కోహ్లీ, ధోని రికార్డులను బద్దలుకొట్టిన మిథాలీ రాజ్‌

టీమిండియా మాజీ కెప్టెన్‌ ఎంఎస్‌ ధోని ఎన్నో రికార్డులను నెలకొల్పాడు. అందులో ఒక రికార్డును టీమిండియా ఉమెన్స్‌ టీమ్‌ కెప్టెన్‌ మిథాలీ రాజ్‌ బద్దలు కొట్టింది. న్యూజిలాండ్‌తో జ‌రిగిన రెండో వ‌న్డేలో మిథాలీ చరిత్ర సృష్టించింది. ఈ ఒక్క మ్యాచ్‌తో అనేక‌ రికార్డుల‌ను ఖాతాలో వేసుకుంది. ఈ క్ర‌మంలో టీమిండియా దిగ్గ‌జ కెప్టెన్లు అజారుద్దీన్, మ‌హేంద్ర సింగ్ ధోని, విరాట్ కోహ్లీ రికార్డుల‌ను సైతం బ‌ద్దలు కొట్టింది. అంతేకాకుండా అంత‌ర్జాతీయ క్రికెట్‌లోకి తాను అరంగేంట్రం చేశాక జ‌న్మించిన క్రీడాకారిణితో క‌లిసి ఏకంగా సెంచ‌రీ భాగ‌స్వామ్యాన్ని నెల‌కొల్పింది.

#TeamIndia 🇮🇳 post 2️⃣7️⃣0️⃣/6️⃣ in 50 overs 👍🏻

Captain leading from the front – Mithali Raj scores 66*(81)👌🏻

Richa Ghosh – 65(64)
Sabbhineni Meghana – 49 (50)

The New Zealand chase is underway now #NZWvINDW

📸📸 Courtesy: @PhotosportNZ pic.twitter.com/qheEMxfx5M

— BCCI Women (@BCCIWomen) February 15, 2022

న్యూజిలాండ్‌తో రెండో వ‌న్డేలో హాఫ్ సెంచ‌రీతో రాణించిన మిథాలీ రాజ్ కివీస్‌పై అత్య‌ధిక హాఫ్ సెంచ‌రీలు చేసిన టీమిండియా కెప్టెన్‌గా నిలిచింది. ఈ క్ర‌మంలో టీమిండియా మెన్స్ టీం దిగ్గ‌జ కెప్టెన్లు అజారుద్దీన్, మ‌హేంద్ర‌సింగ్ ధోని రికార్డుల‌ను బ‌ద్ద‌లుకొట్టింది. రెండో వ‌న్డేలో మిథాలీ చేసిన సాధించిన‌ హాఫ్ సెంచ‌రీ ఆమె కెరీర్‌లో న్యూజిలాండ్‌పై ఏడ‌వ‌ది కావ‌డం గ‌మ‌నార్హం. ఈ క్ర‌మంలో అంత‌కుముందు ఆరేసి హాఫ్ సెంచ‌రీల‌తో ఉన్న అజారుద్దీన్, ధోనిని మిథాలీ అధిగ‌మించింది. ఈ జాబితాలో విరాట్ కోహ్లీ 4 హాఫ్ సెంచ‌రీల‌తో నాల్గో స్థానంలో ఉన్నాడు. రెండో వ‌న్డేలో 66 ప‌రుగుల‌తో అజేయంగా నిలిచిన మిథాలీ రాజ్ కివీస్‌పై అత్య‌ధిక ప‌రుగులు చేసిన టీమిండియా కెప్టెన్‌గా నిలిచింది. మరి మిథాలీ బద్దలు కొట్టిన రికార్డ్‌పై మీ అభిప్రాయాలను కామెంట్ల రూపంలో తెలియజేయండి.