ధోని, కోహ్లి రికార్డును తుడిచిపెట్టిన అనామక బ్యాటర్.. ఎవరంటే..!

క్రికెట్​లో మునుపటి కంటే వేగం పెరిగింది. ఫ్లాట్​ పిచ్​లు, ఫీల్డింగ్ నిబంధనలు మారడం, ఆధునిక బ్యాట్​ల వల్ల భారీ స్కోర్లు నమోదవుతున్నాయి. ఇప్పడంతా బ్యాట్స్​మెన్​లదే ఆధిపత్యం. టెస్టుల్లోనే బ్యాటింగ్​, బౌలింగ్​కు మధ్య అంతో ఇంతో సమతూకం కనిపిస్తోంది. తప్పితే మిగిలిన ఫార్మాట్లలో బ్యాట్స్​మెన్​ల జోరు నడుస్తోంది. ఇప్పుడు టీ20ల్లోనే సెంచరీలకు సెంచరీలు బాదేస్తున్నారు బ్యాటర్లు. కానీ ఒకప్పుడు వన్డే క్రికెట్​లో వంద కొడితేనే గొప్ప అనేలా ఉండేది. ఇక, డబుల్ సెంచరీ అనేది ఎవరి ఊహకూ అందనిది. కానీ సచిన్ టెండూల్కర్, వీరేంద్ర సెహ్వాగ్, రోహిత్​ శర్మ లాంటి పలువురు బ్యాటర్లు 50 ఓవర్ల ఫార్మాట్​లో డబుల్ సెంచరీ కొట్టడం సులువేనని నిరూపించారు.

భారత మాజీ సారథులు ఎంఎస్ ధోని, విరాట్ కోహ్లీలు తమ కెరీర్లలో ఎన్నో రికార్డులు నెలకొల్పినా వన్డేల్లో డబుల్ సెంచరీ ఫీట్​ను మాత్రం అందుకోలేదు. ఓడీఐ క్రికెట్​లో ఇద్దరి అత్యుత్తమ స్కోరు ఒకటే కావడం విశేషం. ఈ ఇద్దరు క్రేజీ బ్యాటర్లు 183 స్కోరు చేయడం విశేషం. అలాంటి వీరి రికార్డును ఒక బ్యాట్స్​మన్ అధిగమించాడు. యూఏఈ స్టార్ బ్యాటర్ వృత్య అరవింద్ గురించి వినే ఉంటారు. యూఏఈ జట్టులో ఇతడే పించ్​ హిట్టర్. గ్రౌండ్​లోకి దిగాడంటే చాలు.. ఫోర్లు, సిక్సులతో బౌలర్లను ఊచకోత కోస్తుంటాడు వృత్య అరవింద్. భారత సంతతికి చెందిన ఈ కుడిచేతి వాటం బ్యాటర్ మరో అరుదైన ఘనతను సాధించాడు.

కువైట్ టీమ్​తో జరుగుతున్న వన్డే మ్యాచ్​లో అరవింద్ భారీ స్కోరు బాదాడు. 147 బాల్స్​లో ఏకంగా 185 రన్స్ చేశాడు. అతడి ఇన్నింగ్స్​లో 17 ఫోర్లు, 9 సిక్సులు ఉన్నాయి. దీన్ని బట్టే అరవింద్ బ్యాటింగ్ విధ్వంసం ఏ రేంజ్​లో సాగిందో అర్థం చేసుకోవచ్చు. తొలుత బ్యాటింగ్​కు దిగిన యూఏఈ అరవింద్ ఇన్నింగ్స్​తో ఏకంగా 371 పరుగుల భారీ స్కోరు చేసింది. లక్ష్య ఛేదనలో కువైట్​కు శుభారంభం దక్కలేదు. మొదట్లోనే వికెట్లు పడటంతో ఆ జట్టు తడబడుతోంది. 6 ఓవర్లకు 4 వికెట్లు నష్టపోయి 46 రన్స్ చేసింది.

Vriitya Aravind registered the highest individual score (185) for the United Arab Emirates in ODIs against Kuwait.

Well played, young lad! 👏#CricTracker #VriityaAravind #UAEvKUW #ODIs pic.twitter.com/5YwyinNBe3

— CricTracker (@Cricketracker) April 19, 2023

ఈరోజు ఏపీ, తెలంగాణకు సంబంధించిన లేటెస్ట్ న్యూస్.. జాతీయ, అంతర్జాతీయ వార్తలు.. ఎడ్యుకేషన్, బిజినెస్, సినిమా, స్పోర్ట్స్, టెక్ అప్డేట్స్.. ఆధ్యాత్మిక, ఆరోగ్య సమాచారంతో పాటు, వైరల్ కథనాల కోసం సుమన్ టీవీ యాప్‌ను డౌన్‌లోడ్ చేసుకోండి.