మరోసారి అలాంటి పాత్రలో ఎన్టీఆర్.. గూస్‌బమ్స్‌ తెప్పిస్తున్న తారక్‌ కొత్త పాత్ర!

టాలీవుడ్ స్టార్ హీరో జూనియర్ ఎన్టీఆర్ సినిమా సినిమాతో తన ఇమేజ్​ను పెంచుకుంటూ పోతున్నారు. ‘ఆర్​ఆర్​ఆర్​’తో ఆయన పాపులారిటీ విదేశాలకు పాకింది. ఇందులో అమాయకుడైన ఆదివాసీగా, కొమురం భీమ్ పాత్రలో ఆయన కనబర్చిన నటనకు ఆడియెన్స్​ ఫిదా అయ్యారు. అలాగే ‘నాటు నాటు’ పాటకు ఆస్కార్ రావడంతో ఆయన మరింత మంది ప్రేక్షకులకు చేరువయ్యారు. ఎమోషనల్ సీన్స్​లో భావోద్వేగాలను పలికించడంలో, ఫైట్లు, డ్యాన్సుల్లో తనదైన మార్క్​ చూపిండంలోనూ తారక్​ది ప్రత్యేకమైన శైలి. ఇదే కోట్లాది మంది అభిమానుల ఆదరాభిమానాలు ఆయనకు దక్కేలా చేసింది. ‘ఆర్ఆర్ఆర్’ తర్వాత చాన్నాళ్లకు ఆయన తన నెక్స్ట్ ప్రాజెక్టును ప్రకటించారు. స్టార్ డైరెక్టర్ కొరటాల శివతో కొత్త మూవీని చేసేందుకు ఆయన గ్రీన్ సిగ్నల్ ఇచ్చారు.

ఎన్టీఆర్-కొరటాల కాంబోలో గతంలో ‘జనతా గ్యారేజ్’ చిత్రం వచ్చిన విషయం విదితమే. అయితే ఈ సినిమాను మించిన స్థాయిలో కొత్త ప్రాజెక్టు తెరకెక్కతున్నట్లు తెలుస్తోంది. ఈ చిత్రానికి ‘దేవర’ టైటిల్​ను మేకర్స్​ ఖాయం చేశారు. ఎన్టీఆర్​ పుట్టిన రోజు సందర్భంగా రిలీజైన ఈ మూవీ ఫస్ట్ లుక్ టైటిల్​ పోస్టర్​కు అదిరిపోయే రెస్పాన్స్ లభిస్తోంది. ఇందులో కత్తి పట్టుకొని ప్రశాంతంగా కనిపిస్తున్న తారక్ లుక్ మామూలుగా లేదు. ఇదిలా ఉండగా.. ఎన్టీఆర్ నెక్ట్స్ బాలీవుడ్ మూవీలో నటిస్తాడంటూ ఆ మధ్య వార్తలు వచ్చాయి. స్టార్ హీరో హృతిక్ రోషన్ ప్రధాన పాత్రలో తెరకెక్కనున్న ‘వార్-2’లో తారక్ కీలక పాత్రలో యాక్ట్ చేస్తాడని రూమర్స్ వచ్చాయి. ఇప్పుడు వాటికి బలం చేకూరింది. ఎన్టీఆర్ బర్త్ డే సందర్భంగా ఆయనకు విషెస్ చెబుతూ హృతిక్ రోషన్ సోషల్ మీడియాలో ఒక పోస్ట్‌ పెట్టారు.

యుద్ధభూమిలో కలుద్దామంటూ ఈ పోస్ట్​కు క్యాప్షన్ జత చేశారు హృతిక్. దీంతో వీళ్ల కాంబో ఫిక్స్ అయిందని అధికారికంగా తేలిపోయింది. అయితే ‘వార్​-2’లో తారక్ నెగెటివ్ రోల్​లో నటించనున్నట్లు మరో రూమర్ వినిపిస్తోంది. హృతిక్​కు విలన్​గా ఎన్టీఆర్ కనిపించనున్నారట. ఆయన పాత్రలో నెగెటివ్ షేడ్స్ ఎందుకు ఉన్నాయనే దానికి మూవీ డైరెక్టర్ అయాన్ ముఖర్జీ ఒక బలమైన కారణం ఉండేలా స్క్రిప్ట్​ను రెడీ చేస్తున్నారని బాలీవుడ్ టాక్. ఇందులో ఎంత నిజం ఉందో తెలియాలంటే మూవీ టీమ్ నుంచి అఫీషియల్​గా ప్రకటన వస్తే గానీ ఏదీ చెప్పలేం. ఈ చిత్రంలో దీపికా పదుకొణే, శర్వారీ వాఘ్​లను హీరోయిన్లుగా ఎంపిక చేశారని సమాచారం. భారీ బడ్జెట్​తో రూపొందుతోన్న ఈ సినిమాను ఆదిత్య చోప్రా నిర్మించనున్నారు. కాగా, గతంలో ‘జై లవ కుశ’ చిత్రంలో నెగెటివ్ షేడ్స్ ఉన్న పాత్రలో తారక్ యాక్ట్ చేసి, ప్రేక్షకులను భయపెట్టిన విషయం విదితమే.

Just In :

Hrithik Roshan confirms collaboration with #JrNTR! #WAR2 pic.twitter.com/uD0fVH1wvp

— AndhraBoxOffice.Com (@AndhraBoxOffice) May 20, 2023