follow us:
ఆస్కార్ గెలుచుకున్న వారికి వెలకట్టలేని అవార్డు దక్కింది. మరి ఆస్కార్ నామినీస్ గా వెళ్లిన వారికి ఏం ఉంటుంది? అది కాదు సార్.. కష్టపడి ఆస్కార్ నామినేషన్స్ వరకూ వచ్చాం మాకేంటి.. అహ మాకేంటి అని అడిగే నామినీ బ్యాచ్ కి అదిరిపోయే బహుమతులు ఇచ్చారని అంతర్జాతీయ మీడియాలో కథనాలు వస్తున్నాయి.
ఆస్కార్ వరకూ వెళ్లి వెనక్కి వచ్చేసిన వారు డిజప్పాయింట్ అవ్వకుండా ఉండడం కోసం ఎవిరీ వన్ విన్స్ అనే పేరుతో లక్ష 26 వేల డాలర్లు విలువ చేసే గిఫ్ట్ బ్యాగ్ ను అందుకోనున్నారు. ఈ బ్యాగ్ లో కోటి రూపాయలకు పైగా బహుమతులను పెట్టారు నిర్వాహకులు. డైరెక్టర్, యాక్టర్, యాక్ట్రెస్, సపోర్టింగ్ యాక్టర్, సపోర్టింగ్ యాక్ట్రెస్ వీరికి మాత్రమే ఈ లగ్జరీ బహుమతులు పొందే అవకాశం ఉంటుంది. ఎవరైతే ఆస్కార్ నామినేషన్స్ లో ఉండి ఆస్కార్ అవార్డు పొందలేదో వారు రూ. 1.03 కోట్ల విలువైన లగ్జరీ బహుమతులను అందుకోనున్నారు. ప్రతి ఏటా ఆస్కార్ నామినేషన్స్ లో ఉండి అవార్డు పొందని వాళ్ళని ఓదార్చడానికి లగ్జరీ బహుమతులను అందజేస్తుంటారు. అలానే విదేశాలకు ఉచిత ట్రిప్ లు వేసుకోండి అని అవకాశం ఇస్తారు. కాస్మెటిక్ ట్రీట్మెంట్లు ఏమైనా ఉంటే చేసుకోండి అని డబ్బులు ఇస్తారు. లగ్జరీ ఉత్పత్తులు సహా చాలా ఇస్తారు. పండగ చేసుకోండి అని ఒక్కో నామినీకి కోటి రూపాయలు విలువైన గిఫ్ట్ హ్యాంపర్ ఇస్తారు.
ఈ ఏడాది 95వ అకాడమీ అవార్డుల ప్రధానోత్సవం జరిగింది. గార్డియన్ అనే యూఎస్ మీడియా కథనం ప్రకారం.. ఒక ప్లాట్ సహా అనేక బహుమతులు అందజేస్తున్నారట. పాండ్స్ పౌడర్ డబ్బాలోది.. అందరూ విజేతలే అని ఒక బహుమతుల సంచిని ఆస్కార్ నామినీస్ కి ఇస్తున్నారు. 8 మంది నామినీస్ మూడు రాత్రులు ఇటాలియన్ లైట్ హౌజ్ లో గడిపే అవకాశం ఇస్తున్నారు. ఇది ఇటలీ తీరంలో ఒక ద్వీపంలో కొండ ప్రాంతంలో ఉన్న ప్రైవేట్ ప్లేస్. ఇక్కడ నామినీస్ గడిపేందుకు అయ్యే ఖర్చు 9 వేల యూఎస్ డాలర్లు. పూర్తిగా ఆస్కార్ వాళ్ళే పెట్టుకుంటున్నారు. అలానే 40 వేల యూఎస్ డాలర్లు విలువైన లైఫ్ స్టైల్ వోచర్ ని ఇస్తున్నారు. అంతేకాదు ఆస్ట్రేలియాలోని మంచి ఏరియాలో ఒక ప్లాట్ కూడా ఇస్తున్నారు. కేట్ బ్లాంచెట్, మిచెల్లీ ఏఓహ్, ఆస్టిన్ బట్లర్, బ్రెండన్ గ్లీసన్ సహా పలువురు నామినీస్ అవార్డు తీసుకోకుండా నిరుత్సాహంగా వెనుదిరిగారు. మరి వీరి ముఖాల్లో ఆనందం నింపడం కోసం 25 వేల యూఎస్ డాలర్ల విలువైన ప్రాజెక్ట్ మేనేజ్మెంట్ రుసుమును ఇంటి రెనోవేషన్ పనుల కోసం మైసన్ కన్స్ట్రక్షన్ వారి సౌజన్యంతో ఇస్తున్నారు.
ఇక హీరోలు, హీరోయిన్లు, నటులు, నటీమణులు, సపోర్టింగ్ ఆర్టిస్టులు తమ వయసును తగ్గించుకుని, అందం పెంచుకోవడం కోసం కాస్మొటిక్ ట్రీట్మెంట్లు చేయించుకునేందుకు కూడా డబ్బులు ఇస్తుంది. ఒక్కో నామినీకి 41 వేల యూఎస్ డాలర్లు ఇస్తుంది. ఈ డబ్బుతో భుజాల చికిత్స, జుట్టు పునరుద్ధరణ చికిత్స, ముఖానికి శస్త్రచికిత్స వంటివి చేయించుకోవచ్చు. బ్యాగ్ లో ఇమ్యూనిటీ బూస్ట్, సి60 పర్పుల్ పవర్ ఎడిబుల్ మసాజ్ ఆయిల్, బ్లష్ సిల్క్స్ పిల్లో కేసులు, హాని చేయనటువంటి కొబ్బరి నీరు ఉంటాయట. జ్వరం వచ్చినప్పుడు రోగులకు పెట్టే రొట్టెలు ఈ బ్యాగ్ లో ఉంటాయట. కాకపోతే అవి జపనీస్ మిల్క్ బ్రెడ్లు. 18 యూఎస్ డాలర్ల విలువైన జపనీస్ పాల రొట్టెలు, క్లిఫ్ థిన్స్ అనే చాక్లెట్లు, 13.56 డాలర్లు విలువ చేసే 100 క్యాలరీల స్నాక్ బార్ ఈ బ్యాగ్ లో పెట్టారట నిర్వాహకులు.
ఆస్కార్ కొట్టలేదన్న బాధను మర్చిపోయి ఈ ట్రిప్ లు ఎంజాయ్ చేస్తూ.. వాళ్ళు పెట్టే ఫుడ్డు మెక్కుతూ.. వారు ఇచ్చే ప్లాట్ లో ఒక లగ్జరీ ఇల్లు కట్టుకొని అందులోనే ఉండవచ్చు, లేదా ఎవరికైనా తలకమాసినోడికి అద్దెకు ఇవ్వచ్చు, లేదా ఎవరికైనా అమ్ముకోవచ్చునని ఆలోచించుకునేలా అవకాశం ఇచ్చారు ఆస్కార్ నిర్వాహకులు. ఆస్కార్ పోతేనే ఎగ్ పఫ్ లోది అంతకు మించిన సంతోషాలు వచ్చాయని ఫీలవ్వాలని ఆస్కార్ నిర్వాహకులు ఇలా ప్లాన్ చేసినట్టున్నారు. అదన్నమాట విషయం ఆస్కార్ వచ్చినోళ్ళు అవార్డుతో ఇంటికి వెళ్తే.. ఆస్కార్ రానోళ్లు బోలెడన్ని రివార్డులతో ఇంటికెళ్తున్నారు. విన్నర్స్ కంటే రన్నర్స్ కే బాగుందే. మరి దీనిపై మీ అభిప్రాయమేమిటో కామెంట్ చేయండి.
View this post on Instagram
