న్యూజిలాండ్‌ డ్రెస్సింగ్‌రూమ్‌లో చిన్నారి! ఎవరతను? ఎందుకున్నాడు?

క్యాన్సర్‌తో బాధపడుతున్న జాకబ్‌ అనే ఓ చిన్నారి కోరికను పెద్ద మనసుతో తీర్చింది న్యూజిలాండ్‌ క్రికెట్‌ టీమ్‌. జాకబ్‌కు క్రికెట్‌ అంటే చాలా ఇష్టం. పెద్దయ్యాకా క్రికెటర్‌ అవ్వాలనేది తన కల. కానీ విధి ఇంకోలా తలచింది. చిన్న వయసులోనే ఈ చిన్నారిని క్యాన్సర్‌ మహమ్మారి అవహించింది. ప్రస్తుతం చికిత్స పొందుతూ.. క్యాన్సర్‌తో పోరాడుతున్నాడు జాకబ్‌. కాగా జాకబ్‌కు న్యూజిలాండ్‌ జట్టుతో డ్రెస్సింగ్‌ రూమ్‌ షేర్‌ చేసుకోవలనే కోరిక ఉంది. ఈ విషయాన్ని న్యూజిలాండ్‌ క్రికెట్‌ బోర్డుకు తెలిసి.. కివీస్‌ ఆటగాళ్లను సంప్రదిస్తే వాళ్లు సరే అన్నారు.

Great to have Jacob with us at Bay Oval today! @cmacca10 with the intro on @sparknzsport. #NZvBAN pic.twitter.com/pzjKe9Qzt6

— BLACKCAPS (@BLACKCAPS) January 1, 2022

ప్రస్తుతం బంగ్లాదేశ్‌తో జరుగుతున్న టెస్టు మ్యాచ్‌ రెండో రోజు జాకబ్‌ న్యూజిలాండ్‌ క్రికెట్‌ జట్టుతో పాటు డ్రెస్సింగ్‌ రూమ్‌లో కూర్చోని మ్యాచ్‌ చూశాడు. దీంతో ఆ చిన్నారి సంతోషానికి అంతేలేదు. క్యాన్సర్‌తో పోరాటంలో ఈ చిన్ని ఆనందం ఆ చిన్నారికి ఎంతో ఉపశమనం కలిగిస్తుందని క్రికెట్‌ అభిమానులు సోషల్‌ మీడియాలో పోస్టులు చేస్తున్నారు. అలాగే చిన్నారి కోరికను తీర్చిన న్యూజిలాండ్‌ జట్టుపై ప్రశంసలు కురిపిస్తున్నారు. మరి న్యూజిలాండ్‌ జట్టు చేసిన ఈ మంచి పనిపై మీ అభిప్రాయాలను కామెంట్ల రూపంలో తెలియజేయండి.

ఈరోజు ఏపీ, తెలంగాణకు సంబంధించిన లేటెస్ట్ న్యూస్.. జాతీయ, అంతర్జాతీయ వార్తలు.. ఎడ్యుకేషన్, బిజినెస్, సినిమా, స్పోర్ట్స్, టెక్ అప్డేట్స్.. ఆధ్యాత్మిక, ఆరోగ్య సమాచారంతో పాటు, వైరల్ కథనాల కోసం సుమన్ టీవీ యాప్‌ను డౌన్‌లోడ్ చేసుకోండి.