అరుంధతి పాత్ర కోసం ముందు నన్నే సంప్రదించారు: హీరోయిన్ ప్రేమ

అనుష్క కెరీర్ లోనే అతి పెద్ద హిట్ గా నిలిచిన సినిమా అరుంధతి. ఈ సినిమా అనుష్కలో దాగి ఉన్న నట బీభత్సాన్ని బయటపెట్టింది. అయితే ఈ సినిమాలో నటించే అవకాశం అనుష్క కంటే ముందు ఇద్దరు హీరోయిన్స్ కి వచ్చింది. వారిలో మమతా మోహన్ దాస్ ఒకరు కాగా మరొకరు ప్రేమ. అరుంధతి పాత్రలో నటించే అవకాశం తనకు వచ్చిందని మమతా మోహన్ దాస్ ఆ మధ్య ఓ ఇంటర్వ్యూలో వెల్లడించింది. ఈమె ఒప్పుకోకపోవడంతో అనుష్కకు వెళ్లిందని, ఆ తర్వాత సినిమా మిస్ చేసుకున్నందుకు చాలా బాధపడ్డానని తెలిపింది. తాజాగా మమతా మోహన్ దాస్ లానే ప్రేమ కూడా ఈ సినిమా అవకాశాన్ని చేజార్చుకున్నట్లు నటి ప్రేమ వెల్లడించారు.

కోరుకున్న ప్రియుడు, ఓంకారం, దేవి, ఉపేంద్ర వంటి సినిమాలతో తనదైన నటనతో అలరించిన నటి ప్రేమ. కోడి రామకృష్ణ దర్శకత్వంలో వచ్చిన దేవి సినిమాతో మరింత స్టార్ డమ్ తెచ్చుకున్నారు. అప్పట్లో ప్రేమ అందానికి కుర్రాళ్ళు పిచ్చెక్కిపోయేవారు. అంత అందంగా ఉండేవారు. కన్నడ ఇండస్ట్రీకి చెందిన ప్రేమ కన్నడ, మలయాళ, తెలుగు భాషల్లో అనేక సినిమాల్లో హీరోయిన్ గా నటించారు. ఆ తర్వాత హీరోయిన్ గా ఫేడవుట్ అవ్వడంతో క్యారెక్టర్ ఆర్టిస్టుగా స్థిరపడ్డారు. తాజాగా సుమన్ టీవీతో ఆమె ముచ్చటించారు. ఈ సందర్భంగా ఆమె అరుంధతి సినిమా మిస్ చేసుకున్న విషయాన్ని వెల్లడించారు. తనకు కోడి రామకృష్ణతో తనకు మంచి అనుబంధం ఉందని.. దేవి సినిమా షూటింగ్ సమయంలో ఆయన తనకు తెలుగు నేర్పించారని అన్నారు.

అరుంధతి సినిమా షూటింగ్ మొదలు పెట్టక ముందు అరుంధతి పాత్ర కోసం తనను సంప్రదించారని.. అయితే అప్పటికే తాను కానంద సినిమాలతో ఫుల్ బిజీగా ఉన్నానని.. డేట్స్ సర్దుబాటు కాక అవకాశాన్ని వదులుకున్నానని ఆమె వెల్లడించారు. సినిమా విడుదలైన తర్వాత చూశానని, చాలా అద్భుతంగా ఉందని ఆమె అన్నారు. అయితే సినిమా మిస్ చేసుకున్నందుకు తాను ఏ మాత్రం బాధపడలేదని, అనుష్కకు అదృష్టం ఉంది కాబట్టి అవకాశం తనను వరించిందని అన్నారు. మరి ప్రేమ కనుక అరుంధతి సినిమా చేసి ఉంటే ఫలితం ఎలా ఉండేది? అనుష్క స్థాయిలో ప్రేమ ఇమేజ్ పెరిగేదా? మీ అభిప్రాయమేమిటో కామెంట్ చేయండి.

ఈరోజు ఏపీ, తెలంగాణకు సంబంధించిన లేటెస్ట్ న్యూస్.. జాతీయ, అంతర్జాతీయ వార్తలు.. ఎడ్యుకేషన్, బిజినెస్, సినిమా, స్పోర్ట్స్, టెక్ అప్డేట్స్.. ఆధ్యాత్మిక, ఆరోగ్య సమాచారంతో పాటు, వైరల్ కథనాల కోసం సుమన్ టీవీ యాప్‌ను డౌన్‌లోడ్ చేసుకోండి.