ముద్దు కోసం పెద్ద రిస్క్ చేసిన హనీరోజ్.. ఆ అనుభవాన్ని మర్చిపోలేనంటూ..!

హనీరోజ్.. ఒక్క సినిమాతోనే టాక్​ ఆఫ్ ది టౌన్​గా మారిపోయిన తార. ఎన్ని చిత్రాల్లో నటించినా, ఎన్ని ఇండస్ట్రీల్లో పనిచేసినా రాని ఫేమ్, క్రేజ్ ఒకే సినిమాతో సొంతం చేసుకున్నారామె. నందమూరి నటసింహం బాలకృష్ణ సరసన నటించిన ‘వీరసింహారెడ్డి’ మూవీతో తెలుగులో బ్లాక్ బస్టర్ హిట్​ను అందుకున్నారు హనీరోజ్. ఈ ఫిల్మ్​తో ఆమె తెలుగు నాట ఓవర్​నైట్ స్టార్​డమ్ సొంతం చేసుకున్నారు. అందంతో పాటు యాక్టింగ్​లోనూ అదరగొట్టిన హనీకి యూత్​లో మంచి ఫ్యాన్ బేస్ ఏర్పడింది. సోషల్ మీడియాలో ఈ బ్యూటీ చేసే పోస్టుల కోసం ఎంతో మంది ఫ్యాన్స్ ఆసక్తిగా ఎదురు చూస్తుంటారు. అప్పుడప్పుడు షాపింగ్ మాల్స్ ఓపెనింగ్స్​లో మెరుస్తున్న హనీరోజ్.. తన అందంతో కుర్రకారును కిర్రెక్కిస్తున్నారు. ఈ భామ నుంచి నెక్స్ట్ మూవీ కోసం టాలీవుడ్ ఫ్యాన్స్ కళ్లలో ఒత్తులు వేసుకొని మరీ ఎదురు చూస్తున్నారు. అయితే ఇప్పట్లో ఆమె వెండితెర మీద కనిపించే సూచనలు పెద్దగా కనిపించడం లేదు.

‘వీరసింహారెడ్డి’తో హనీరోజ్​కు తెలుగు నాట మంచి క్రేజ్ దక్కినా సినీ అవకాశాలు మాత్రం పెద్దగా రాలేదు. దీంతో ఆమె నుంచి తర్వాతి చిత్రం కోసం మరికొన్నాళ్లు ఆగక తప్పని పరిస్థితి. అప్పటిదాకా సోషల్ మీడియాలో హనీని ఫాలో అవుతూ, ఆమె పెట్టే అప్​డేట్స్​ను చూస్తూ ఎంజాయ్ చేయాల్సిందే. ఇదిలా ఉంటే.. హనీరోజ్ చేసిన ఒక భారీ రిస్క్ ఇప్పుడు టాక్​ ఆఫ్ ది సోషల్ మీడియాగా మారింది. ఇటీవల ఐర్లాండ్​ టూర్​కు వెళ్లిన ఈ తేనెకళ్ల బ్యూటీ.. ఆ కంట్రీలో ఎంతో ప్రసిద్ధి గాంచిన బ్లర్నే స్టోన్​ (బ్లర్నే అనే రాయి)ను రిస్క్ చేసి మరీ ముద్దు పెట్టుకున్నారు. ఇందులో భాగంగా ఆమె చాలా ఎత్తులో పడుకొని.. తన తలను బాగా వెనక్కి వాల్చి మరీ ఆ రాయిని ముద్దాడారు. ఈ అనుభవాన్ని మర్చిపోలేనని.. ఇదొక వండర్​ఫుల్ ఎక్స్​పీరియెన్స్ అని చెప్పుకొచ్చారు హనీరోజ్. రాయిని ముద్దాడుతూ హనీ చేసిన రిస్కీ వీడియో ఇప్పుడు నెట్టింట బాగా వైరల్ అవుతోంది.

 

View this post on Instagram

 

A post shared by Honey Rose (@honeyroseinsta)