రాష్ట్రంలో మండుతున్న ఎండలు.. విద్యాశాఖ కీలక ప్రకటన!

వేసవి కాలం ఇంకా పూర్తిగా ప్రారంభం కాలేదు.. అప్పుడే భానుడు తన ప్రతాపాన్ని చూపిస్తున్నాడు. రాష్ట్రవ్యాప్తంగా రానున్న నాలుగు రోజులు ఉష్ణోగ్రతలు భారీగా పెరుగుతాయని జనాలు అప్రమత్తంగా ఉండాలని అధికారులు సూచించారు. ఆరెంజ్ అలెర్ట్ కూడా జారీ చేశారు. ఈ క్రమంలో తెలంగాణ విద్యాశాఖ కీలక ప్రకటన జారీ చేసింది. పాఠశాలల సమయాన్ని ఉదయం 8:30 నుంచి 11 గంటల వరకు తగ్గించింది.

కరోనా కారణంగా ఇప్పటికే పాఠశాలలు ఆలస్యంగా తెరిచారు. అందువల్ల మరో నెల రోజుల పాటు విద్యాసంస్థలు నడుస్తాయని వార్తలు వినిపిస్తున్నాయి. ఇదిలా ఉండగా ఎండలు మండిపోవడంతో ప్రభుత్వం పాఠశాలల సమయాన్ని తగ్గిస్తూ నిర్ణయం తీసుకుంది. ఈ మేరకు ఉత్తర్వులు జారీ చేసింది. వేసవి తీవ్రత దృష్ట్యా పాఠశాలలను గురువారం(మార్చి31) నుంచి ఏప్రిల్ 6వ తేదీ వరకు ఉదయం 8గంటల నుంచి 11:30 గంటల వరకు మాత్రమే నడపాలని పాఠశాల విద్యాశాఖ డైరెక్టర్ ఆదేశాలు జారీ చేశారు. ప్రభుత్వ, ప్రైవేట్, కస్తూర్బా పాఠశాలలు, మోడల్స్ స్కూల్ను నడపాలని సూచించారు. ప్రభుత్వ పాఠశాలల హెచ్ఎంలు, ఉపాధ్యాయులు మారిన సమయాలను పాటించాలని ఆదేశించారు.

ఇది కూడా చదవండి: తెలంగాణకు ఆరెంజ్ అలర్ట్‌.. వచ్చే 4 రోజులు జాగ్రత్త..!

మరిన్ని లేటెస్ట్ అప్డేట్స్ కోసం SumanTV App డౌన్లోడ్ చేసుకోండి.

ఈరోజు ఏపీ, తెలంగాణకు సంబంధించిన లేటెస్ట్ న్యూస్.. జాతీయ, అంతర్జాతీయ వార్తలు.. ఎడ్యుకేషన్, బిజినెస్, సినిమా, స్పోర్ట్స్, టెక్ అప్డేట్స్.. ఆధ్యాత్మిక, ఆరోగ్య సమాచారంతో పాటు, వైరల్ కథనాల కోసం సుమన్ టీవీ యాప్‌ను డౌన్‌లోడ్ చేసుకోండి.