RRR తోనే ఇది సాధ్యం అయ్యింది.. వైరల్ అవుతున్న సచిన్ ట్వీట్!

RRR.. గత కొన్ని రోజులుగా ప్రపంచ వ్యాప్తంగా మారుమ్రోగుతున్న పేరు. హాలీవుడ్ సినిమాలను బీట్ చేస్తూ.. ఆస్కార్ అవార్డు రేసులో నిలిచింది ఈ చిత్రం. తాజాగా సచిన్ ఆర్ఆర్ఆర్ పేరుతో చేసిన ట్వీట్ నెట్టింట వైరల్ గా మారింది. RRR వల్లే ఇది సాధ్యం అయ్యింది అంటూ సచిన్ చేసిన ట్వీట్ ఇప్పుడు ట్రెండింగ్ లో ఉంది. అయితే సచిన్ ఏంటీ ఆర్ఆర్ఆర్ గురించి పోస్ట్ చేయడం ఏంటని ఆలోచిస్తున్నారా? అసలు సచిన్ టెండుల్కర్ చేసిన ట్వీట్ దేని గురించో ఇప్పుడు తెలుసుకుందాం.

ప్రస్తుతం భారత్-ఆస్ట్రేలియా మధ్య బోర్డర్-గవాస్కర్ ట్రోఫీలో భాగంగా తొలి టెస్టు జరుగుతోంది. ఈ మ్యాచ్ లో టీమిండియా అదరగొడుతోంది. తొలిరోజు సత్తా చాటిన భారత బౌలర్లు ఆసిస్ ను బెంబేలెత్తించారు. టీమిండియా బౌలర్ల ధాటికి ఆసిస్ తొలి ఇన్నింగ్స్ లో కేవలం 177 పరుగులకే కుప్పకూలింది. భారత బౌలర్లలో గాయం నుంచి కోలుకుని రీ ఎంట్రీ ఇచ్చిన జడేజా 5 వికెట్లతో దుమ్మురేపాడు. అతడికి తోడు సీనియర్ బౌలర్ రవిచంద్రన్ అశ్విన్ 3 వికెట్లతో సత్తాచాటాడు. అనంతరం బ్యాటింగ్ ప్రారంభించిన టీమిండియా రెండో రోజు ఆట ముగిసే సమయానికి 7 వికెట్ల నష్టానికి 321 పరుగులు చేసింది. దాంతో టీమిండియాకు 144 పరుగుల ఆధిక్యం లభించింది.

ఇక తొలి ఇన్నింగ్స్ రెండో రోజులో సెంచరీతో కదం తొక్కాడు రోహిత్ శర్మ. 120 పరుగులు చేసి భారత్ 300 స్కోర్ చేయడానికి దోహదపడ్డాడు. ఇక బౌలర్లలో రవీంద్ర జడేజా 5 వికెట్లు తియ్యగా, రవిచంద్రన్ అశ్విన్ 3 వికెట్లు తీసి సత్తా చాటాడు. అయితే ఈ మ్యాచ్ లో ప్రస్తుతానికి RRR వల్లే ఆసిస్ పై భారత్ పైచేయి సాధించగలిగిందని సచిన్ ట్వీట్ చేశాడు. అంటే రోహిత్ శర్మ, రవీంద్ర జడేజా, రవిచంద్రన్ అశ్విన్ కారణంగానే తొలి టెస్ట్ లో భారత్ పటిష్ట స్థితిలో ఉందని పేర్కొన్నాడు. ప్రస్తుతం సచిన్ చేసిన ట్వీట్ వైరల్ గా మారింది.

ప్రస్తుతం రెండో రోజు ఆటముగిసే సమయానికి టీమిండియా 7 వికెట్ల నష్టానికి 321 పరుగులు చేసింది. దాంతో భారత్ కు 144 పరుగుల కీలక ఆధిక్యం లభించింది. క్రీజ్ లో రవీంద్ర జడేజా(66), అక్షర్ పటేల్ (52) పరుగులతో అర్ధ సెంచరీలు సాధించి మంచి ఊపు మీదున్నారు. వీరిద్దరు కలిసి 8వ వికెట్ కు 81 పరుగుల అభేద్యమైన భాగస్వామ్యాన్ని నెలకొల్పారు. మరి ఆర్ఆర్ఆర్ తో పోలుస్తూ.. సచిన్ చేసిన ట్వీట్ పై మీ అభిప్రాయాలను కామెంట్స్ రూపంలో తెలియజేయండి.

𝐑𝐑𝐑 💥 🔥

The trio of Rohit, Ravindra & Ravichandran have helped India get ahead in this Test.@ImRo45 has led from the front with his 100 while @ashwinravi99 & @imjadeja have got us important breakthroughs.#INDvAUS pic.twitter.com/JTipYmxpKt

— Sachin Tendulkar (@sachin_rt) February 10, 2023

ఈరోజు ఏపీ, తెలంగాణకు సంబంధించిన లేటెస్ట్ న్యూస్.. జాతీయ, అంతర్జాతీయ వార్తలు.. ఎడ్యుకేషన్, బిజినెస్, సినిమా, స్పోర్ట్స్, టెక్ అప్డేట్స్.. ఆధ్యాత్మిక, ఆరోగ్య సమాచారంతో పాటు, వైరల్ కథనాల కోసం సుమన్ టీవీ యాప్‌ను డౌన్‌లోడ్ చేసుకోండి.