల్ చేస్తారో వెయిట్ చేయాల్సిందే.
గతేడాది లాల్ సింగ్ చద్దాతో బాలీవుడ్‌లో అడుగుపెట్టిన నాగచైతన్య కస్టడీ మూవీ ద్వారా కోలీవుడ్‌లోకి అడుగుపెట్టబోతున్నారు.
కోలీవుడ్ స్టార్ డైరెక్టర్ వెంకట్ ప్రభు ఈ సినిమాకు దర్శకులు. బైలింగ్వల్ సినిమాగా తెరకెక్కుతోంది. కృతి శెట్టి మరోసారి నాగ చైతన్యతో జత కట్టబోతోంది.
నాగ చైతన్య పోలీస్ ఆఫీసర్ పాత్రలో నటిస్తున్న ‘కస్టడీ’ మూవీ మే 12న విడుదల కానుంది.
మణిరత్నం దర్శకత్వంలో రూపొందిన పొన్నియన్ సెల్వన్ లో ఓ క్యారెక్టర్ చేసింది
శోభిత ఇటీవల ద నైట్ మేనేజర్ అనే వెబ్ సిరీస్ లో నటించింది. అందులో ఆమె అందాల ఆరబోతతో సరిపెట్టుకుంది.