అవును బూతులు మాట్లాడా.. వెంకటేశ్ మహా మరో ఓపెన్ స్టేట్‌మెంట్!

టాలీవుడ్ యువ దర్శకుడు వెంకటేశ్ మహా గురించి తెలిసిందే. సెన్సిబుల్ సినిమాలు తీసే డైరెక్టర్​గా ఆయనకు మంచి పేరుంది. తొలి సినిమా ‘కంచరపాలెం’తో తానేంటో నిరూపించుకున్నాడు వెంకటేశ్. ఆ తర్వాత సత్యదేశ్ హీరోగా తీసిన ‘ఉమా మహేశ్వర ఉగ్రరూపస్య’తో మరోసారి ఆడియెన్స్​ను ఆకట్టుకున్నాడు. సెన్సిబుల్ స్టోరీస్​కు విలేజ్ నెటివిటీ అద్ది ఆయన ప్రేక్షకులను థ్రిల్ చేస్తుంటాడు. అలాంటి వెంకటేశ్ మహా ఇటీవల ఓ వివాదంలో చిక్కుకున్నాడు. కొంతమంది తెలుగు దర్శకులతో కలసి ఓ ఇంటర్వ్యూలో పాల్గొన్న ఆయన ‘కేజీఎఫ్’ మూవీపై చేసిన కామెంట్స్ కాంట్రవర్సీగా మారాయి. నీచ్ కమీన్ కుత్తే అంటూ ఆయన అసభ్య పదజాలంతో మాట్లాడిన వీడియోలు నెట్టింట పెద్ద దుమారపే రేపాయి.

వెంకటేశ్ మహా వ్యాఖ్యలతో హర్ట్ అయిన యశ్ ఫ్యాన్స్ ఆయన్ను టార్గెట్​గా చేసుకుని సోషల్ మీడియాలో పోస్టులు పెట్టారు. దీంతో వెంకటేశ్ మహా స్పందించాడు. తాను అలా మాట్లాడి ఉండాల్సింది కాదని.. వాడిన పదజాలం సరికాదన్నాడు. కాగా, ఇప్పుడు మరో విషయానికి సంబంధించి ఆయన ఓపెన్ స్టేట్​మెంట్ ఇచ్చాడు. తాను నటించిన ‘యాంగర్ టేల్స్’ అనే వెబ్ సిరీస్ ప్రీ రిలీజ్ ఈవెంట్​లో వెంటకటేశ్ మహా మాట్లాడాడు. తాను ఇందులో ‘రంగా’ అనే పాత్రలో యాక్ట్ చేశానన్నాడు. తన క్యారెక్టర్​ ఎలా ఉండబోతోందో ట్విట్టర్ పోస్టులో చెబుతూ పేరెంట్స్​కు ఓ సూచన చేశాడు. రంగా పాత్రకు కథానుసారంగా 18 ఏళ్ల లోపు వయసు వారికి తగని భాష వాడారని ఆయన ట్వీట్ చేశాడు. ‘ఈ ఎపిసోడ్ చూసేటపుడు తగిన జాగ్రత్తలు తీసుకోవాల్సిందిగా పేరెంట్స్‌ను కోరుతున్నా. కానీ మిగిలిన 3 ఎపిసోడ్లు ‘రాధ, గిరి, పూజ’లను కుటుంబ సమేతంగా చూసి ఆనందించొచ్చు’ అని ఆ ట్వీట్​లో వెంకటేశ్ మహా పేర్కొన్నాడు.

#AngerTalesOnHotstar
March 9th onwards@tilakprabhala @ActorSuhas @RavindraVijay1 @thebindumadhavi @phanindracharya @TharunBhasckerD @SridharBobbala @MadonnaSebast14 @amardeepguttula @VinodBangari2 @Kalyankodati @smaransai pic.twitter.com/lS5E9QFgOU

— Venkatesh Maha (@mahaisnotanoun) March 8, 2023

ఈరోజు ఏపీ, తెలంగాణకు సంబంధించిన లేటెస్ట్ న్యూస్.. జాతీయ, అంతర్జాతీయ వార్తలు.. ఎడ్యుకేషన్, బిజినెస్, సినిమా, స్పోర్ట్స్, టెక్ అప్డేట్స్.. ఆధ్యాత్మిక, ఆరోగ్య సమాచారంతో పాటు, వైరల్ కథనాల కోసం సుమన్ టీవీ యాప్‌ను డౌన్‌లోడ్ చేసుకోండి.