ఈ భూప్ర‌పంచంలో అనేక వింతలు విశేషాలు ఉన్నాయి. కొన్ని వింతలు వినోదాన్ని క‌లిగిస్తే మ‌రికొన్నిమాత్రం ఆలోచ‌న‌ల‌ను, భ‌యాన్ని క‌లిగిస్తాయి. ముఖ్యంగా అప్పుడెప్పుడో బ్రహ్మం గారు కాలజ్ఞానం లో చెప్పిన విధంగా నిజ జీవితంలో ఎన్నో ఘటనలు జరగడం ఎంతో మందిని ఆశ్చర్యానికి గురి చేసింది. సాధారణం కంటే కొన్ని జీవరాసులు విచిత్రంగా జన్మించడం లాంటివి కూడా జరిగింది. అయితే ఇలాంటివి జరిగినప్పుడు ఇక యుగాంతం వచ్చేసింది అని చెబుతూ ఉంటారు. ఇలాంటి ప్రచారమే మళ్ళీ మొదలైంది.
ముస్లింలు ఎక్కువ‌గా జ‌రుపుకునే పండుగ బక్రీద్. ఆ పండుగ రోజున గొర్రెను బ‌లి ఇస్తుంటారు. ప్ర‌పంచంలో ఆ రోజుల గొర్రెల కొనుగోలు ఆమ్మాకాలు అధికంగా జ‌రుగుతుంటాయి. అయితే, నైజీరియాలోని లాగోస్ మార్కెట్‌కు ఓ వ్యక్తి గొర్రెను అమ్మేందుకు తసుకొచ్చారు. బక్రీద్ నేపథ్యం నైజీరియాలోని లాగోస్‌లోని ఓ మార్కెట్‌లో గొర్రెల విక్రయం జోరుగా సాగింది. ఈ సందర్భంగా ఓ వ్యక్తి తీసుకొచ్చిన గొర్రె అందరినీ ఆకట్టుకుంది. సాధారణంగా గొర్రెకు రెండే కొమ్ములు ఉంటాయి. అయితే, ఆ గొర్రెకు మాత్రం ఐదు కొమ్ములు ఉండటంతో దాన్ని వింతగా చూశారు.
ఫోటోలు తీసి సోషల్ మీడియాలో పోస్ట్ చేశారు. దీంతో ప్రస్తుతం ఆ మేకపోతుకు సంబందించిన వీడియోలు వైరల్ గా మారాయి. ఇక దీనిపై నెటిజన్లు ఫన్నీగా స్పందిస్తున్నారు. ‘స్టాట్యూ ఆఫ్ లిబర్టీ’ కిరీటం తరహాలో ఆ గొర్రె కొమ్ములు ఉన్నాయని పలువురు కామెంట్ చేస్తున్నారు. మరికొందరు మాత్రం ఇది యుగాంతానికి సంకేతమని అంటున్నారు.
