follow us:
95వ అకాడమీ అవార్డుల వేడుక ఘనంగా ముగిసింది. ఆదివారం రాత్రి అమెరికాలోని లాస్‌ ఏంజిల్స్‌లో జరిగిన ఈ వేడుకకు ప్రపంచ వ్యాప్తంగా ముందెన్నడూ లేని విధంగా భారీ స్పందన వచ్చింది. ఈ సారి ఏకండా భారతదేశానికి రెండు ఆస్కార్లు వచ్చాయి.
దేశ మొత్తం ఎంతో ఆసక్తిగా ఎదురు చూసిన క్షణాలు రానే వచ్చాయి. ఆర్‌ఆర్‌ఆర్‌ సినిమా 95వ అకాడమీ అవార్డుల వేడుకలో అవార్డును గెలుచుకుంది. ఒరిజినల్‌ సాంగ్‌ విభాగంలో ‘నాటు నాటు’ పాట అవార్డును సొంతం చేసుకుంది. ఓ భారతీయ సినిమా ఆస్కార్ అవార్డును గెలుచుకోవటం ఇదే మొదటి సారి. దీంతో దేశం నలుమూలలనుంచి రాజకీయ, సినీ, ఇతర రంగాలకు చెందిన ప్రముఖులు ఆర్‌ఆర్‌ఆర్‌ సినిమా పాటకు అకాడమీ అవార్డు రావటంపై ప్రశంసలు కురిపిస్తున్నారు. దేశ ప్రధాని నరేంద్ర మోదీ, తెలుగు రాష్ట్రాల ముఖ్యమంత్రులతో పాటు ఇతర ప్రముఖుల శుభాకాంక్షలు తెలియజేస్తున్నారు.
