అబ్దుల్ వివాదంపై స్పందించిన హీరో సాయి ధరమ్ తేజ్!

సాధారణ ప్రజల్లాగే సినీ తారల జీవితాల్లోనూ కష్టసుఖాలు ఉంటాయి. సామాన్యులు ఎదుర్కొన్నట్లే వాళ్లు కూడా కొన్ని సమస్యలను ఎదుర్కోవాల్సి ఉంటుంది. మామూలు మనుషులకే కాదు.. సెలబ్రిటీలు కూడా అనుకోని ప్రమాదాల బారిన పడటాన్ని చూస్తున్నాం. అలా ప్రమాదాల బారిన పడినవారిలో టాలీవుడ్ సుప్రీం హీరో సాయి ధరమ్ తేజ్ కూడా ఉన్నారు. రోడ్ యాక్సిడెండ్​లో ఆయన తీవ్రంగా గాయపడిన సంగతి తెలిసిందే. చావు అంచుల దాకా వెళ్లిన తేజ్​ను అబ్దుల్ అనే వ్యక్తి ఆస్పత్రికి తీసుకెళ్లారు. సరైన టైమ్​లో ట్రీట్​మెంట్ అందించడంతో ఆయన ప్రాణాలతో బయటపడ్డారు. అయితే అబ్దుల్ గురించి గత కొన్ని రోజులగా సోషల్ మీడియాలో రకరకాల వార్తలు వస్తున్నాయి. ప్రమాదం నుంచి ప్రాణాలతో కాపాడిన అబ్దుల్​కు సాయి ధరమ్ తేజ్ సాయం చేశారని ప్రచారం జరుగుతోంది.

అబ్దుల్ ఫర్హాన్​కు కృతజ్ఞతగా లక్షల రూపాయలు ఇవ్వడంతో పాటు కారు, బైక్, ఇల్లు గిఫ్ట్​గా ఇచ్చారంటూ సామాజిక మాధ్యమాల్లో కథనాలు వస్తున్నాయి. ఇటీవల ‘విరూపాక్ష’ మూవీ ప్రమోషన్స్​లో అబ్దుల్ గురించి తేజ్ మాట్లాడారు. సాయం చేసిన వ్యక్తికి డబ్బులు ఇచ్చి చేతులు దులుపుకోవాలని అనుకోవడం లేదన్నారు. అతడికి తన కాంటాక్ట్ నంబర్ ఇచ్చి అండగా ఉంటానని హామీ ఇచ్చానన్నారు. అయితే దీనిపై మీడియా అబ్దుల్​ను కలసి మాట్లాడగా.. తనను సాయి తేజ్ లేదా మెగా కుటుంబం నుంచి ఎవరూ కలవలేదన్నారు. తనకు సాయం చేసేందుకు ఎవరూ ఫోన్ చేయలేదని అబ్దుల్ బదులిచ్చాడు. దీంతో సాయి ధరమ్ తేజ్​ను ట్రోల్ చేస్తూ సోషల్ మీడియాలో విమర్శలు వెల్లువెత్తాయి.

తాజాగా ఈ కాంట్రవర్సీపై సాయి ధరమ్ తేజ్ క్లారిటీ ఇచ్చారు. తన మీద, తన టీమ్ మీద కొన్ని అసత్య ప్రచారాలు జరుగుతున్నాయని ఆయన అన్నారు. అబ్దుల్ ఫర్హాన్​కు ఆర్థికంగా సాయం చేసినట్లు తాను కానీ, తన టీమ్​ కానీ ఎక్కడా చెప్పలేదని సాయి తేజ్ స్పష్టం చేశారు. అబ్దుల్ తనకు చేసిన సాయానికి తాను, తన కుటుంబం ఎప్పటికీ రుణపడి ఉంటుందన్నారు. అతడి వివరాలు తమ దగ్గర ఉన్నాయని.. అబ్దుల్ ఫర్హాన్​ ఎప్పుడైనా మేనేజర్ ద్వారా తనను కలవొచ్చని చెప్పుకొచ్చారు. ఈ కాంట్రవర్సీ మీద ఇదే తన చివరి స్పందన అని సాయి తేజ్ ఒక ప్రెస్ నోట్ రిలీజ్ చేశారు. ఇకపోతే, సాయి ధరమ్ తేజ్ నటించిన ‘విరూపాక్ష’ మూవీ ఇటీవల విడుదలై బ్లాక్ బస్టర్​గా నిలిచింది. కలెక్షన్లలో ఊపును చూస్తుంటే ఆయన కెరీర్​లో ఈ మూవీ హయ్యస్ట్ గ్రాసర్​గా నిలిచే అవకాశం ఉందని ట్రేడ్ పండితులు చెబుతున్నారు.

To whomsoever it may concern..

Thank You

Sai Dharam Tej. pic.twitter.com/qJr3SYYJ6B

— Sai Dharam Tej (@IamSaiDharamTej) April 27, 2023

ఈరోజు ఏపీ, తెలంగాణకు సంబంధించిన లేటెస్ట్ న్యూస్.. జాతీయ, అంతర్జాతీయ వార్తలు.. ఎడ్యుకేషన్, బిజినెస్, సినిమా, స్పోర్ట్స్, టెక్ అప్డేట్స్.. ఆధ్యాత్మిక, ఆరోగ్య సమాచారంతో పాటు, వైరల్ కథనాల కోసం సుమన్ టీవీ యాప్‌ను డౌన్‌లోడ్ చేసుకోండి.