follow us:
సాధారణంగా ఓ మనిషి తన శరీరం గురించి ఎలాంటి కోర్కెలు కోరుకుంటాడు. అందంగా కనిపించాలని కోరుకుంటారు. వీలైతే సిక్స్‌ ప్యాక్‌ బాడీతో జనాన్ని అలరించాలనుకుంటారు. కానీ, కొంతమంది వ్యక్తులు వెరైటీ కోర్కెలతో జనాల మతి పోగొడుతున్నారు. తమలా తాము కనిపించకుండా జంతువుల్లా కనిపించటానికి ఆసక్తి చూపుతున్నారు. లక్షలు ఖర్చు పెట్టి జంతువుల్లా మారుతున్నారు. కొన్ని నెలల క్రితం జపాన్‌కు చెందిన ఓ వ్యక్తి 12 లక్షల రూపాయలు ఖర్చుపెట్టి కుక్కలా మారాడు. తన చిరకాల కోర్కెను అలా తీర్చుకున్నాడు. కుక్క గెటప్‌లో వీడియోలు చేసి అందరినీ ఆశ్చర్యానికి గురిచేస్తూ ఉన్నాడు.
ఇప్పుడు మరో వ్యక్తి ఇదే కోవలో జంతువుగా మారాడు. దాదాపు 18 లక్షల రూపాయలు ఖర్చు పెట్టి తనను తాను తోడేలుగా మార్చుకున్నాడు. ఇంతకీ సంగతేంటంటే.. జపాన్‌కు చెందిన ఓ వ్యక్తి కొద్దిరోజుల క్రితం జెప్పెట్‌ అనే కంపెనీని సంప్రదించాడు. తనకు తోడేలులా ఉండే ఓ కాస్ట్యూమ్‌ తయారు చేసి ఇవ్వమన్నాడు. వారు హైపర్‌ రియలిస్టిక్‌ టెక్నాలజీతో తోడేలు తొడుగులను తయారు చేసి ఇచ్చారు. ఇందుకోసం ఏకంగా 18 లక్షల రూపాయలు ఛార్జ్‌ చేశారు. దాదాపు 50 రోజుల పాటు కష్టపడి దీన్ని రూపొందించారు. తోడేలు తొడుగు తన చేతుల్లోకి రాగానే ఆ వ్యక్తి సంతోషం వ్యక్తం చేశాడు.
దాన్ని వేసుకుని తిరుగుతూ తెగ మురిసిపోతున్నాడు. ఎందుకు నువ్వు ఇలా తోడేలు తొడుగు ధరించి తిరుగుతున్నావ్‌ అని అడగ్గా.. ‘‘ నాకు చిన్నప్పటినుంచి జంతువులంటే ఇష్టం. టీవీలో హైపర్‌ రియలిస్టిక్‌ కాస్ట్యూమ్‌ను చూసినపుడు ఇష్టం మొదలైంది. అలా నేనూ ఓ జంతువు కాస్ట్యూమ్‌లో తిరిగాలని కలలు కనేవాడిని’’ అని చెప్పుకొచ్చాడు. ప్రస్తుతం తోడేలు తొడుగులో తిరుగుతున్న ఇతడి ఫొటోలు సోషల్‌ మీడియాలో వైరల్‌గా మారాయి. నెటిజన్లు మిశ్రమంగా దీనిపై స్పందిస్తున్నారు. మరి, తోడేలుగా కనిపించటానికి ఏకంగా 18 లక్షల రూపాయలు ఖర్చు పెట్టిన ఈ వ్యక్తి ఉదంతంపై మీ అభిప్రాయాలను కామెంట్ల రూపంలో తెలియజేయండి.
Remember the Japanese man who spent Rs 12 lakh to look like a #dog?
Another Japanese man has wished for a hyper-realistic #wolf costume. He said – “Because of my love for animals since childhood & some realistic animal suits appearing on TV, I dreamed of ‘being one someday’.” pic.twitter.com/ZrtKvhh31k
— Mirror Now (@MirrorNow) December 31, 2022
