follow us:
మరికొన్ని రోజుల్లో ఆస్ట్రేలియా వేదికగా టీ20 వరల్డ్‌ కప్‌ 2022 ప్రారంభం కానున్న సంగతి తెలిసిందే. ఈ వరల్డ్‌ కప్‌ కోసం భారత జట్టుకు ఎంపికై పలువురు ఆటగాళ్లు దూరమయ్యారు. అందులో రవీంద్ర జడేజా, జస్ప్రీత్‌ బుమ్రాతో పాటు స్టాండ్‌బై ప్లేయర్‌గా ఎంపికైన దీపక్‌ చాహర్‌ కూడా గాయం కారణంగా వరల్డ్‌ కప్‌ దూరమయ్యాడు. దీపక్‌ చాహర్‌ స్టాండ్‌బైగానే కాకుండా.. గాయపడ్డ బుమ్రాకు రీప్లేస్‌మెంట్‌గా తుదిజట్టులో ఆడే అద్భుత అవకాశం ఉండేది. గాయంతో బుమ్రా వరల్డ్‌ కప్‌ టీమ్‌కు దూరమైన తర్వాత.. సౌతాఫ్రికాతో జరిగిన టీ20 సిరీస్‌లో దీపక్‌ చాహర్‌ మంచి ప్రదర్శన కనబర్చాడు. దీంతో బుమ్రా స్థానం కోసం టీమిండియా సీనియర్‌ బౌలర్‌ మొహమ్మద్‌ షమీ, మొహమ్మద్‌ సిరాజ్‌లతో పోటీ పడ్డాడు. బౌలింగ్‌తో పాటు బ్యాటింగ్‌ కూడా చేసే సామర్థ్యం ఉండటంతో సెలెక్టర్లు సైతం దీపక్‌ వైపే మొగ్గు చూపినట్లు తెలిసింది.
కానీ దురదృష్టవశాత్తు దీపక్‌ చాహర్‌ గాయం కారణం.. తొలుత సౌతాఫ్రికాతో వన్డే సిరీస్‌కు దూరమయ్యాడు. అక్కడి నుంచి నేరుగా బెంగుళూరులోని నేషనల్‌ క్రికెట్‌ అకాడమీకి చేరుకున్నాడు. చిన్న గాయమే త్వరగానే నయమవుతుందని భావించినా.. అలా జరలేదు. దీంతో టీ20 వరల్డ్‌ కప్‌ జట్టుకు స్టాండ్‌బై ప్లేయర్‌గా ఉన్న దీపక్‌ చాహర్‌ స్థానంలో శార్ధుల్‌ ఠాకూర్‌ను ఆస్ట్రేలియా వెళ్లాడు. స్టాండ్‌బై ప్లేయర్‌ స్థానంతో పాటు, బుమ్రా స్థానంలో తుది జట్టులో ఆడే గోల్డెన్‌ ఛాన్స్‌ను మిస్‌ అయ్యాడు దీపక్‌. కాగా.. అతని వెన్ను గాయంపై సోషల్‌ మీడియాలో సెటైర్ల వర్షం కురుస్తోంది. అందుకు కారణం దీపక్‌ చాహర్‌ అక్క మాలతి చాహర్‌ చేసిన ఒక కొంటె ట్వీట్‌ ఇప్పుడు వైరల్‌గా మారడమే. ఇంతకీ ఆ ట్వీట్‌లో ఏముందంటే..
దీపక్‌ చాహర్‌ ఐపీఎల్‌ సందర్భంగా తన ప్రేయసికి స్టేడియంలోనే ప్రపోజ్‌ చేసి ఒప్పించిన విషయం తెలిసిందే. ఆ తర్వాత వారిద్దరూ ఆగ్రాలో వివాహం కూడా చేసుకున్నారు. వారి పెళ్లికి శుభాకాంక్షలు తెలుపుతూ.. దీపక్‌ చాహర్‌ అక్క మాలతి ఒక ట్వీట్‌ చేసింది. ‘ఇప్పటి నుంచి ఈ అమ్మాయి మా ఇంటి పిల్ల. మీ ఇద్దరి శుభాకాంక్షలు. ఇక హనీమూన్‌లో నీ బ్యాక్‌ జాగ్రత్త చాహర్‌. అసలే మనకు వరల్డ్‌ కప్‌ ముందుంది.’ అంటూ సరదాగా పేర్కొంది. కానీ.. నిజంగానే వెన్నునొప్పితో దీపక్‌ చాహర్‌ టీ20 వరల్డ్‌ కప్‌కు దూరమయ్యాడు. దీంతో మాలతి చాహర్‌ అప్పుడు చేసిన ట్వీట్‌ ఇప్పుడు వైరల్‌గా మారింది. ఈ ట్వీట్‌పై స్పందిస్తూ నెటిజన్లు.. ‘అక్క మాట వినాల్సింది కదా చాహర్‌’, ‘అక్క మాట వినుంటే దీపక్‌ చాహర్‌ ఇప్పుడు వరల్డ్‌ కప్‌ ఆడేవాడు’ అంటూ సెటైరికల్‌ కామెంట్స్‌ చేస్తున్నారు.
Ab ladki hui humari….Wish you guys a very happy married life🧿 @deepak_chahar9 please take care of your back during your honeymoon..we have World Cup ahead 😜#family #brother #marriage #siblings pic.twitter.com/Hm2unculO7
— Malti Chahar🇮🇳 (@ChaharMalti) June 3, 2022
