ఏపీ పెన్షనర్లకు సీఎం జగన్‌ శుభవార్త.. పెన్షన్‌ రూ. 3 వేలకు పెంపు!

ఆంధ్రప్రదేశ్‌లోని పెన్షన్‌దారులకు ముఖ్యమంత్రి వైఎస్‌ జగన్‌మోహన్‌రెడ్డి శుభవార్త చెప్పారు. వచ్చే జనవరి నెలనుంచి పెన్షన్‌ అమౌంట్‌ను పెంచుతున్నట్లు ప్రకటించారు. ప్రస్తుతం 2750 రూపాయలు ఉన్న పెన్షన్‌ అమౌంట్‌ జనవరి నెలనుంచి మూడు వేల రూపాయలు అవుతుందని తెలిపారు. ఈ మేరకు బుధవారం జరిగిన అసెంబ్లీ సమావేశాల్లో ముఖ్యమంత్రి ఓ ప్రకటన చేశారు. కాగా, 2019 ఎన్నికల సమయంలో పెన్షన్‌ అమౌంట్‌ను 3 వేలు చేస్తానని ముఖ్యమంత్రి వైఎస్‌ జగన్‌ హామీ ఇచ్చారు.

వైఎస్సార్‌ సీపీ ప్రభుత్వం అధికారంలోకి వచ్చిన తర్వాత విడతల వారీగా  పెన్షన్‌ అమౌంట్‌ను పెంచుతూ వస్తోంది. 2022 సంవత్సరంలో నెలకు 2500 రూపాయలు పెన్షన్‌ వచ్చేది. 2023 జనవరి 1 నుంచి 250 అమౌంట్‌ను పెంచింది. 2500 ఉన్న పెన్షన్‌కు 250 రూపాయలు కలిపి.. 2750 రూపాయలు ఇస్తూ వస్తోంది. ఈ నేపథ్యంలోనే  2024 జనవరి 1 నుంచి 3 వేల రూపాయలను అందించనుంది.