మళ్లీ రోడ్డెక్కిన కచ్చా బాదామ్ సింగర్​.. అసలేం జరిగిందంటే?

సోషల్ మీడియా పుణ్యమా అని టాలెంట్ ఉన్న చాలా మంది ఫేమస్ అయిపోతున్నారు. అయితే ఇలా వచ్చిన ఫేమ్​ను నిలబెట్టుకోవడంలో మాత్రం ఫెయిలవుతున్నారు. రాత్రికి రాత్రే వచ్చిన క్రేజ్​ను తట్టుకుని నిలబడలేకపోతున్నారు. ఇకపోతే.. కచ్చా బాదమ్ పాటను వినే ఉంటారు. అప్పట్లో ఈ సాంగ్ యూట్యూబ్​ను షేక్ చేసింది. ఈ పాటతో పశ్చిమ బెంగాల్​కు చెందిన భుబన్ బద్యాకర్ ఓవర్​నైట్ స్టార్​గా మారాడు. ఒక్కపాటతోనే ఎంతో పాపులారిటీ సంపాదించాడీ శెనగల వ్యాపారి. ఆ ఫేమ్​తో పాటలు పాడుతూ, ప్రదర్శనలతో తెగ బిజీ అయిపోయాడు. వీటి ద్వారా వచ్చిన డబ్బులను వచ్చినట్లే ఖర్చు పెట్టేశాడు.

ప్రదర్శనల ద్వారా వచ్చిన డబ్బులతో కారు కొన్న భుబన్.. యాక్సిడెంట్​తో ఆస్పత్రి పాలయ్యాడు. తన ఊరి జనాలే అనుకుని అడిగిన వాళ్లకు అప్పులు ఇస్తూ పోయాడు. మరోవైపు డబ్బు తరిగిపోతుండటంతో చుట్టాలు దూరమయ్యారు. చివరికి.. జనాల వేధింపులను తట్టుకోలేక సొంతూరిని విడిచి, ఇంటికి దూరంగా అద్దె ఇంట్లోకి చేరి మళ్లీ వేరుశనగ బిజినెస్​లోకే దిగాడు. భూబన్ తాజాగా ఓ చానల్​కు ఇంటర్వ్యూ ఇచ్చాడు. చదువు, లోక జ్ఞానం లేకపోవడంతో తాను మోసపోయానని అందులో వివరించాడతను. అగ్రిమెంట్ పేరుతో ఒక కంపెనీ తనను చాలా మోసం చేసిందని వాపోయాడు. యూట్యూబ్​లో తాజాగా ఏ సాంగ్ అప్​లోడ్ చేసినా తనకు కాపీరైట్ ఇష్యూ వస్తోందని అంటున్నాడు భుబన్.

బాదాం అనే పదం ఉంటే చాలు.. తీసేయాల్సిందేనంటూ యూట్యూబ్ నోటీసులు పంపిస్తోందట. ఓ ఒప్పందం మీద ఏమీ చూసుకోకుండా, తెలుసుకోకుండా సంతకం చేయడమే దీనికి కారణం అని చెప్పుకొచ్చాడు భుబన్. ఇక, ఆయన స్వస్థలం భీర్​భూం జిల్లాలోని కురల్​జూరి గ్రామం. సెలబ్రిటీగా మారాక పలు దఫాలుగా ఆయన దగ్గర నుంచి గ్రామస్తులు డబ్బులు కాజేశారు. యువకుల వేధింపులు భరించలేక 9 కిలోమీటర్ల దూరంలో ఉన్న మరో గ్రామంలో భార్యాపిల్లలతో కలసి అద్దె ఇంట్లోకి మారాడు భుబన్. ఆ ఇంటికి నెలకు రూ.2,700 అద్దె చెల్లిస్తున్నాడు. మళ్లీ వీధికెక్కి పల్లీలు అమ్ముకుంటూ జీవనాన్ని సాగిస్తున్నాడు. మరి.. భుబన్ స్టోరీపై మీ అభిప్రాయాలను కామెంట్ల రూపంలో తెలియజేయండి.

ఈరోజు ఏపీ, తెలంగాణకు సంబంధించిన లేటెస్ట్ న్యూస్.. జాతీయ, అంతర్జాతీయ వార్తలు.. ఎడ్యుకేషన్, బిజినెస్, సినిమా, స్పోర్ట్స్, టెక్ అప్డేట్స్.. ఆధ్యాత్మిక, ఆరోగ్య సమాచారంతో పాటు, వైరల్ కథనాల కోసం సుమన్ టీవీ యాప్‌ను డౌన్‌లోడ్ చేసుకోండి.