భార్య కోసం ఏకంగా సముద్రంలోకి దూకిన రోహిత్.. ఆ తర్వాత ఏమైందంటే..!

భారత జట్టు సారథి రోహిత్ శర్మకు ప్రస్తుతం బ్యాడ్ టైమ్ నడుస్తోందనే చెప్పాలి. ఐపీఎల్​లో ముంబై ఇండియన్స్​కు కప్ అందించడంలో ఫెయిలైన హిట్​మ్యాన్.. వరల్డ్ టెస్ట్ ఛాంపియన్​షిప్​లో టీమిండియాకు టైటిల్ అందించడంలోనూ విఫలమయ్యాడు. ఐపీఎల్​ ప్లేఆఫ్స్​ ఓటమి రోహిత్​పై అంతగా ప్రభావం చూపలేదు. కానీ డబ్ల్యూటీసీ ఫైనల్ పరాభవం ఎఫెక్ట్​ మాత్రం అతడిపై గట్టిగానే పడింది. టెస్టుల్లో వరల్డ్ కప్​ లాంటి డబ్ల్యూటీసీ ఫైనల్లో వరుసగా రెండో ఓటమిని భారత అభిమానులు తట్టుకోలేకపోతున్నారు. ఈ ఓటమికి రోహిత్​ శర్మ బాధ్యత తీసుకోవాలని.. అతడు కెప్టెన్సీ నుంచి తప్పుకోవాలని సోషల్ మీడియాలో నెటిజన్స్ డిమాండ్ చేస్తున్నారు. సారథ్యాన్ని వదిలి ఆటపై దృష్టి పెట్టాలని హిట్​మ్యాన్​కు టీమిండియా ఫ్యాన్స్ సూచిస్తున్నారు. ఇకపోతే, డబ్ల్యూటీసీ ఫైనల్ ముగిసి ఐదు రోజులు కావొస్తున్నా భారత క్రికెటర్లలో చాలా మంది ఇంకా స్వదేశానికి చేరుకోలేదు.

కొందరు టీమిండియా స్టార్లు సైలెంట్​గా అటు నుంచి అటే మాల్దీవుల్లో వాలిపోయారు. మరో నెల రోజుల వరకు మ్యాచ్​లు లేకపోవడంతో సముద్రపు ఒడ్డున బీచ్​ల్లో ఎంజాయ్ చేస్తున్నారు క్రికెటర్స్. డబ్ల్యూటీసీ ఫైనల్లో ఓటమితో భారీగా విమర్శలు రావడంతో మాల్దీవుల్లో ఎంజాయ్ చేస్తున్న ఫొటోలను వాళ్లు సోషల్ మీడియాలో షేర్ చేయడం లేదు. అయితే కెప్టెన్ రోహిత్ శర్మ భార్య రితికా మాత్రం హాలీడేస్​ ఫొటోలను సోషల్ మీడియాలో షేర్ చేసింది. పొరపాటున తన ఫోన్​ సముద్రంలో పడిపోతే రోహిత్​ వెంటనే దూకి, దాన్ని తీసుకొచ్చాడని ఇన్​స్టాలో ఒక పోస్టు ద్వారా తెలిపింది రితికా. దీని పైనా కొందరు నెగిటివ్ కామెంట్స్ చేస్తున్నారు. భార్య ఫోన్ కోసం ప్రాణాలకు తెగించిన రోహిత్.. ఐసీసీ టోర్నీల్లో ఇంత సాహసం చూపించి ఉంటే భారత్​కు రెండు కప్స్ (ఐసీసీ టీ20 వరల్డ్ కప్-2022, వరల్డ్ టెస్ట్ ఛాంపియన్​షిప్-2023) వచ్చేవని ట్రోల్ చేస్తున్నారు.

Rohit Sharma never fails to impress.#RohitSharma pic.twitter.com/roN6eVcLwo

— CricTracker (@Cricketracker) June 16, 2023