యువకుడి ప్రాణాలు కాపాడిన హెడ్‌ ఫోన్‌.. ఎలా అంటే!

సాధారణంగా హెడ్ ఫోన్స్ ను హాయిగా మ్యూజిక్ ఎంజాయి చేయడానికి ఉపయోగిస్తారు. వీటి వాడకం ఈ మధ్యకాలంలో ఎక్కువైంది. అయితే హెడ్ ఫోన్స్ అతిగా వినియోగిస్తే ప్రాణానికి ప్రమాదం అని కొందరు అభిప్రాయం వ్యక్తం చేస్తున్నారు. వీటి వాడకం వల్ల ఆరోగ్య పరంగా సమస్యలు వస్తాయంటారు. కానీ అదే హెడ్ ఫోన్స్ బుల్లెట్ నుంచి ఓ యువకుడి ప్రాణాలను కాపాడింది. ఇప్పుడు ఇది వైరల్ గా మారింది. ఈఘటన అమెరికాలు చోటుచేసుకుంది.

Enough_Dance_956 అనే పేరుతో ఉన్న రెడ్డిట్ యూజర్ ఈ ఘటనకు సంబంధించిన వివరాలను సోషల్ మీడియాలో పోస్ట్ చేశారు. అతడి వివరాల ప్రకారం.. అమెరికాలోని ఓ ప్రాంతంలో ఓ 18 ఏళ్ల యువకుడు రేజర్ కంపెనీకి చెందిన హెడ్‌ఫోన్స్ ధరించి తన ఇంట్లో స్నేహితులతో మాట్లాడుతున్నాడు. అదే సమయంలో ఓ బుల్లెట్ కిటికి అద్దాన్ని బ్రేక్ చేస్తూ దూసుకొచ్చింది. ఆ యువకుడి తలకు ఉన్న హెడ్ ఫోన్ ను బలంగా తాకింది. ఆ సమయంలో హెడ్ ఫోన్ లేకపోయి ఉంటే సదరు యువకుడు బుల్లెట్ కి బలయ్యేవాడు.

హెడ్‌ఫోన్ ఆ బుల్లెట్‌ను అడ్డుకోవడం చూసి ఆ యువకుడు షాకయ్యాడు. ఒకవేళ ఆ వస్తువు మంచి క్వాలిటీవి కాకపోయి ఉంటే తన ప్రాణాలు పోయేవని ఆ యువకుడు తెలిపాడు. ఈఘటన చూస్తే తనను చంపడానికి ప్రయత్నించారని అర్థం అవుతోందని వివరించాడు. ఈ ఘటనకు సంబంధించిన వివరాలు తెలిసిన తర్వాత రేజర్ సపోర్ట్ టీమ్ ఆ యువకుడిని కలిసింది. మీరు సురక్షితంగా ఉన్నందుకు సంతోషిస్తున్నామని ఆ కంపెనీ పోస్ట్ చేసింది. కొద్ది రోజుల క్రితం బ్రెజిల్‌లో కూడా ఇలాంటి ఘటన వైరల్‌గా మారింది.

మరిన్ని లేటెస్ట్ అప్డేట్స్ కోసం SumanTV App డౌన్లోడ్ చేసుకోండి.

ఈరోజు ఏపీ, తెలంగాణకు సంబంధించిన లేటెస్ట్ న్యూస్.. జాతీయ, అంతర్జాతీయ వార్తలు.. ఎడ్యుకేషన్, బిజినెస్, సినిమా, స్పోర్ట్స్, టెక్ అప్డేట్స్.. ఆధ్యాత్మిక, ఆరోగ్య సమాచారంతో పాటు, వైరల్ కథనాల కోసం సుమన్ టీవీ యాప్‌ను డౌన్‌లోడ్ చేసుకోండి.