‌‌ఒకే ఓవర్​లో డబుల్ హ్యాట్రిక్.. ఈ చిచ్చర పడుగు ఎవరో తెలుసా?

క్రికెట్​ను బ్యాట్స్​మెన్ గేమ్​గా చెబుతుంటారు. అయితే టెస్టు క్రికెట్​లో మాత్రం బ్యాట్స్​మెన్​తో పాటు బౌలర్లకు కూడా సమానావకాశాలు ఉంటాయి. లాంగ్ ఫార్మాట్​లో గెలుపు కోసం ఆయా జట్లు తమ దేశ పరిస్థితులకు తగ్గట్లుగా స్పిన్, పేస్​ పిచ్​లు తయారు చేసుకోవడం కూడా చూస్తుంటాం. టెస్టుల విషయాన్ని పక్కనబెడితే.. లిమిటెడ్ ఓవర్ల క్రికెట్​ మాత్రం పూర్తిగా బ్యాట్స్​మెన్ ఫేవర్​గా మారిపోయింది. ఆడియెన్స్​కు ఎంటర్​టైన్​మెంట్ అందించడం కోసం ఫ్లాట్​ పిచ్​లు తయారు చేస్తున్నారు. దీంతో బ్యాట్స్​మెన్​లు బౌలర్లను ఆడుకుంటున్నారు. ఇలాంటి టైమ్​లో ఒక వికెట్​ తీయడమే బౌలర్లకు కష్టమైపోతుంది. అలాంటిది ఇంకా హ్యాట్రిక్​లు తీయాలనే ఆలోచనే రాదు. వరల్డ్ క్రికెట్​లో ఇప్పటివరకు చాలా మంది బౌలర్లు హ్యాట్రిక్ వికెట్లు తీశారు.

టెస్టులు, వన్డేలు, టీ20ల్లో హ్యాట్రిక్ వికెట్లు తీసిన బౌలర్ల జాబితాలో ఇండియన్ క్రికెటర్స్ కూడా ఉన్నారు. ఇదిలా ఉంటే.. ఒక 12 ఏళ్ల పిల్లాడు డబుల్ హ్యాట్రిక్ తీసి ప్రపంచ రికార్డు సృష్టించాడు. ఇంగ్లండ్​ అండర్​-12 ప్లేయర్ అయిన ఆలివర్ వైట్​హౌస్ అనే పిల్లాడు ఈ అరుదైన ఘనతను అందుకున్నాడు. బ్రోమ్స్​గ్రోవ్ క్రికెట్ క్లబ్ తరఫున బరిలోకి దిగిన వైట్​హౌస్.. కుఖిల్ టీమ్​పై ఆరు బాల్స్​లో ఆరు వికెట్లు తీసి చరిత్ర సృష్టించాడు. ఈ మ్యాచ్​లో రెండు ఓవర్లు మాత్రమే వేసిన ఈ లెఫ్టార్మ్ స్పిన్నర్ ఒక్క రన్ కూడా ఇవ్వకుండా మొత్తంగా 8 వికెట్లు తీయడం విశేషం. కాగా, వైట్​హౌస్ రక్తంలోనే స్పోర్ట్స్ ఉందని ఫ్యాన్స్ అంటున్నారు. అతడు మరెవరో కాదు.. 1969 వింబుల్డన్ టెన్నిస్ ఛాంపియన్​ ఆన్​ జోన్స్​ మనవడే కావడం గమనార్హం.

What an achievement for our u12 player. His final match figures were 2–2-8-0 ! Only 2 wickets in his second over 🐗🏏 pic.twitter.com/0L0N36HIcI

— Bromsgrove Cricket Club (@BoarsCricket) June 11, 2023

In an under 12 game on Friday, Ollie Whitehouse completed cricket by taking 6 wickets in an over… all bowled

😳😳😳😳😳😳https://t.co/dbpKjo8ltr@bbctms @ThatsSoVillage @CowCornerPod pic.twitter.com/Zn4DXTWCHl

— Bromsgrove Cricket Club (@BoarsCricket) June 11, 2023