IND vs ZIM: జింబాబ్వే కదా అని తేలిగ్గా తీసిపారేయొద్దు.. ఆ ఒక్కడు చాలా ప్రమాదకరం!

IND vs ZIM: ప్రస్తుతం భారత జట్టు మూడు వన్డేల సిరీస్ కోసం జింబాబ్వేలో పర్యటిస్తోంది. ఈ సిరీస్ కు కేఎల్‌ రాహుల్‌ నాయకత్వం వహించనున్నాడు. ఆగస్టు 18 నుంచి హరారే వేదికగా సిరీస్‌ ప్రారంభం కానుంది. ఈ నేపథ్యంలో టీమిండియా కాస్త జాగ్రత్తగా ఆడాల్సిన అవసరం ఉందంటూ మాజీలు హెచ్చరిస్తున్నారు. చిన్నజట్టే కదా అని తేలిగ్గా తీసిపారేయొద్దు.. అసలుకే మోసం వచ్చే పరిస్థితి ఉందంటూ సలహా ఇస్తున్నారు. జింబాబ్వే కోచ్, క్రికెటర్లు.. టీమిండియాను ఓడిస్తామంటూ శపధాలు చేయడమే అందుకు కారణం.

ప్రస్తుతమున్న జింబాబ్వే మునుపటి జట్టులా మాత్రం కాదు. స్వదేశంలో బంగ్లాదేశ్‌తో పరిమిత ఓవర్ల సిరీస్‌లు కైవసం చేసుకుని జోరు మీదుంది. టీ20, వన్డే సిరీస్‌లో అనూహ్య రీతిలో పర్యాటక బంగ్లాకు షాకిచ్చి 2-1తో ఓడించింది. ఇదే జోష్‌లో టీమిండియాతో పోరుకు సన్నద్ధమవుతోంది. ఈ క్రమంలో కీలక ఆటగాళ్లపై ఓ కన్నేసి ఉంచాలంటూ మాజీ క్రికెటర్లు సలహా ఇస్తున్నారు. ముఖ్యంగా మిడిలార్డర్‌ బ్యాటర్/ ఆల్ రౌండర్ సికందర్‌ రాజాను కట్టడి చేయాల్సిన అవసరం ఉందని హెచ్చరిస్తున్నారు. “ఎంతకాదన్నా సొంతగడ్డ అనేది ఆతిథ్య జట్టుకు బలం. సొంత ప్రేక్షకుల మధ్య మద్దతు విరివిగా లభించే చోట చిన్న జట్టైనా చెలరేగి ఆడుతుంది” జాగ్రత్తగా ఉండాలి అని సూచిస్తున్నారు.

సికందర్‌ రాజా

జింబాబ్వే మిడిలార్డర్‌ బ్యాటర్ సికందర్‌ రాజా ఆ జట్టుకు పెద్ద ప్లస్‌ పాయింట్‌. ఇటీవలే బంగ్లాదేశ్‌తో జరిగిన సిరీస్‌లో వరుస సెంచరీలతో హోరెత్తించాడు. ఈ ఏడాది వన్డేల్లో అత్యధిక పరుగులు చేసిన జాబితాలో సికందర్‌ రాజా నాలుగో స్థానంలో ఉన్నాడు. రాజా కంటే ముందు పాక్‌ కెప్టెన్‌ బాబర్‌ ఆజమ్, వాండర్‌ డుసెన్‌, క్వింటన్‌ డికాక్‌లు మాత్రమే ఉన్నారు. అలాగే.. ఐసీసీ వన్డే అల్ రౌండర్ల ర్యాంకింగ్స్ లో సైతం నాలుగో స్థానంలో ఉన్నాడు. పాకిస్తాన్‌ లో పుట్టి జింబాబ్వేలో స్థిరపడ్డ రాజా ఇప్పటివరకు 13 మ్యాచ్‌లాడి 627 పరుగులు సాధించాడు.

Sikandar Raza rewarded for his recent form with a rankings rise ⏫ pic.twitter.com/mytUfyOeHP

— ESPNcricinfo (@ESPNcricinfo) August 10, 2022

భారత జట్టు: కేఎల్‌ రాహుల్‌ (కెప్టెన్‌), శిఖర్‌ ధావన్‌ (వైస్‌ కెప్టెన్‌), రుతురాజ్‌ గైక్వాడ్, శుబ్‌మన్‌ గిల్, దీపక్‌ హుడా, రాహుల్‌ త్రిపాఠి, ఇషాన్‌ కిషన్, సంజు సామ్సన్, షాబాద్‌ అహ్మద్‌, శార్దుల్‌ ఠాకూర్, కుల్దీప్‌ యాదవ్, అక్షర్‌ పటేల్, అవేశ్‌ ఖాన్, ప్రసిధ్‌ కృష్ణ, దీపక్‌ చహర్, మొహమ్మద్‌ సిరాజ్‌.

జింబాబ్వే జట్టు: రెగిస్ చకబ్వా (కెప్టెన్‌), సికందర్‌ రాజా, తనకా చివాంగా, బ్రాడ్లీ ఎవాన్స్, ల్యూక్ జోంగ్వే, ర్యాన్ బర్ల్, ఇన్నోసెంట్ కైయా, కైటానో టకుడ్జ్వానాషే, క్లైవ్ మదాండే, వెస్లీ మాధేవెరే, తాడివానాషే మారుమని, జాన్ మసారా, టోనీ మున్యోంగా, రిచర్డ్‌టర్ న్గార్వా, , మిల్టన్ షుంబా, డోనాల్డ్ తిరిపానో.

ఇదీ చదవండి: టీమిండియాపై వరుస సెంచరీలు చేస్తా: జింబాబ్వే క్రికెటర్!

ఇదీ చదవండి: జింబాబ్వేలో నీటికటకట.. టీమిండియా ఆటగాళ్లుకు బీసీసీఐ కీలక ఆదేశాలు!

ఈరోజు ఏపీ, తెలంగాణకు సంబంధించిన లేటెస్ట్ న్యూస్.. జాతీయ, అంతర్జాతీయ వార్తలు.. ఎడ్యుకేషన్, బిజినెస్, సినిమా, స్పోర్ట్స్, టెక్ అప్డేట్స్.. ఆధ్యాత్మిక, ఆరోగ్య సమాచారంతో పాటు, వైరల్ కథనాల కోసం సుమన్ టీవీ యాప్‌ను డౌన్‌లోడ్ చేసుకోండి.