Will Smeed: దంచికొట్టిన విల్‌స్మీడ్‌! ది హండ్రెడ్‌లో తొలి హండ్రెడ్‌

ఇంగ్లండ్‌లో జరుగుతున్న ది హండ్రెడ్‌ టోర్నీలో తొలి సెంచరీ నమోదైంది. బర్మింగ్‌హామ్ ఫీనిక్స్, సదరన్ బ్రేవ్ మధ్య జరిగిన మ్యాచ్‌లో ఇంగ్లండ్‌ దేశవాళీ ఆటగాడు విల్‌ స్మీడ్‌ ఆకాశమే హద్దుగా చెలరేగాడు. కేవలం 50 బంతుల్లో 8 ఫోర్లు, 6 సిక్సులతో 101 పరుగులు చేసి ది హండ్రెడ్‌ లీగ్‌లో మొట్టమొదటి సెంచరీ నమోదు చేశాడు.

ఓవర్‌కు ఆరు బంతులు కాకుండా… ఇన్నింగ్స్‌కు 100 బంతుల చొప్పున ఆడే ఈ కొత్త ఫార్మాట్‌ను 2021లో ఇంగ్లండ్‌ క్రికెట్‌ బోర్డు ప్రవేశపెట్టింది. ఇందులో ఒక బౌలర్‌ ఐదు బంతుల చొప్పున వేస్తారు. ఈ ఫార్మాట్‌ మొదలైన రెండో సీజన్‌లో తొలి సెంచరీ నమోదు కావడం, అది కూడా ఒక అన్‌క్యాప్డ్‌ ప్లేయర్‌ చేయడం విశేషం. ఇక ఈ మ్యాచ్‌లో తొలుత బ్యాటింగ్‌ చేసిన బర్మింగ్‌హామ్‌ ఫీనిక్స్ నిర్ణీత 100 బంతుల్లో 4 వికెట్లు కోల్పోయి 176 పరుగులు చేసింది. విల్‌ స్మీడ్‌ సెంచరీతో చెలరేగడంతో బర్మింగ్‌హామ్‌ భారీ స్కోర్‌ సాధించింది.

లక్ష్యఛేదనలో సదరన్‌ బ్రేవ్‌ తడబడింది. 85 బంతుల్లో కేవలం 123 పరుగులకే కుప్పకూలింది. అలెక్స్‌ డేవిస్‌ ఒక్కడే 33 పరుగులతో రాణించాడు. ఈ జట్టులో క్వింటన్‌ డికాక్‌, స్టోయినీస్‌, టిమ్‌ డేవిడ్‌ లాంటి స్టార్లు ఉన్నా.. 53 పరుగుల తేడాతో ఓడిపోయింది. మరి ఈ మ్యాచ్‌లో సెంచరీతో చెలరేగి సదరన్‌ బ్రేవ్‌పై ఫోర్లు, సిక్సర్ల వర్షం కురిపించిన విల్‌ స్మీడ్‌ ఇన్నింగ్స్‌పై మీ అభిప్రాయాలను కామెంట్ల రూపంలో తెలియజేయండి.

FIRST 💯 IN #TheHundred!!!

Well played, @will_smeed 💥 pic.twitter.com/f7lnTzOYx1

— The Hundred (@thehundred) August 10, 2022

THE FIRST EVER HUNDRED IN THE HUNDRED! 💯

Will Smeed, take a bow! 🙌 #TheHundred

— ESPNcricinfo (@ESPNcricinfo) August 10, 2022

HISTORY MAKER!!! 🤯

Will Smeed take a bow 👏 pic.twitter.com/w1vztnUnOQ

— Sky Sports Cricket (@SkyCricket) August 10, 2022

ఇది కూడా చదవండి: పాకిస్తాన్ తో తలపడే భారత జట్టు ఇదే: మాజీ క్రికెటర్‌