టెన్త్, ఇంటర్, డిగ్రీ అర్హతతో నవోదయ విద్యాలయ సమితిలో ఉద్యోగాలు

దేశ వ్యాప్తంగా ఉన్న వివిధ సంస్థల్లో పనిచేసేందుకుగాను నవోదయ విద్యాలయ సమితి ఉద్యోగాల భర్తీకి నోటిఫికేషన్ విడుదల చేసింది. అర్హత, ఆసక్తిగల అభ్యర్థులు దరఖాస్తు చేసుకోవాలని నోటిఫికేషన్ లో పేర్కొన్నారు. ఈ నోటిఫికేషన్‌ ద్వారా 1925 పోస్టులను భర్తీ చేయనుంది. అసిస్టెంట్ కమిషనర్, అసిస్టెంట్ సెక్షన్ ఆఫీసర్, ఆడిట్ అసిస్టెంట్, జూనియర్ ట్రాన్స్‌లేషన్ ఆఫీసర్, జూనియర్ ఇంజనీర్ (సివిల్), స్టెనో గ్రాఫర్స్, కంప్యూటర్ ఆపరేటర్, జూనియర్ సెక్రటేరియట్ అసిస్టెంట్, మల్టీ టాస్కింట్ స్టాఫ్, మహిళా స్టాఫ్ నర్స్, క్యాటరింగ్ అసిస్టెంట్, ఎలక్ట్రీషిన్ కమ్ ప్లంబర్, ల్యాబ్ అటెండెంట్, మెస్ హెల్పర్ తదితర విభాగాల్లో భర్తీకి నోటిఫికేషన్ విడుదల చేశారు.

ఖాళీల వివరాలు, అర్హతలు..

• అసిస్టెంట్ కమిషనర్: ఈ విభాగంలో మొత్తం 5 ఖాళీలు ఉన్నాయి. మాస్టర్ డిగ్రీ హ్యుమానిటీస్/సైన్స్/కామర్స్ పాసైన వారు అర్హులు. అభ్యర్థుల వయస్సు 45 ఏళ్ల లోపు ఉండాలి. కనీసం ఐదేళ్ల అనుభవం ఉండాలి.
• అసిస్టెంట్ కమిషనర్(అడ్మిన్) : ఈ విభాగంలో రెండు ఖాళీలు ఉన్నాయి. డిగ్రీ చేసిన అభ్యర్థులు అర్హులు. వయస్సు 45 ఏళ్లలోపు ఉండాలి.
• మహిళా స్టాఫ్ నర్స్: ఈ విభాగంలో 82 ఖాళీలు ఉన్నాయి. ఇంటర్/బీఎస్సీ నర్సింగ్ చేసిన వారు అర్హులు. 35 ఏళ్లలోపు ఉండాలి.
• అసిస్టెంట్ సెక్షన్ ఆఫీసర్: ఈ విభాగంలో 10 ఖాళీలు ఉన్నాయి. అభ్యర్థులకు డిగ్రీతో పాటు కంప్యూటర్ నాలెడ్జ్ ఉండాలి. 18 నుంచి 30 ఏళ్ల వయస్సు ఉండాలి.
• ఆడిట్ అసిస్టెంట్: ఈ విభాగంలో 11 ఖాళీలు ఉన్నాయి. బీకామ్ పాసైన వారు అర్హులు. వయస్సు 18 నుంచి 30 ఏళ్లు ఉండాలి.
• జూనియర్ ట్రాన్సలేషన్ ఆఫీసర్): ఈ విభాగంలో 4 ఖాళీలు ఉన్నాయి. డిప్లొమా/పీజీ పాసైన అభ్యర్థులు అర్హులు.
• జూనియర్ ఇంజనీర్(సివిల్): ఈ విభాగంలో ఒక ఖాళీ ఉది. సివిల్ ఇంజనీరింగ్ లో డిప్లొమా, డిగ్రీ చేసిన అభ్యర్థులు అర్హులు.
• స్టెనో గ్రాఫర్ (గ్రూప్ సీ): ఈ విభాగంలో 22 ఖాళీలు ఉన్నాయి. ఇంటర్ పాసైన అభ్యర్థులు అర్హులు. షార్ట్ హ్యాండ్ నాలెడ్జ్ ఉండాలి. వయస్సు 18 నుంచి 27 ఏళ్లు ఉండాలి.
• కంప్యూటర్ ఆపరేటర్: డిగ్రీ, కంప్యూటర్ డిప్లొమా చేసిన అభ్యర్థులు ఈ విభాగంలోని 4 ఖాళీలకు అప్లై చేసుకోవచ్చు. అభ్యర్థుల వయస్సు 18 నుంచి 30 ఏళ్లు ఉండాలి.
• క్యాటరింగ్ అసిస్టెంట్: ఈ విభాగంలో 87 ఖాళీలు ఉన్నాయి. ఇంటర్ తో పాటు కేటరింగ్ లో డిప్లొమా చేసిన అభ్యర్థులు అర్హులు. వయస్సు 35 ఏళ్లు ఉండాలి.
• జూనియర్ సెక్రటేరియట్ అసిస్టెంట్: ఈ విభాగంలో 630 ఖాళీలు ఉన్నాయి. సీనియర్ సెకండరీ ఎడ్యుకేషన్ అర్హత కలిగిన అభ్యర్థులు అర్హులు. టైప్ రైటింగ్ లో నాలెడ్జ్ ఉండాలి.
• ఎలక్ట్రీషియన్ కమ్ ప్లంబర్: ఈ విభాగంలో 273 ఖాళీలు ఉన్నాయి. టెన్త్, ఎలక్ట్రీషియన్/ప్లంబింగ్/వైర్ మ్యాన్ విభాగంలో ఐటీఐ చేసిన వారు అర్హులు. వయస్సు 18 నుంచి 40 ఏళ్లు ఉండాలి.
• ల్యాబ్ అటెండెంట్: ఈ విభాగంలో 142 ఖాళీలు ఉన్నాయి. టెన్త్, ఇంటర్ తో పాటు ల్యాబరేటరి టెక్నిక్ లో డిప్లొమా చేసిన అభ్యర్థులు అర్హులు.
• మెస్ హెల్పర్: ఈ విభాగంలో మొత్తం 629 ఖాళీలు ఉన్నాయి. టెన్త్ పాసైన వారు అర్హులు. వయస్సు 18 నుంచి 30 ఏళ్లు ఉండాలి.
• మల్టీ టాస్కింగ్ స్టాఫ్: ఈ విభాగంలో 23 ఖాళీలు ఉన్నాయి. టెన్త్ పాసైన వారు అర్హులు. వయస్సు 18 నుంచి 30 ఏళ్లు ఉండాలి.
• 

అప్లై చేసుకునే విధానం..

• అధికారిక వెబ్‌సైట్‌ navodaya.gov.in ను సందర్శించండి.
• ‘వాట్స్‌ న్యూ’ విభాగంలో నాన్-టీచింగ్ పోస్టుల లింక్‌పై క్లిక్ చేయాలి
• వ్యక్తిగత వివరాలను నమోదు చేసుకోవాలి.
• ఏ పోస్ట్‌కి అప్లే చేస్తున్నారో చెక్ చేసుకుని, దరఖాస్తు ఫారమ్‌ను పూరించాలి. అవసరమైన డాక్యుమెంట్లను అప్‌లోడ్ చేయాలి.
• దరఖాస్తు రుసుమును చెల్లించి, అప్లికేషన్‌ ఫారమ్‌ను సబ్మిట్ చేయాలి.
• భవిష్యత్తు అవసరాల కోసం అప్లికేషన్‌ను డౌన్‌లోడ్ చేసుకుని, ప్రింట్‌అవుట్ తీసుకోవాలి.

దరఖాస్తుకు ఫిబ్రవరి 10 ఆఖరు తేదీ. దరఖాస్తు చేసుకున్న అభ్యర్ధులకు కంప్యూటర్ ఆధారిత టెస్ట్, ఇంటర్వ్యూ నిర్వహించి తుది ఎంపిక చేస్తారు. తెలుగు రాష్ట్రాల్లో హైదరాబాద్, వరంగల్, కరీంనగర్, రాజమండ్రి, తిరుపతి, విజయవాడ, విశాఖలో పరీక్షా కేంద్రాలు ఏర్పాటు చేస్తారు. ఎంపిక ప్రక్రియలో అసిస్టెంట్ కమీషనర్, అసిస్టెంట్ కమిషనర్ (అడ్మిన్), జూనియర్ ఇంజనీర్ పోస్టులకు అప్లే చేసిన అభ్యర్థులు కంప్యూటర్ ఆధారిత పరీక్ష (CBT), ఇంటర్వ్యూ (సివిల్)లో వారి పనితీరు ఆధారంగా షార్ట్‌లిస్ట్ చేస్తారు.

ఈరోజు ఏపీ, తెలంగాణకు సంబంధించిన లేటెస్ట్ న్యూస్.. జాతీయ, అంతర్జాతీయ వార్తలు.. ఎడ్యుకేషన్, బిజినెస్, సినిమా, స్పోర్ట్స్, టెక్ అప్డేట్స్.. ఆధ్యాత్మిక, ఆరోగ్య సమాచారంతో పాటు, వైరల్ కథనాల కోసం సుమన్ టీవీ యాప్‌ను డౌన్‌లోడ్ చేసుకోండి.