మగవారిని ‘బట్టతల’ పేరుతో పిలవడం లైంగిక వేధింపే.. కోర్టు సంచలన తీర్పు!

మగవాళ్లు జుట్టే తమకు అందంగా భావిస్తారు. అది రాలిపోకుండా చాలా జాగ్రత్తలు తీసుకుంటారు. కానీ పరిస్థితుల ప్రభావంతో జుట్టు ఊడిపోయి.. బట్టతల ఏర్పాడుతుంది. ఒకవైపు జుట్టు రాలిపోయిందిని వారు మానసింక బాధ పడుతుంటే.. మరోవైపు ఇంటబయట ‘బట్టతల’ అంటూ హేళన చేస్తుంటారు. అయితేవారిని ఏమి అనలేని పరిస్థితి. కానీ బట్టత ఉన్న వ్యక్తులకు ఊరటగా ఓ కోర్టు సంచల తీర్పు ఇచ్చింది. పనిచేసే చోట ఏ పురుషుడినైనా బట్టతల పేరుతో సంబోధిస్తే.. అది కచ్చితంగా లైంగిక వేధింపుల కిందకే వస్తుందని ఆ కోర్టు తెలిపింది. వివరాల్లోకి వెళ్తే..

ఇంగ్లాడ్ లోని వెస్ట్ యోర్క్ షైర్ కేంద్రంగా పనిచేసే బ్రిటిష్ బంగ్ మాన్యుఫ్యాక్చరింగ్ కంపెనీపై.. అదే సంస్థ మాజీ ఉద్యోగి టోనీ ఫిన్ అనే వ్యక్తి బట్టతల వేధింపులపై స్థానిక ట్రైబ్యునల్ పిటిషన్ వేశాడు. పిటిషన్ లో 24 ఏళ్లపాటు తాను ఎలక్ట్రీషియన్ గా పనిచేస్తూ వచ్చానని, సంస్థకు చెందిన సూపర్ వైజర్ తనను బట్టతల అంటూ వేధింపులకు గురిచేశాడని పేర్కొన్నాడు. తనను మానసికంగా బాధించి, అతని మాటలను వ్యతిరేకించినందుకు అన్యాయంగా ఉద్యోగం నుంచి తొలగించారని పిటిషన్ లో వివరించాడు. స్థానిక ఎంప్లాయ్ మెంట్ ట్రైబ్యునల్ ఇరువురు అతడి పిటిషన్ స్వీకరించింది. న్యాయమూర్తి జోనాథన్ బ్రెయిన్ నేతృత్వంలోని ముగ్గురు సభ్యుల ట్రైబ్యునల్‌ విచారణ చేపట్టింది. పనిచేసే కార్యాలయాల్లో, ప్రదేశాల్లో పురుషులను ‘బట్టతల’ పేరుతో పిలవడం.. అవమానించడమా? లైంగికంగా వేధించడమా? అనే అంశంపై కొన్ని నెలల పాటు వాదోపవాదనలు జరిగాయి.

కంపెనీ తరఫు న్యాయవాది వాదనలు వినిపిస్తూ.. బట్టతల స్త్రీ, పురుషుల్లో ఎవరికైనా ఉండవచ్చని పేర్కొన్నారు. ట్రైబ్యునల్ ఈ వాదనతో ఏకీభవిస్తూనే.. మహిళలతో పోలిస్తే పురుషులనే ఎక్కువగా ఈ సమస్య వేధిస్తున్నందున, దీన్ని లైంగిక వేధింపులుగా పరిగణించాల్సి ఉందని వ్యాఖ్యానించింది. “బట్టతల” అని పిలవడం వల్ల వ్యక్తుల గౌరవం దెబ్బతింటుందని, ఇది వారిని భయాందోళనకు గురిచేసే పని అభిప్రాయపడింది. బాధితుడిని వేధింపులకు గురిచేసి, అన్యాయంగా ఉద్యోగం నుంచి తొలగించినందుకు.. సదరు కంపెనీ నష్టపరిహారం చెల్లించాల్సి ఉంటుందని స్పష్టం చేసింది. ఎంత మొత్తంలో ఇవ్వాలనే త్వరలోనే నిర్ణయిస్తామంటూ విచారణను వాయిదా వేసింది.

మరిన్ని లేటెస్ట్ అప్డేట్స్ కోసం SumanTV App డౌన్లోడ్ చేసుకోండి.