ఆగష్టు 7న ‘ఎస్సై’ పరీక్ష.. హాల్‌టికెట్లు ఇలా డౌన్‌లోడ్‌ చేసుకోండి

యూనిఫాం సర్వీసెస్ పోస్టుల భర్తీలో మొదటి ప్రక్రియ ప్రారంభమైంది. సబ్‌ ఇన్‌స్పెక్టర్‌, తత్సమాన పోస్టులకు ఆగస్టు 7 (ఆదివారం)న ఉదయం 10 గంటల నుంచి మధ్యాహ్నం 1 గంట వరకు ప్రాథమిక రాత పరీక్ష నిర్వహించనున్నట్టు రాష్ట్ర పోలీస్ నియామక బోర్డు (టీఎస్ఎల్బీఆర్బీ) చైర్మన్‌ వీవీ శ్రీనివాసరావు తెలిపారు. అభ్యర్థులు శనివారం(జులై 30) నుంచి హాల్‌టికెట్లు డౌన్‌లోడ్‌ చేసుకోవాలని సూచించారు. ఆగస్టు 5వ తేదీ అర్ధరాత్రి 12 గంటల వరకు హాల్‌టికెట్‌ డౌన్‌లోడ్‌ చేసుకునే అవకాశం అందుబాటులో ఉంటుందని ఆయన వెల్లడించారు.

పోలీస్‌, ఫైర్‌, జైళ్ల శాఖ, ఎక్సైజ్‌, రోడ్డు రవాణాశాఖల్లో అన్ని విభాగాల్లో కలిపి మొత్తం 17,291 పోస్టుల భర్తీకి టీఎస్‌ఎల్పీఆర్బీ నోటిఫికేషన్‌ జరీ చేసింది. ఆగస్టు 7న ఎస్సై ప్రిలిమినరీ పరీక్ష జరగనుండగా, ఆగస్టు 21న కానిస్టేబుల్ ప్రిలిమినరీ పరీక్ష జరగనుంది. ప్రిలిమినరీ పరీక్షలో 200 మార్కులకుగాను 30 శాతం మార్కులను అర్హతగా నిర్ణయించారు. 30 శాతం మార్కులు దాటిన అభ్యర్థులు తర్వాతి దశకు వెళ్తారు.

ఎస్సై ప్రిలిమ్స్​‍ వివరాలు:

• ఎస్సై తత్సమాన పోస్టులు: 554
• హాజరవుతున్న అభ్యర్థులు: సుమారు 2,45,000
• రాత పరీక్ష కేంద్రాలు: హైదరాబాద్‌ సహా రాష్ట్ర వ్యాప్తంగా 20 పట్టణాల్లో

హాల్‌టికెట్లు డౌన్‌లోడ్‌:

• పోలీస్‌ రిక్రూట్‌మెంట్‌ బోర్డు అధికారిక వెబ్‌సైట్‌(https://www.tslprb.in/) ద్వారా అభ్యర్థులు వారి ఐడీ, పాస్‌వర్డ్‌ ద్వారా లాగిన్‌ అయి డౌన్‌లోడ్‌ చేసుకోవాల్సి ఉంటుంది.
• హాల్‌టికెట్‌ డౌన్‌లోడ్‌ చేసుకున్నాక ప్రింట్‌ తీసుకోవడంతో పాటు సెంటర్‌ వివరాలు సరిగ్గా ఉన్నాయో లేదో చూసుకోవాలి.
• హాల్‌టికెట్‌ మొదటి పేజీలో ఎడమ భాగంలో అభ్యర్థులు తమ పాస్‌పోర్ట్‌ సైజ్‌ ఫొటోను అతికించాల్సి ఉంటుంది.
• పరీక్ష పత్రం ఇంగ్లిష్‌–తెలుగు, ఇంగ్లిష్‌–ఉర్దూ భాషల్లో అందుబాటులో ఉండనుంది.

ఇదీ చదవండి: SCCL Recruitment: సింగరేణిలో 1300 ఉద్యోగాలకు నోటిఫికేషన్.. ఆగష్టు 6 చివరి తేదీ.!

ఇదీ చదవండి: బీటెక్ విద్యార్థులకు గుడ్ న్యూస్.. నెలకు 89 వేల జీతంతో కేంద్ర ప్రభుత్వ ఉద్యోగాలు!

ఈరోజు ఏపీ, తెలంగాణకు సంబంధించిన లేటెస్ట్ న్యూస్.. జాతీయ, అంతర్జాతీయ వార్తలు.. ఎడ్యుకేషన్, బిజినెస్, సినిమా, స్పోర్ట్స్, టెక్ అప్డేట్స్.. ఆధ్యాత్మిక, ఆరోగ్య సమాచారంతో పాటు, వైరల్ కథనాల కోసం సుమన్ టీవీ యాప్‌ను డౌన్‌లోడ్ చేసుకోండి.