‘ఆదిపురుష్‌’ పోస్టర్​లో దారుణమైన తప్పులు! సీతమ్మ మెడలో తాళి ఎక్కడ?

పాన్ ఇండియా స్టార్ ప్రభాస్​తో బాలీవుడ్ ప్రముఖ దర్శక నిర్మాత ఓం రౌత్​ తెరకెక్కకిస్తున్న చిత్రం ‘ఆదిపురుష్’. రాయాయణం ఆధారంగా రూపొందుతున్న ఈ సినిమాలో రాముడిగా ప్రభాస్, సీతగా కృతిసనన్, రావణుడిగా సైఫ్ అలీ ఖాన్ నటిస్తున్నారు. కనీవినీ ఎరుగని బడ్జెట్​తో తెరకెక్కిస్తున్నాం అంటూ మేకర్స్ ప్రకటించినప్పటి నుంచి ఈ మూవీపై భారీ అంచనాలు ఏర్పడ్డాయి. అయితే ‘ఆదిపురుష్’ టీజర్ విడుదలయ్యాక దారుణమైన ట్రోల్స్ వచ్చాయి. టీజర్​ మీద, ముఖ్యంగా దర్శకుడు ఓం రౌత్ మీద పెద్ద ఎత్తున విమర్శలు వచ్చాయి. రామాయణం పేరు చెప్పి బొమ్మల చిత్రం తీస్తున్నారంటూ.. ఇది రామాయణంలా ఉందా అంటూ ట్రోల్స్ నడిచాయి. హిందువుల మనోభావాలు దెబ్బతీసేలా ఉందంటూ విమర్శలు వచ్చాయి.

టీజర్ రిలీజ్​కు ముందు వరకు ‘ఆదిపురుష్’పై ఉన్న అంచనాలు.. ఆ తర్వాత అమాంతం పోయాయి. టీజర్​పై వచ్చిన ట్రోల్స్ చూసిన తర్వాత సినిమా విడుదలను వాయిదా వేశారు మేకర్స్. జూన్​లో విడుదల చేస్తామని చెప్పి.. గ్రాఫిక్ వర్క్ మొదలుపెట్టారు. అప్పటి నుంచి ‘ఆదిపురుష్​’ మీద ఏ అప్​డేట్ లేదు. దీంతో డార్లింగ్ ఫ్యాన్స్ కూడా ఈ చిత్రంపై ఆశలు వదిలేసుకున్నట్లే కనిపించింది. అయితే తాజాగా శ్రీరామనవమి పండుగ సందర్భంగా ఆ మూవీ నుంచి ఒక స్పెషల్ పోస్టర్​ను రిలీజ్ చేశారు. ఈ కొత్త పోస్టర్​లో రాముడు, సీత, లక్ష్మణుడు, హనుమంతుడు ఉన్నారు. ప్రభాస్​, కృతి సనన్​తో పాటు లక్ష్మణుడు, ఆంజనేయుడి పాత్రలు ఉన్నాయి.

నయా పోస్టర్ కూడా గ్రాఫిక్ పోస్టర్​లాగే ఉండటంతో మరోసారి ‘ఆదిపురుష్’ మేకర్స్ మీద ట్రోల్స్ వచ్చాయి. అలాగే అందులో సీతమ్మ తల్లి మెడలో తాళి, ఆభరణాలు లేకపోవడం, కాళ్లకు మెట్టెలు లేకపోవడం, లక్ష్మణుడికి పూర్తిగా గడ్డం ఉండటంతో వీటి పైన కూడా ట్రోల్స్ చేస్తున్నారు. పోస్టర్ రియలిస్టిక్​గా లేదని మళ్లీ గ్రాఫిక్స్​ ఉన్నాయని.. దీనికంటే ఫ్యాన్స్ చేసిన పోస్టర్లే బాగున్నాయంటూ నెటిజన్స్ విమర్శిస్తున్నారు. టాలీవుడ్ సినీ అభిమానులతో పాటు బాలీవుడ్ మూవీ ఫ్యాన్స్ కూడా ‘రామాయణం గురించి తెలుసా?’ అంటూ ఓం రౌత్​ను ట్రోల్ చేస్తున్నారు. రిలీజ్​కు ముందే ఇంతగా ట్రోల్ అవుతున్న ‘ఆదిపురుష్’ విడుదల తర్వాత ఏమవుతుందో చూడాలి. ఈ చిత్రం జూన్ 16న ప్రపంచవ్యాప్తంగా పలు భాషల్లో భారీ ఎత్తున రిలీజ్ కానుంది.

As a filmmaker,one should never take up a religious subject as popular as Ramayan and create his own narrative against people’s perception.Your approach looks dishonest and characters you depicted look horrible to say the least. Be prepared for public backlash.

— Prof.N John Camm (@njohncamm) March 30, 2023

Endhi anna ee poster uuu
Sarle edho okati #Prabhas anna vunnad chaalu
Jai Shri Ram #AdipurushAagamanam #Adipursh pic.twitter.com/P7mteKYQpk

— Vicky ˢᵃˡᵃᵃ⸢ (@vikasthegreat_) March 30, 2023

Lord Sri Rama with a moustache. Lord Lakshmana with a beard. Which scriptures is this description taken from?

— Ovo (@VanKhomain) March 30, 2023

ఈరోజు ఏపీ, తెలంగాణకు సంబంధించిన లేటెస్ట్ న్యూస్.. జాతీయ, అంతర్జాతీయ వార్తలు.. ఎడ్యుకేషన్, బిజినెస్, సినిమా, స్పోర్ట్స్, టెక్ అప్డేట్స్.. ఆధ్యాత్మిక, ఆరోగ్య సమాచారంతో పాటు, వైరల్ కథనాల కోసం సుమన్ టీవీ యాప్‌ను డౌన్‌లోడ్ చేసుకోండి.