ఎంపీతో స్టార్ హీరోయిన్ డేటింగ్ అంటూ వార్తలు.. నిజమెంత?

బాలీవుడ్ స్టార్ హీరోయిన్లలో పరిణీతి చోప్రా ఒకరు. చూపు తిప్పుకోనివ్వని అందం, అందుకు తగ్గట్లే అభినయంతో ఆమె ఫ్యాన్ ఫాలోయింగ్​ను సంపాదించుకున్నారు. ముఖ్యంగా యూత్ ఆడియెన్స్​లో పరిణీతికి అభిమానులు ఎక్కువ. 2011లో ‘లేడీస్ వర్సెస్ రికీ భల్’ మూవీతో తెరంగేట్రం చేశారు పరిణీతి. తొలి చిత్రంతోనే ఫిలింఫేర్ ఉత్తమ నటి డెబ్యూ పురస్కారాన్ని దక్కించుకున్నారు. ఆ తర్వాత ‘ఇషక్​ జాదే’తో మంచి హిట్​ను ఖాతాలో వేసుకున్నారు. ఈ సినిమాతోనే ఆమెకు యువతలో క్రేజ్ పెరిగింది. కానీ ఈ మూవీ తర్వాత ఆమె నటించిన చిత్రాలు పెద్దగా ఆడలేదు. గత కొన్నేళ్లలో పరిణీతికి మంచి హిట్ అంటే ‘కేసరి’ రూపంలో లభించింది. కానీ ఈ మూవీ క్రెడిట్ కాస్తా​ హీరో అక్షయ్ కుమార్​ ఖాతాలోకి వెళ్లిపోయింది.

‘కేసరి’లో అక్షయ్ నటనకు ఎక్కువ మార్కులు పడ్డాయి. ఇక, గతేడాది ‘కోడ్ నేమ్: తిరంగా’తో ఆడియెన్స్​ను పలకరించారు పరిణీతి. కానీ ఈ మూవీ కూడా ఆమెకు సక్సెస్ అందించడంలో ఫెయిలైంది. ఇదిలాఉండగా.. ఈ ముద్దుగుమ్మకు సంబంధించిన ఓ వార్త నెట్టింట తెగ వైరల్ అవుతోంది. పరిణీతి డేటింగ్​లో ఉన్నట్లు రూమర్స్ వస్తున్నాయి. ఒక రాజకీయ నాయకుడితో ఆమె ప్రేమాయణం సాగిస్తోందని ప్రచారం జరుగుతోంది. ఆమ్ ఆద్మీ పార్టీ నేత, రాజ్యసభ సభ్యుడు రాఘవ్ చద్దాతో ముంబైలో కెమెరాలకు చిక్కింది పరిణీతి. సిటీలోని ఓ రెస్టారెంట్​లో నుంచి బయటకు వస్తుండగా వీళ్లిద్దరూ మీడియా కెమెరాల కంటికి చిక్కారు. దీంతో డేటింగ్ రూమర్స్ ఒక్కసారిగా ఊపందుకున్నాయి. దీంట్లో ఎంత నిజం ఉందనేది పరిణీతి, రాఘవల్లో ఎవరు ఒకరు క్లారిటీ ఇచ్చే దాకా తెలియదు.

Actress @ParineetiChopra with Raghav Chadha pic.twitter.com/tSxGXb6j3z

— Atulkrishan (@iAtulKrishan) March 23, 2023

ఈరోజు ఏపీ, తెలంగాణకు సంబంధించిన లేటెస్ట్ న్యూస్.. జాతీయ, అంతర్జాతీయ వార్తలు.. ఎడ్యుకేషన్, బిజినెస్, సినిమా, స్పోర్ట్స్, టెక్ అప్డేట్స్.. ఆధ్యాత్మిక, ఆరోగ్య సమాచారంతో పాటు, వైరల్ కథనాల కోసం సుమన్ టీవీ యాప్‌ను డౌన్‌లోడ్ చేసుకోండి.