దేశ రాజధానిలో మహిళ పై దారుణానికి పాల్పడిన స్నాచర్స్!

దేశంలో దొంగల ఆగడాలు రోజు రోజుకు పెరిగిపోతున్నాయి. దొంగతనాలకు అడ్డొచ్చిన వారిని చంపటానికి సైతం వెనుకాడటం లేదు. తాజాగా దేశ రాజధాని ఢిల్లీలోని షాలిమార్ బాగ్ ప్రాంతంలో ఇద్దరు దుండగులు మొబైల్ స్నాచింగ్‌ కు పాల్పడ్డారు. ఈ క్రమంలో దుండగులు వారి బైక్ తో ఓ మహిళను దాదాపు 150 మీటర్ల మేరకు ఈడ్చుకెళ్లారు. ఈ అమానుష ఘటనకు సంబంధించిన వీడియో సోషల్ మీడియాలో వైరల్ అవుతోంది.

బాధితురాలు షాలిమార్ బాగ్ ప్రాంతంలోని ఫోర్టిస్ ఆసుపత్రిలో పని చేస్తున్నట్లు తెలుస్తుంది. ఆ మహిళ డ్యూటీ ముగించుకుని ఒంటరిగా ఇంటికి నడుచుకుంటూ వెళ్తున్న సమయంలో దుండగులు(స్నాచర్స్) ఆమెను టార్గెట్ చేశారు. బైక్ పై వచ్చి ఆమె చేతిలోని మొబైల్ లాక్కుని వెళ్తుండగా.. ఆమె బైక్ ను పట్టుకుని ఆపే ప్రయత్నం చేసింది. కానీ ఈ క్రమంలో ఆమెను రోడ్డుపై దాదాపు 150 మీటర్ల దూరం ఈడ్చుకెళ్లారు దుండగులు. ఈ ఘటనకు సంబంధించి ఒకరిని పోలీసులు అరెస్టు చేసి.. అతని నుంచి బైక్ ను స్వాధీనం చేసుకున్నారు. మరో నిందితుడికోసం గాలిస్తున్నారు. ఈ ఘటన పై మీ అభిప్రాయాలను కామెంట్స్ చేయండి.

#WATCH | A mobile-snatching incident was reported in the Shalimar Bagh area, on December 16, at 1735 hours, where 2 men on a scooty dragged the victim on the road while snatching her phone: Delhi Police

(Source: CCTV Footage) pic.twitter.com/GYZDw6Uj0J

— ANI (@ANI) December 17, 2021