యువకుడ్ని రోడ్డుపై పడేసి బెల్టుతో కొట్టిన అమ్మాయిలు.. కారణం ఏంటంటే..

తమను వేధింపులకు గురిచేస్తే ఆడపిల్లలు మౌనంగా భరించే రోజులు పోయాయి. తమతో తప్పుగా ప్రవర్తించే వారికి తగిన రీతిలో బుద్ధి చెబుతున్నారు ఈ కాలం ఆడపిల్లలు. తాజా సంఘటనే ఇందుకు ప్రత్యక్ష ఉదాహరణ. ఓ యువకుడు.. అక్కాచెల్లెళ్ల వెంట పడి ప్రతీ రోజూ వేధిస్తున్నాడు. వారు కొన్ని రోజులు అతడి వేధింపులు మౌనంగా భరించారు. వారి మౌనాన్ని అలసుగా తీసుకున్న అతడు మరింత ఇబ్బంది పెట్టాడు. దీంతో ఆ ఇద్దరూ కలిసి ఆ యువకుడికి నడిరోడ్డుపై బుద్ధి చెప్పారు.

ఈ సంఘటన గుజరాత్‌లోని అహ్మదాబాద్‌లో చోటుచేసుకుంది. పూర్తి వివరాల్లోకి వెళితే.. అహ్మదాబాద్‌కు విజయ్‌ సర్కారే గత కొద్దిరోజుల నుంచి ఓ ఇద్దరు అక్కాచెల్లెళ్ల వెంట పడి వేధిస్తున్నాడు. రోజూ వారి వెంట పడి లైంగికంగా ఇబ్బంది పెట్టేవాడు. ఓ రోజు అక్కాచెల్లెళ్లలోని ఓ యువతిని ముద్దు కూడా పెట్టుకున్నాడు. దీంతో వారి కోపం కట్టలు తెంచుకుంది. నడిరోడ్డుపై అతడిపై తిరగబడ్డారు. అపరకాళికల్లా మారి విజయ్‌పై దాడికి దిగారు. వీరికి రోడ్డుపై వెళుతున్న వారు కూడా సాయం వచ్చారు.

ఇక, ఇద్దరూ ఇష్టం వచ్చినట్లు ఆ యువకుడిని రోడ్డుపై పడేసి కొట్టారు. అక్కాచెల్లెళ్లలోని ఓ అమ్మాయి అతడ్ని బెల్టుతో విచక్షణా రహితంగా కొట్టింది. అతడు దెబ్బలు తిన్నాడే తప్ప ఎదురు తిరగలేదు. ప్రస్తుతం ఇందుకు సంబంధించిన వీడియో సోషల్‌ మీడియాలో వైరల్‌గా మారింది. ఆ వీడియోపై స్పందిస్తున్న నెటిజన్లు.. ‘‘ ఈ కాలంలో ఆడపిల్లలు ఇలా ఉంటేనే బతుకుతారు’’.. ‘‘ అలాంటి వెధవలకు అలానే బుద్ది చెప్పాలి’’ అంటూ కామెంట్లు చేస్తున్నారు. మరి, ఈ సంఘటనపై మీ అభిప్రాయాలను కామెంట్ల రూపంలో తెలియజేయండి.

Female students confront harasser, beat him with belts in Ahmedabadhttps://t.co/ttoSnTw06H pic.twitter.com/b4WMzsXwbl

— DeshGujarat (@DeshGujarat) June 23, 2023