సుధీర్ ‘గాలోడు’ ఓటీటీ రిలీజ్ డేట్ ఫిక్స్.. స్ట్రీమింగ్ ఆ రోజు నుంచే!

బుల్లితెర స్టార్ సుడిగాలి సుధీర్ అంటే.. ఆడియెన్స్ లో మంచి క్రేజ్ ఉన్న సంగతి తెలిసిందే. జబర్దస్త్ కమెడియన్ నుండి సినీ హీరోగా ఎదిగిన సుధీర్.. ఇప్పుడు తన సినీ కెరీర్ పై పూర్తిగా దృష్టి పెట్టాడు. అందుకే కొంతకాలంగా అటు టీవీ షోలకు దూరంగా ఉంటూ వరుసగా సినిమాలు చేసుకుంటూ వెళ్తున్నాడు. మొదట సినిమాలలో చిన్న చిన్న వేషాలు వేసినా.. 2019లో ‘సాఫ్టువేర్ సుధీర్’ అనే మూవీతో హీరోగా మారాడు. ఆ సినిమా బాక్సాఫీస్ వద్ద యావరేజ్ అనిపించుకోగా.. గతేడాది నవంబరులో ‘గాలోడు’ మూవీతో ప్రేక్షకుల ముందుకొచ్చాడు. సుధీర్ కి ఉన్న క్రేజ్ కారణంగా ఈ సినిమా హిట్ అయింది. ఇప్పుడు ఈ సినిమానే ఓటీటీ రిలీజ్ కు సిద్ధమైంది.

ఇక మినిమమ్ అంచనాలతో విడుదలైన ‘గాలోడు’ సినిమా.. నాలుగు రోజుల్లోనే లాంగ్ రన్ లో దాదాపు రూ.10 కోట్ల మేర వసూళ్లు సాధించినట్లు తెలుస్తోంది. సుధీర్ తో ‘సాఫ్టువేర్ సుధీర్’ తీసిన దర్శకుడు రాజశేఖర్ రెడ్డి పులిచెర్లనే.. గాలోడు మూవీని తీశారు. ఈ సినిమాలో సుధీర్ సరసన గెహెనా సిప్పి హీరోయిన్ గా నటించింది. అయితే రెగ్యులర్ స్టోరీ అయినప్పటకీ.. మాస్ యాక్షన్ ఎలిమెంట్స్, సుధీర్ క్యారెక్టర్ బాగున్నాయని ప్రేక్షకులు చెప్పారు. ఈ సినిమాతో హిట్ కొట్టిన సుధీర్-రాజశేఖర్ కాంబో నుంచి త్వరలో మరో సినిమా కూడా రానుంది.

సుడిగాలి సుధీర్ కెరీర్ ఫస్ట్ సూపర్ హిట్ గా నిలిచిన ‘గాలోడు’ తాజాగా ఓటీటీలో స్ట్రీమింగ్ కు రెడీ అయింది. నవంబరు 18లో థియేటర్లలో విడుదలైన ఈ చిత్రం.. ఫిబ్రవరి 17న ఆహా, అమెజాన్ ప్రైమ్ లో స్ట్రీమింగ్ కానుందని అధికారికంగా ప్రకటించారు. దీంతో థియేటర్లలో ఈ మూవీని మిస్ అయిన ఆడియెన్స్.. ఓటీటీలో షో వేసేందుకు రెడీ అయిపోతున్నారు. మరి మీలో ఈ మూవీ ఎంతమంది చూశారు. మీకెలా అనిపించింది. ఓటీటీలో ‘గాలోడు’ కోసం ఎంతమంది వెయిట్ చేస్తున్నారో కూడా కింద కామెంట్ చేయండి.

 

Dance irukku… Comedy irukku…
Action Irukku… Full on entertainment irukku… Sensational hit Galoodu Premieres Feb 17 only on aha😇#GalooduOnAHA #SudigaliSudheer @sudheeranand @gehna_sippy @SamskruthiFilms @PRDuddiSreenu pic.twitter.com/qvoi7INvtp

— ahavideoin (@ahavideoIN) February 11, 2023