డిగ్రీ పాసైన వారికి సువర్ణావకాశం.. బ్యాంకులో జాబ్.. ఏడాదికి రూ. 5.59 లక్షల జీతం!

డిగ్రీ, ఇంజనీరింగ్ చదివిన వారికి హెచ్డీఎఫ్సీ బ్యాంకు అద్భుతమైన అవకాశాన్ని కల్పిస్తుంది. ఏడాది పాటు కోర్సు నేర్పించి.. నెల నెలా స్టైపెండ్ ఇవ్వడమే కాకుండా కోర్సు పూర్తయ్యాక గ్యారంటీ జాబ్ ఇస్తుంది. డిగ్రీ, ఇంజనీరింగ్ పాసైన వారిని బ్యాంకింగ్ నిపుణులుగా మార్చేందుకు హెచ్డీఎఫ్సీ బ్యాంకు ‘ఫ్యూచర్ బ్యాంకర్స్ 2.O’ పేరుతో ప్రత్యేక రిక్రూట్మెంట్ ప్రోగ్రాంని ప్రవేశపెట్టింది. మణిపాల్ గ్లోబల్ అకాడమీలోని బీఎఫ్ఎస్ తో కలిసి నియామకాలు చేపడుతోంది. దీని కోసం ఏడాది కాలపరిమితితో ప్రొఫెషనల్ డిప్లోమా కోర్సుని ప్రవేశపెట్టింది. ఈ కోర్సు పూర్తి చేసిన వారికి ఏడాదికి రూ. 5.59 లక్షల ప్యాకేజీతో ఉద్యోగం ఇస్తామని హెచ్డీఎఫ్సీ బ్యాంకు తెలిపింది.

కోర్సు ఫీజు కోసం లోన్ కూడా బ్యాంకే ఇస్తుంది. అయితే ఏడాది పాటు బ్యాంకు లోన్ కట్టాల్సిన పని లేకుండా మోరటోరియం పీరియడ్ ని కల్పిస్తుంది. కోర్సు పీరియడ్ 12 నెలలు ఉంటుంది. 4 నెలల పాటు ఫుల్ టైం రెసిడెన్షియల్ క్లాస్ రూమ్ ట్రైనింగ్ ఉంటుంది. మణిపాల్ గ్లోబల్ ఎడ్యుకేషన్ సర్వీసెస్ చేత హాస్టల్ సదుపాయం ఉంటుంది. 2 నెలలు ఇంటర్న్ షిప్, 6 నెలలు ఏదైనా హెచ్డీఎఫ్సీ బ్యాంక్ శాఖలో ఆన్ ద జాబ్ ట్రైనింగ్ ఉంటుంది. ఏడాది కోర్సు పూర్తి చేసిన వారికి మణిపాల్ అకాడమీ ఆఫ్ హయ్యర్ ఎడ్యుకేషన్ నుంచి సేల్స్ & రిలేషన్ షిప్ బ్యాంకింగ్ విభాగంలో పోస్ట్ గ్రాడ్యుయేట్ డిప్లోమా సర్టిఫికెట్ వస్తుంది.

అర్హతలు: 01/03/2023 నాటికి ఏదైనా గుర్తింపు పొందిన యూనివర్సిటీలో డిగ్రీ పూర్తి చేసి ఉండాలి. లేదా కేంద్ర ప్రభుత్వంచే గుర్తింపు పొందిన తత్సమాన అర్హత కలిగి ఉండాలి. 50 లేదా అంతకంటే ఎక్కువ శాతం ఉండాలి.

వయసు పరిమితి: 21 నుంచి 28 ఏళ్ళు ఉండాలి.

కోర్స్ కంటెంట్:

రెండు టర్మ్స్ లో కోర్స్ అనేది ఉంటుంది. మొదటి టర్మ్ లో బ్యాంకింగ్ అండ్ అకౌంటింగ్స్ మీద బేసిక్స్, బిజినెస్ కమ్యూనికేషన్, సేల్స్ అండ్ సర్వీస్, ఫైనాన్షియల్ ప్లానింగ్ అండ్ వెల్త్ మేనేజ్మెంట్, బ్యాంకింగ్ ఆపరేషన్స్ నేర్పిస్తారు. రెండవ టర్మ్ లో ఆర్బీబీ 1 లయబిలిటీ ప్రొడక్ట్స్, ఆర్బీబీ 2 అసెట్ ప్రొడక్ట్స్, ఆర్బీబీ 3 అలైడ్ అండ్ క్రాస్ సెల్ ప్రొడక్ట్స్, డిజిటల్ బ్యాంకింగ్, ప్రీమియర్ బ్యాంకింగ్ ప్రోగ్రాం-పర్సనల్ బ్యాంకర్ నేర్పిస్తారు. మొత్తంగా ఏడాదిలో మిమ్మల్ని బ్యాంకింగ్ నిపుణులుగా తీర్చిదిద్దుతారు. కోర్సు ఫీజు 2.57 లక్షలు + పన్నులు ఉంటాయి. అయితే ఈ కోర్సు ఫీజులోనే 4 నెలల హాస్టల్ సదుపాయం ఉంటుంది.

రుణ సదుపాయం:

• హెచ్డీఎఫ్సీ బ్యాంకు ద్వారా ఎడ్యుకేషన్ లోన్ పొందవచ్చు లేదా ఇతర ఫైనాన్స్ సంస్థ నుంచి కూడా పొందవచ్చు. అది పూర్తిగా అభ్యర్థి యొక్క ఛాయిస్.

లోన్ కి ఉండాల్సిన అర్హతలు:

• ఫ్యూచర్ బ్యాంకర్స్ ప్రోగ్రాంకి ఎంపిక అవ్వాలి.
• వయసు 21 నుంచి 28 ఏళ్ల మధ్య ఉండాలి.
• ఫుల్ టైం గ్రాడ్యుయేషన్ చేసి ఉండాలి.
• తల్లిదండ్రులు, జీవిత భాగస్వామి గానీ, సంరక్షకుడు గానీ ఎవరో ఒకరు అభ్యర్థితో పాటు లోన్ కి అప్లై చేయాలి.
• లోన్ అమౌంట్: కోర్సు ఫీజు + పన్నులతో కలిపి వస్తుంది.
• వడ్డీ రేటు: ఏడాదికి 11.75%
• మోరటోరియం పీరియడ్: 12 నెలలు (ఈ 12 నెలలు మీరు లోన్ ఈఎంఐ కట్టాల్సిన పని లేదు)

కోర్సు ప్రయోజనాలు:

• ఏడాది కోర్సు చేస్తున్నప్పుడు బ్యాంకింగ్ ప్రక్రియలు, రియల్ వరల్డ్ ఎక్స్ పీరియన్స్ వస్తుంది.
• నేర్చుకుంటూ స్టైపెండ్ పొందవచ్చు.
• కోర్సు ఫీజు 2 నుంచి 3 ఏళ్లలో రిఫండ్ వస్తుంది.
• కోర్సు చేసే సమయంలో మొదటి 4 నెలలు క్లాస్ రూమ్ లెర్నింగ్ స్టేజ్ లో నెలకు రూ. 5 వేల చొప్పున రూ. 20 వేలు స్టైపెండ్ ఇస్తారు.
• రెండు నెలల ఇంటర్న్ షిప్ సమయంలో నెలకు రూ. 10 వేల చొప్పున రూ. 20 వేలు స్టైపెండ్ ఇస్తారు.
• ఆ తర్వాత 6 నెలల జాబ్ ట్రైనింగ్ అప్పుడు నెలకు రూ. 24 వేల నుంచి రూ. 26 వేల వరకూ స్టైపెండ్ అనేది ఇస్తారు. అంటే 6 నెలల్లో రూ. 1,44,000 నుంచి రూ. 1,56,000 వరకూ జాబ్ ట్రైనింగ్ లో
• స్టైపెండ్ వస్తుంది. మొత్తం మీద ఏడాది కోర్సు సమయంలో రూ. 1,84,000 నుంచి రూ. 1,96,000 వరకూ అమౌంట్ అనేది వస్తుంది.

ఈ అవకాశాన్ని వినియోగించుకోవడం ఎలా?

• ఈ లింక్ పై క్లిక్ చేసి లాగిన్ మీద క్లిక్ చేయాలి.
• రిజిస్టర్ మీద క్లిక్ చేసి మీ పేరు, లింగం, పుట్టినరోజు తేదీ, మొబైల్ నంబర్, ఈమెయిల్ ఐడీ నమోదు చేసి రాష్ట్రం ఎంపిక చేసి సబ్మిట్ చేయాలి.
• మీ మెయిల్ కి పాస్వర్డ్ వస్తుంది.
• మళ్ళీ ఈ లింక్ పై క్లిక్ చేసి లాగిన్ క్లిక్ చేసి ఈమెయిల్, పాస్వర్డ్ నమోదు చేయాలి.
• పాస్వర్డ్ రీసెట్ చేసుకోమని చెబుతుంది.
• పాస్వర్డ్ రీసెట్ చేసుకున్నాక మీ ఇంటి అడ్రస్, విద్యార్హతలు నమోదు చేసి అప్లై చేయాలి.

ఈ కోర్సుకి ఎంపిక ప్రక్రియ:

• ఆన్ లైన్ లో దరఖాస్తు పూర్తి చేయాలి.
• అసెస్మెంట్ రుసుము కింద రూ. 550 చెల్లించాలి.
• ఆన్ లైన్ అసెస్మెంట్ టెస్ట్ తీసుకోవాలి. ఆన్ లైన్ అసెస్మెంట్ కింద కాగ్నిటివ్ టెస్ట్, పర్సనాలిటీ టెస్ట్, సేల్స్ ఆప్టిట్యూడ్, వీడియో ఇంటర్వ్యూ ఉంటాయి.

• వెబ్ సైట్ కోసం ఇక్కడ క్లిక్ చేయండి

ఈరోజు ఏపీ, తెలంగాణకు సంబంధించిన లేటెస్ట్ న్యూస్.. జాతీయ, అంతర్జాతీయ వార్తలు.. ఎడ్యుకేషన్, బిజినెస్, సినిమా, స్పోర్ట్స్, టెక్ అప్డేట్స్.. ఆధ్యాత్మిక, ఆరోగ్య సమాచారంతో పాటు, వైరల్ కథనాల కోసం సుమన్ టీవీ యాప్‌ను డౌన్‌లోడ్ చేసుకోండి.