యువకుడ్ని నడి రోడ్డుపై బూటుతో చితకొట్టిన యువతి.. ఎందుకంటే?..

viral video: రాంగ్‌రూట్‌లో వచ్చి తనను బైకుతో ఢీకొట్టాడన్న కోపంతో ఓ యువకుడిని బూటుతో చితకొట్టిందో యువతి. నడి రోడ్డులో అందరూ చూస్తుండగా ఈ పని చేసింది. ఈ సంఘటన మధ్యప్రదేశ్‌లో చోటుచేసుకుంది. వివరాల్లోకి వెళితే.. కొద్దిరోజుల క్రితం మధ్యప్రదేశ్‌, జబల్‌పూర్‌కు చెందిన ఓ యువకుడు బైకుపై వెళుతున్నాడు. ఓమటి పోలీస్‌ స్టేషన్‌ పరిధిలోని రసల్‌ చౌక్‌ ట్రాఫిక్‌ సిగ్నల్‌ దగ్గరకు వచ్చాడు. బైకు అదుపు తప్పి అక్కడ రోడ్డు పక్కన ఆపి ఉన్న ఓ స్కూటీని ఢీకొట్టింది. స్కూటీ మీద ఉన్న యువతి ఫోన్‌లో మాట్లాడుతుండగా ఈ సంఘటన జరిగింది. అది కూడా అతడు రాంగ్‌ రూట్‌లో వచ్చి ఆ స్కూటీని ఢీకొట్టాడు. దీంతో సదరు యువతికి కోపం కట్టలు తెగింది.

అతడిని బూటు తీసి మరీ చితకొట్టింది. నడి రోడ్డుపై అందరూ చూస్తుండగా చితకబాదింది. పక్కన ఉన్న వాళ్లు ఎంత చెప్పినా వినలేదు. తన పని చేసుకుపోయింది. ఈ సంఘటన కారణంగా అక్కడ ట్రాఫిక్‌ జామ్‌ అయింది. డ్యూటీలో ఉన్న పోలీసులు న్యూసెన్స్‌ చేస్తున్నారంటూ ఇద్దర్నీ స్టేషన్‌కు తీసుకెళ్లారు. అతడికి ఫైన్‌.. ఆమెకు వార్నింగ్‌ ఇచ్చి వదిలేశారు. ప్రస్తుతం ఇందుకు సంబంధించిన వీడియో సోషల్‌మీడియాలో వైరల్‌గా మారింది. మరి, ఈ ఘటనపై మీ అభిప్రాయాలను కామెంట్ల రూపంలో తెలియజేయండి.

ఇవి కూడా చదవండి : ప్రియురాలిని కలిసేందుకు వెళ్లి.. ఆమె ఇంటి ముందు కుప్పకూలిన ప్రియుడు!

మరిన్ని లేటెస్ట్ అప్డేట్స్ కోసం SumanTV App డౌన్లోడ్ చేసుకోండి.

ఈరోజు ఏపీ, తెలంగాణకు సంబంధించిన లేటెస్ట్ న్యూస్.. జాతీయ, అంతర్జాతీయ వార్తలు.. ఎడ్యుకేషన్, బిజినెస్, సినిమా, స్పోర్ట్స్, టెక్ అప్డేట్స్.. ఆధ్యాత్మిక, ఆరోగ్య సమాచారంతో పాటు, వైరల్ కథనాల కోసం సుమన్ టీవీ యాప్‌ను డౌన్‌లోడ్ చేసుకోండి.