బాబోయ్.. చేప ధర అంతా! జాలర్లకు పండగే పండగ..!

సాధారణంగా మత్స్యకారులు వేటకు వెళ్ళినప్పుడు రక రకాల చేపలు పడుతుంటాయి. కొన్ని సార్లు అదృష్టం కొద్ది వారి భారీ చేపలు పడటం.. అధిక ధరలకు అమ్మడం చూస్తుంటాం. అలాంటిది అరుదైన భారీ చేప వలకు చిక్కితే.. దాని ధర లక్షల్లో ఉంటే.. ఆ మత్సక్యారుల సంబరాలు అంబరాన్ని అంటుతాయి. తాజాగా పశ్చిమ బెంగాల్‌ సుందర్ బన్ అడవుల సమీపంలో ఉన్న సుందర్ బన్ నదిలో ఓ భారీ చేప మత్స్యకారుల వలలో చిక్కుకుంది.

ఈ చేప 7 అడుగుల పొడవు, 78.4 కిలోల బరువు ఉంది. అరుదైన ‘తెలియా భోలా ఫిష్’ గా గుర్తించారు. సుందర్ బన్ నదిలో చేపల వేటకు వెళ్లిన ఓ మత్స్యకారుల బృందం వలలో అతి భారీ చేప చిక్కింది. దాన్ని అతి కష్టం మీద పైకి లాగి వలను ఒడ్డుకు చేర్చారు. ఈ చేపను చూడడానికి స్తానికులు భారీగా తరలివచ్చారు. తమకు అదృష్టాన్ని తీసుకు వచ్చిన భారీ చేపను క్యానింగ్ మార్కెట్‌కు వేలానికి తరలించారు.

వేలంలో ఈ భోలా ఫిష్ రూ. 36,53,605 ల ధర పలికింది. కోల్‌కతాకు చెందిన అనే చేపల వ్యాపార సంస్థ ఈ చేపను వేలంలో దక్కించుకుంది. ఇంత భారీ చేపను వేలం కోసం మార్కెట్‌కు తీసుకురావడం ఇదే తొలిసారి అని ఓ మత్స్యకారుడు తెలిపారు. కాగా, వేలంలో కిలో రూ.47,880 చొప్పున అమ్ముడయ్యిందని క్యానింగ్‌లోని చేపల వ్యాపారి ప్రభాత్ చెప్పాడు.

ఈ చేప స్పెషల్ ఏంటీ? ఎందుకంత ఖరీదు :
మనిషి సైజు ఉండే ఈ చేపలను తెలియా భోలా’ అని పిలుస్తారు. ఇందులో అద్భుతమైన ఔషదాలు దాగి ఉన్నాయని అంటారు. దీని చర్మానికి కూడా మంచి డిమాండ్ ఉంది. కిలో చర్మం దాదాపు రూ.80 వేలు ఉంటుందంటే ఈ చేపకున్న డిమాండ్‌ని అర్థం చేసుకోవచ్చు. ఔషధాల తయారీలో ఉపయోగించడానికి ఎగుమతి చేయబడుతుంది. అందుకే ఈ చేప ఎక్కువ ధర చెల్లించేందుకు సిద్దమవుతుంటారు.

ఈరోజు ఏపీ, తెలంగాణకు సంబంధించిన లేటెస్ట్ న్యూస్.. జాతీయ, అంతర్జాతీయ వార్తలు.. ఎడ్యుకేషన్, బిజినెస్, సినిమా, స్పోర్ట్స్, టెక్ అప్డేట్స్.. ఆధ్యాత్మిక, ఆరోగ్య సమాచారంతో పాటు, వైరల్ కథనాల కోసం సుమన్ టీవీ యాప్‌ను డౌన్‌లోడ్ చేసుకోండి.