నవరస వెబ్ సిరీస్ పర్ఫెక్ట్ రివ్యూ

తమిళ సినీ రంగానికి చెందిన స్టార్స్ అందరూ కలసి నటించిన వెబ్ సీరిస్ “నవరస”. మణిరత్నం – జయేంద్ర కలసి నిర్మించిన ఈ వెబ్ సిరీస్ ఓటీటీ జెయింట్ నెట్ ఫ్లిక్స్ లో విడుదల అయ్యింది. మరి.. ఎన్నో అంచనాల మధ్య రిలీజ్ అయిన నవరస వెబ్ సిరీస్ ఎలా ఉందో ఈ రివ్యూ ద్వారా తెలుసుకుందాం. నవరసలో మొత్తం 9 ఎపిసోడ్స్ ఉంటాయి. ఒక్కో ఎమోషన్ కి ఒక్కో కథ అనమాట. వాటిలో ఏది ఈ సీరిస్ కి ప్లస్ అయ్యింది ఏది మైనస్ అయ్యింది ఇప్పుడు తెలుసుకుందాం.

1) కరుణ రసం (ఇదిరి):

• బిజోయ్ నంబియార్ దర్శకత్వంలో విజయ్ సేతుపతి ప్రధాన పాత్రలో నటించాడు. తన భర్తని చేతులారా చంపుకున్నాను అని బాధపడే భార్య, తన ముందే ఒక హత్య జరుగుతుంటే ఆపలేకపోయిన ఓ వ్యక్తి. ఈ ఇద్దరి మధ్య సాగే సంఘర్షణ “ఇదిరి”. గోవింద్ వసంత నేపధ్య సంగీతం ఈ ఎపిసోడ్ కి ప్రాణం పోసింది. ఈ లెక్కన ఇదిరి ఎపిసోడ్ ఈ సీరీస్ కి ప్లస్ అయ్యింది.

2) హాస్య రసం (సమ్మర్ ఆఫ్ 92) :

• ప్రియదర్శన్ దీనికి దర్శకుడు. యోగిబాబు స్క్రీన్ ప్రెజన్స్ బాగున్నా.., దర్శకుడు సరిగా వినియోగించుకోలేకపోయాడు. విజువల్ గా అద్భుతంగా అనిపించే సమ్మర్ ఆఫ్ 92 అనుకున్నంత హాస్యాన్ని మాత్రం పండించలేకపోయింది.

3) అద్భుత రసం (ప్రొజెక్ట్ అగ్ని) :

• సిరీస్ మొత్తంలో ఈ ఎపిసోడ్ హైలెట్. కార్తీక్ నరేన్ దర్శకత్వంలో అరవింద్ స్వామి-ప్రసన్న నడుమ సంభాషణ అద్భుతం.

4) భీభత్స రసం :

• అహంభావం మనిషిని ఎంత పాతాళానికి తొక్కేస్తుంది? వయసు పెరిగినా, బుద్ధి మారకపోతే వచ్చే ప్రమాదాలు ఎలా ఉంటాయి అని కళ్ళకి కట్టిన ఎపిసోడ్. జస్ట్ యావరేజ్ గా నిలిచింది. ఢిల్లీ బాబు నటన మాత్రం హైలెట్.

5) శాంత రసం ( పీస్):

• ఇప్పుడున్న ప్రపంచంలో ఎక్కడా శాంతి లేదు అన్నదే ఈ ఎపిసోడ్ థీమ్. కంటెంట్ పరంగా ఆకట్టుకున్న ఎపిసోడ్.కార్తీక్ సుబ్బరాజ్ బాగుంది.

6) రౌద్ర రసం: ( రౌద్రం) :

• తమిళ నటుడు శ్రీరామ్ నట విశ్వరూపం ఈ ఎపిసోడ్ లో చూడొచ్చు. మనిషి జీవితంలో కోపం పర్యవసానాలు ఎలా ఉంటాయన్నది మెయిన్ పాయింట్. ఖచ్చితంగా ఆకట్టుకునే ఎపిసోడ్. నటుడు అరవింద స్వామి ఈ ఎపిసోడ్ ను డైరెక్ట్ చేయడం విశేషం.

7) భయానక రసం:

• సిద్ధార్ధ్-పార్వతీల కాంబినేషన్ లో తెరకెక్కిన ఈ ఎపిసోడ్ ఓ మెయిన్ సినిమాకి సరిపోయే పాయింట్. అంత పెద్ద కథని ఓ చిన్న ఎపిసోడ్ గా చెప్పడంలో విఫలం అయ్యారు.

8) వీర రసం:

• మొత్తం సీరిస్ లో వీక్ ఎపిసోడ్ ఇదే. వీరత్వం వల్ల నిజ జీవితంలో ఉపయోగం ఉండదు అని చెప్పడమే మెయిన్ పాయింట్. కానీ.., దర్శకుడు సర్జున్ ఈ విషయంలో విఫలం అయ్యాడు. అథర్వ-అంజలి-కిషోర్ మాత్రం తమ యాక్టింగ్ తో ఆకట్టుకున్నారు.

9) శృంగార రసం:

• ఈ ఎపిసోడ్ కి సూర్య హీరో. గౌతమ్ వాసుదేవ్ మీనన్ డైరెక్టర్. ఈ కాంబోపై ఎన్ని అంచనాలు పెట్టుకున్నామో అన్నిటిని నీరు కార్చేశారు. అసలు కథ-కథనం అనేది లేకుండా ఈ ఎపిసోడ్ లాగించేశారు. వినడానికి కాస్త విడ్డురంగా అనిపించినా.., అన్నీ ఎపిసోడ్స్ లో కల్లా ఇదే చాలా దారుణంగా ఉంది.

చివరి మాట: కొన్ని రసాలనే పండించిన నవరస.

రేటింగ్: 2.5/5