follow us:
స్పోర్స్ట్ డెస్క్- ప్రపంచ క్రికెట్ మ్యాచ్ లలో అత్యంత ఉత్కంఠ రేపేది భారత్, పాకిస్థాన్ మ్యాచ్ అని వేరే చెప్పక్రర్లేదు. ఈనెల 24న భారత్-పాక్ జట్ల మధ్య జరిగే టీ-20 ప్రపంచకప్ మ్యాచ్ పై సర్వత్రా ఆసక్తి నెలకొంది. టీ20 ప్రపంచకప్-2021లో భాగంగా గ్రూప్‌-ఏ, గ్రూ-బిలోని క్వాలిఫయర్స్‌ జట్ల మధ్య తొలి రౌండ్ లీగ్ మ్యాచ్‌లు ఆదివారం నుంచి ప్రారంభమయ్యాయి.
ఈ మ్యాచ్ ల అనంతరం మేజర్‌ జట్ల మధ్య సూప‌ర్ 12 స్టేజ్ మ్యాచ్ లు అక్టోబర్‌ 23 నుంచి మొదలవుతాయి. ఈ టోర్నీలో టీమిండియా లీగ్ దశలో అక్టోబర్‌ 24న పాక్‌తో, అక్టోబర్‌ 31న న్యూజిలాండ్‌ తో, నవంబర్‌ 3న అఫ్గానిస్తాన్‌ తో టీమిండియా తలపడనుంది. ఈ మ్యాచ్ లన్నీ భారత కాలమానం ప్రకారం రాత్రి 7:30 గంటలకు ప్రారంభమవుతాయి. టీ20 ప్రపంచకప్ లో భాగంగా భారత్ పాక్ జట్ల మధ్య ఈ నెల 24న జరగనున్న ఉత్కంఠభరితమైన మ్యాచ్ నేపథ్యంలో పాకిస్థాన్ కోడలు, భారత స్టార్‌ టెన్నిస్‌ క్రీడాకారిణి సానియా మీర్జా ఇన్‌ స్టాగ్రామ్ వేదికగా ఆసక్తికర వ్యాఖ్యలు చేసింది.
భారత్-పాక్ మ్యాచ్ సమయంలో విషపూరిత వాతావరణాన్ని నివారించేందుకే ఆ రోజు సోషల్‌ మీడియాకు దూరంగా ఉండాలని నిర్ణయించుకున్నట్లు సానియా చెప్పింది. పాక్ తో భారత్ మ్యాచ్ జరుగుతున్న సమయంలో ఇరు దేశాల అభిమానులు ఉద్వేగంతో ఉంటారని, అందుకే తాను ఆ రోజు సోషల్‌ మీడియా ను కాసేపు మాయం అవుతానని సానియా పేర్కొంది.
గతంలో భారత్- పాకిస్థాన్ మధ్య మ్యాచ్ జరిగినప్పుడు ఇరు దేశాల అభిమానులు విపరీతంగా ట్రోల్‌ చేసిన నేపథ్యంలో సానియా మీర్జా ఈ మేరకు నిర్ణయం తీసుకుని ఉంటుంది. అన్నట్లు సానియా మీర్జా భర్త షోయబ్‌ మాలిక్‌ పాక్ జట్టులో కీలక సభ్యుడిగా ఉన్నాడు. మరో ఆసక్తిరమైన విషయం ఏంటంటే పాకిస్థాన్ ఇప్పటి వరకు ప్రపంచ కప్ మ్యాచ్ లలో భారత్ ను ఓడించింది లేదు.
View this post on Instagram
