10 బంతులేసి 5 వికెట్లు తీసిన బౌలర్‌! ఎవరో తెలుసా?

క్రికెట్‌లో బౌలర్ల ఏకైక లక్ష్యం వికెట్లు తీసి ప్రత్యర్థిని కుప్పకూల్చడం. పరుగులు సమర్పించుకున్నా వికెట్లు దక్కితే అదే సంతోషం. కానీ.. వేసిన సగం బంతుల్లో కూడా వికెట్లు దక్కితే అది రికార్డు. ప్రస్తుతం ఇది ఆన్‌ది రికార్డ్‌. కేవలం 10 బంతులు మాత్రమే వేసి అందులో 5 వికెట్లు పడగొట్టాడు బహ్రెయిన్‌ బౌలర్‌ జునైద్‌ అజీజ్‌. ఈ ఏడాది అక్టోబర్‌లో ప్రారంభం కానున్న టీ20 వరల్డ్‌ కప్‌ కోసం జరుగుతున్న టీ20 ప్రపంచకప్‌ క్వాలిఫయర్‌ మ్యాచ్‌లో అజీజ్‌ ఈ అరుదైన ఘనత సాధించాడు. కేవలం 2 ఓవర్లలోనే ప్రత్యర్ధి జట్టుకు ముచ్చెమటలు పట్టించాడు. జర్మనీ, బహ్రెయిన్ జట్ల మధ్య జరిగిన ప్రపంచకప్ క్వాలిఫైయింగ్ మ్యాచ్‌లో 28 ఏళ్ల లెగ్ స్పిన్నర్ జునైద్ అజీజ్ తన స్పిన్ మాయాజాలంతో చెలరేగిపోయాడు.

జర్మనీతో జరిగిన మ్యాచ్‌లో రైట్ ఆర్మ్ లెగ్ స్పిన్నర్ అయిన జునైద్ అజీజ్ 5 వికెట్లతో అద్భుత ప్రదర్శన కనబరిచాడు. అతడు తన కోటాలోని 2 ఓవర్లు పూర్తి చేయక ముందే జర్మనీ జట్టులోని సగం మంది బ్యాటర్లు డగౌట్ చేరారు. దీనితో అజీజ్ టీ20 క్రికెట్‌లో 2 ఓవర్లలోపు 5 వికెట్లు తీసిన తొలి బౌలర్‌గా రికార్డుల్లోకి ఎక్కాడు. కాగా, ఈ మ్యాచ్‌లో జునైద్ అజీజ్ దెబ్బకు జర్మనీ జట్టు నిర్ణీత 20 ఓవర్లలో 106 పరుగులకు ఆలౌట్ అయింది. ఇక 107 పరుగుల లక్ష్యాన్ని బహ్రెయిన్ జట్టు 16 ఓవర్లలో 4 వికెట్లు కోల్పోయి చేధించింది. మరి జునైద్‌ అజీజ్‌ సాధించిన విజయంపై మీ అభిప్రాయాలను కామెంట్ల రూపంలో తెలియజేయండి.

1 2 W W . W 2 W . W

Bahrain’s Junaid Aziz delivered a dream spelling taking five wickets in 10 balls against Germany! 🤯#T20WorldCup pic.twitter.com/a33aPdlqIU

— T20 World Cup (@T20WorldCup) February 19, 2022