నెట్టింట్లో వైర‌ల్ అవుతోన్న స్టార్ ఆల్‌ రౌండ‌ర్ వెడ్డింగ్ కార్డ్‌

ఆస్ట్రేలియా బ్యాట‌ర్ గ్లెన్ మ్యాక్స్‌వెల్ త్వ‌ర‌లోనే ఓ ఇంటివాడు కానున్నాడు. మ్యాక్స్‌వెల్‌.. భార‌త సంత‌తికి చెందిన త‌మిళ అమ్మాయి వినీ రామ‌న్ గ‌త కొంత‌కాలంగా డేటింగ్‌లో ఉన్నారు. ఈ బంధాన్ని మ‌రో అడుగు ముందుకు తీసుకొని వెళ్లేందుకు మార్చి 27న వీరిద్ద‌రూ పెళ్లితో ఒక‌ట‌వ‌నున్నారు. 2020 మార్చిలో మ్యాక్స్‌వెల్‌ భారత సంతతికి చెందిన వినీ రామన్ నిశ్చితార్ధం చేసుకున్న విషయం తెలిసిందే. వచ్చే నెల‌లో క్రిస్టియ‌న్‌, త‌మిళ బ్ర‌హ్మాణ సంప్ర‌దాయాల్లో మెల్‌బోర్న్ వేదిక‌గా వీరిద్ద‌రి పెళ్లి చేసుకోనున్నారు.కరోనా కారణంగా ఇప్పటికే పలుసార్లు వాయిదా పడుతూ వచ్చిన వీరి వివాహం మర్చి 27 న మెల్‌బోర్న్ వేదిక‌గా జరగనుంది. పెళ్లి సందర్భంగా భారతీయ సంప్రదాయం ప్రకారం వీరు కూడా పెళ్లి పత్రిక ప్రింట్‌ చేయించారు . అది కూడా తమిళంలో. తాజాగా, వారి వెడ్డింగ్ కార్డుని నటి కస్తూరి తన ట్విటర్ ఖాతాలో పంచుకుంది. ‘గ్లెన్ మ్యాక్స్‌వెల్‌.. వినీ రామన్ త్వరలో పెళ్లి పీటలెక్కనున్నారు. తమిళ సాంప్రదాయంలో ముద్రించిన అందమైన ముహూర్త ప్రతికను బట్టి చూస్తే.. ఈ జంట ఇటు తమిళ, అటు క్రిస్టియన్ సాంప్రదాయాల్లో పెళ్లి చేసుకోనున్నట్లు తెలుస్తోంది. కంగ్రాట్యులేషన్స్’ అని ఆమె రాసుకొచ్చారు. ఇందులో చిరంజీవి మ్యాక్స్‌వెల్ స‌న్ ఆఫ్ తిరునేల్ మ్యాక్స్‌వెల్‌తో వినీ రామ‌న్‌కు పెళ్లి జ‌ర‌గ‌నుంద‌ని రాసి ఉంది. అంతేకాకుండా ముహూర్తం సమయాన్ని కూడా పేర్కొన్నారు. ఈ వెడ్డింగ్ కార్డు ఇప్పుడు ఇంట‌ర్నెట్‌లో వైరల్‌ అవుతోంది. తమిళ సంప్రదాయంలో ముద్రించిన వీరి వెడ్డింగ్ కార్డుని చూసి నెటిజన్లు సంతోషం వ్యక్తం చేస్తున్నారు.

GlennMaxwell marrying Vini Raman. Going by the cute traditional Tamil muhurta patrikai, we’d bet there may likely be a TamBram ceremony… Will there be a white gown wedding too?
Congratulations Glenn and Vini ! @Gmaxi_32 pic.twitter.com/uJeSjHM1we

— Kasturi Shankar (@KasthuriShankar) February 12, 2022

ద్వైపాక్షిక సిరీస్ లో భాగంగా త్వరలో ఆస్ట్రేలియా జట్టు, పాకిస్థాన్ లో పర్యటించనుంది. ఈ పర్యటనకు మ్యాక్స్‌వెల్‌ దూరమయ్యాడు. పెళ్లి చేసుకునేందుకే అతడు ఈ పర్యటనకు దూరమైనట్లు వార్తలొస్తున్నాయి. తమిళనాడుకి చెందిన వినీ రామస్ ఆస్ట్రేలియాలో మెడిసిన్ పూర్తి చేశారు. ప్రస్తుతం అక్కడే ప్రాక్టీస్ చేస్తున్నారు. 2013లో ఓ ఈవెంట్ వినీ రామున్ ని చూసిన మ్యాక్స్‌వెల్‌ తొలి చూపులోనే ప్రేమలో పడిపోయాడు. అప్పటి నుంచి వాళ్లిద్దరూ డేటింగ్ లో ఉన్నారు. ఐపీఎల్ లో మ్యాక్స్‌వెల్‌ ఆర్సీబీ జట్టు తరఫున ఆడుతున్న విషయం తెలిసిందే.