మీ దేశానికి వచ్చి క్రికెట్‌ ఆడతామంటూ.. పాక్‌పై ఐస్‌లాండ్‌ సెటైర్లు!

ప్రస్తుతం ఇంగ్లాండ్ తో జరుగుతున్న మూడు టెస్ట్ మ్యాచ్ ల సిరీస్ లో పాక్ దారుణంగా విఫలం అయ్యింది. మూడు మ్యాచ్ ల్లో ఘోరంగా ఓడిపోయి సిరీస్ ను 3-0తో కోల్పోయింది. దాంతో పాక్ పై ఇంటా బయట విమర్శలు వెల్లువెత్తుతున్నాయి. ఓ వైపు పాక్ ఫ్యాన్స్.. మరో వైపు పాక్ క్రికెట్ బోర్డ్ విమర్శల బాణాలు ఎక్కుపెట్టాయి. ఈ క్రమంలోనే ‘మూలిగే నక్కపై తాటి పండు పడ్డట్లు’ తయ్యారు అయ్యింది పాక్ జట్టు పరిస్థితి. ఇంగ్లాండ్ తో మూడో టెస్ట్ ఓడిపోగానే ఐస్ లాండ్ క్రికెట్ బోర్డ్.. పాక్ క్రికెట్ బోర్డ్ కు సెటైరికల్ ఆఫర్ ఇచ్చింది. మేం మీ దేశానికి వచ్చి క్రికెట్ ఆడుతాం.. 3-0 తో ఓడిపోతాం అంటూ ట్వీట్ చేసింది.

“గోరు చుట్టపై రోకలి పోటు.. మూలిగే నక్కపై తాటి పండు పడ్డట్లు” ఈ రెండు సామెతలు ఇప్పుడు అక్షరాల పాకిస్థాన్ క్రికెట్ జట్టుకు సరిగ్గా సరిపోతాయి. ఇంగ్లాండ్ తో జరిగిన మూడు టెస్టు మ్యాచ్ ల్లో ఘోరంగా ఓడిపోయింది పాక్. దాంతో పాకిస్థాన్ జట్టుపై సొంత దేశ అభిమానులే పీకల దాక కోపంతో ఉన్నారు. ఇది చాలదు అన్నట్లుగా ఇప్పుడు ఈ జాబితాలోకి ఐస్ లాండ్ దేశం వచ్చి చేరింది. ఇంగ్లాండ్ తో మూడో టెస్ట్ మ్యాచ్ లో పాక్ ఓడిపోగానే ట్విట్టర్ వేదికగా సైటైర్లు వేసింది. ట్విట్టర్ లో పాక్ జట్టును ఉద్దేశించి ఐస్ లాండ్ క్రికెట్ బోర్డ్ ఈ విధంగా రాసుకొచ్చింది.”పాకిస్థాన్ క్రికెట్ కు మేం ఓ ఆఫర్ ఇస్తున్నాం. మా జట్టు పాక్ పర్యటనకు వచ్చి మీ పై 3-0 తో ఓడిపోతాం. దాంతో మీ ఓటమికి బ్యాలెన్స్ అవుతుందని మేం భావిస్తున్నాం. ఇక మేం ఓవర్ కు ఇంగ్లాండ్ లా 7 పరుగులు చేయం.. 0.7రన్స్ మాత్రమే చేస్తాం” అంటూ ఐస్ లాండ్ క్రికెట్ బోర్డ్ ట్వీట్ చేసింది.

Pakistan is a great place for scenery and underappreciated for tourism, but it seems like the English already have a flight booked out of Karachi tonight.

— Iceland Cricket (@icelandcricket) December 19, 2022

ఇక ఇంగ్లాండ్ బ్యాటింగ్ పై స్పందిస్తూ.. చివరి టెస్ట్ లో ఇంగ్లాండ్ 17 ఓవర్లలోనే 112 రన్స్ చేయడానికి ప్రధాన కారణం క్రిస్మస్ పండగ దగ్గరకు రావడమే. దాంతోనే వారు త్వరగా ఇంగ్లాండ్ కు వెళ్లాలి అన్న ఉద్దేశంతోనే వారు వేగంగా పరుగులు చేశారని మరో ట్వీట్ లో ఐస్ లాండ్ క్రికెట్ బోర్డ్ రాసుకొచ్చింది. పాకిస్థాన్ పర్యటకంగా అద్భుతం.. టూరిస్టులను ఆ దేశం ఆకర్షిస్తోంది అందులో సందేహం లేదు కానీ ఇంగ్లాండ్ ఆటగాళ్లు ఈ రాత్రికే వారి టికెట్స్ బుక్ చేసుకునే ఉండి ఉంటారు అని సైటెర్లు వేసింది ఐస్ లాండ్ క్రికెట్ బోర్డ్. పాకిస్థాన్ గడ్డపై పాక్ కు ఇదే తొలి క్లీన్ స్విప్ కావడం విశేషం.

Message to @TheRealPCB, we are happy to come and tour Pakistan and lose 3-0, getting chopped up and sugared like marmalade. Just letting you know in the interests of balance. And we will score at 0.7 not 7.0 an over.

— Iceland Cricket (@icelandcricket) December 19, 2022

ఈరోజు ఏపీ, తెలంగాణకు సంబంధించిన లేటెస్ట్ న్యూస్.. జాతీయ, అంతర్జాతీయ వార్తలు.. ఎడ్యుకేషన్, బిజినెస్, సినిమా, స్పోర్ట్స్, టెక్ అప్డేట్స్.. ఆధ్యాత్మిక, ఆరోగ్య సమాచారంతో పాటు, వైరల్ కథనాల కోసం సుమన్ టీవీ యాప్‌ను డౌన్‌లోడ్ చేసుకోండి.