follow us:
మహిళలు అంటే కేవలం ఇంటికే పరిమితం అనేది చాలా మందిలో ఉండే భావన. అయితే కొందరు స్త్రీలు దేశాలను సైతం పాలించి ప్రపంచంలో మంచి పేరు సంపాందించారు. ఇలా ఇంటిని, దేశా పరిపాలనలోనే కాకుండా ఆపద సమయంలో దేశ రక్షణకు సైతం మహిళలు ముందుంటున్నారు. తాజాగా ఓ మహిళ ఎంపీ తాను చట్టాలను రక్షించటానికి మాత్రమే కాదని దేశం ప్రమాదంలో ఉన్నప్పడు రక్షణకు సైతం ముందుటాను అంటూ తుపాకీ చేత పట్టింది. ఆమే ఉక్రెయిన్ ఎంపీ, “రింగ్ ఉక్రెయిన్” మాజీ సీఈవో కిరా రుడిక్.
రష్యా సేనలు ఉక్రెయిన్ పై విరుచుకుపడుతున్న సంగతి తెలిసిందే. ఉక్రెయిన్ లోని చాలా భూభాగాన్ని రష్యా బలగాలు ఆక్రమించుకున్నాయి. ఇలాంటి సమయంలో మాతృభూమిని రక్షించుకునేందుకు సామాన్య ప్రజలు, క్రీడాకారులే కాదు మహిళలూ రంగంలోకి దిగుతున్నారు. రష్యా సైనిక బలాన్ని తాము ఎదుర్కోలేమని తెలిసిన జన్మభూమి కోసం పోరాడాలని నిర్ణయించుకున్నారు. తాజాగా ఉక్రెయిన్ ఎంపీ కిరా రుడిక్ కదనరంగంలోకి దిగేందుకు సై అన్నారు. ఈ మేరకు ఆమె అధునాతమైన AK-47 తుపాకీ చేతపట్టిన ఫోటోను సోషల్ మీడియాలో షేర్ చేసింది. “రష్యా దుర్మార్గపు చర్య నుంచి నా దేశాన్ని నేను రక్షించుకుంటాను. మన పురుషుల్లానే మన స్త్రీలు కూడా ఈ దేశ మట్టిని కాపాడతారని ” ఆమె పేర్కొన్నారు.
ఇప్పుడు ఎంపీ కిరా రుడిక్ పెట్టిన ఈ పోస్టుకు విపరీతమైన స్పందన వస్తోంది. అక్కడ పరిస్థితులను చూసి కూడా ఆమె తీసుకున్న నిర్ణయానికి, ఆమె ధైర్యానికి అందరూ ప్రశంసిస్తున్నారు. ఆయుధం ఉపయోగించినప్పుడు జాగ్రత్తగా ఉండాలని, ప్రతి తూటా చాలా విలువవైనది అని, ఒక్క తూటాను కూడా వృథగా పోనివ్వొద్దని కొందరు నెటిజన్లు సలహాలు ఇస్తున్నారు. మరి.. మాతృభూమి కోసం ఆయుధాన్ని చేతపట్టిన ఆ మహిళ ఎంపీ పై మీ అభిప్రాయాలను కామెంట్స్ రూపంలో తెలియజేయండి.
I learn to use #Kalashnikov and prepare to bear arms. It sounds surreal as just a few days ago it would never come to my mind. Our #women will protect our soil the same way as our #men. Go #Ukraine! 🇺🇦 pic.twitter.com/UbF4JRGlcy
— Kira Rudik (@kiraincongress) February 25, 2022
మరిన్ని లేటెస్ట్ అప్డేట్స్ కోసం SumanTV App డౌన్లోడ్ చేసుకోండి.
