టీమిండియాలోకి జైస్వాల్.. బీసీసీఐ నుంచి పిలుపు.. ఇదిగో ప్రూఫ్​!

రాజస్థాన్ రాయల్స్ యంగ్ ప్లేయర్ యశస్వి జైస్వాల్ రెచ్చిపోయి ఆడుతున్నాడు. గురువారం కోల్​కతా నైట్ రైడర్స్​తో జరిగిన ఈ మ్యాచ్​లో ఈ లెఫ్టాంటెడ్ బ్యాట్స్​మన్ విధ్వంసం సృష్టించాడు. 47 బాల్స్​లో ఏకంగా 98 రన్స్ చేసి రాయల్స్​కు బంపర్ విక్టరీని అందించాడు. ప్లేఆఫ్స్​కు చేరాలంటే విజయం తప్పనిసరిగా మారిన మ్యాచ్​లో జైస్వాల్ చెలరేగి ఆడాడు. అతడి ఇన్నింగ్స్​లో 12 ఫోర్లు, 5 సిక్సులు ఉన్నాయి. దీన్ని బట్టే కేకేఆర్ బౌలర్లను జైస్వాల్ ఏవిధంగా ఊచకోత కోశాడో అర్థం చేసుకోవచ్చు. అతడికి సారథి సంజూ శాంసన్ (48) కూడా తోడవ్వడంతో కోల్​కతా విసిరిన 150 రన్స్​ టార్గెట్​ను.. రాజస్థాన్ రాయల్స్ 13.1 ఓవర్లలోనే ఉఫ్​మని ఊదేసింది. రాయల్స్ ఇన్నింగ్స్​లో జైస్వాల్ బ్యాటింగ్​ హైలైట్​గా నిలిచింది. అతడు కేవలం 13 బాల్స్​లోనే హాఫ్ సెంచరీ మార్క్​ను అందుకున్నాడు. తద్వారా ఐపీఎల్​లో వేగవంతమైన ఫిఫ్టీని తన పేరిట రాసుకున్నాడు.

ఫాస్టెస్ట్ ఫిఫ్టీ విషయంలో కేఎల్ రాహుల్, ప్యాట్ కమిన్స్ (14 బాల్స్​లో) పేరిట ఉన్న రికార్డును జైస్వాల్ బ్రేక్ చేశాడు. ఇన్నింగ్స్ ఫస్ట్ ఓవర్​లోనే 26 రన్స్ పిండుకున్నాడతను. కేకేఆర్ సారథి, పార్ట్ టైమ్ స్పిన్నర్ నితీష్ రానా వేసిన మొదటి ఓవర్​లో రెండు సిక్సులు, మూడు ఫోర్లతో ప్రమాద సూచనలు పంపాడు. ఆ తర్వాత కూడా అదే హిట్టింగ్​ను కొనసాగిస్తూ మ్యాచ్​ను ఫినిష్ చేశాడు. జైస్వాల్ వీరబాదుడును ఎలా అడ్డుకోవాలో తెలియక కోల్​కతా బౌలర్లు చేతులెత్తేశారు. జైస్వాల్ బ్యాటింగ్​పై బీసీసీఐ సెక్రటరీ జై షా ప్రశంసల జల్లులు కురిపించారు. అతడి ఇన్నింగ్స్ సూపర్ అని.. ఫ్యూచర్​లోనూ ఇదే ఫామ్​ను కంటిన్యూ చేయాలని సూచించారు జై షా. దీంతో జైస్వాల్ టీమిండియాలోకి ఎంట్రీ ఇవ్వడం పక్కా అని నెటిజన్స్ సహా క్రికెట్ విశ్లేషకులు కూడా అభిప్రాయపడుతున్నారు. కాగా, ఈ సీజన్​లో ఇప్పటిదాకా 12 మ్యాచ్​లు ఆడిన జైస్వాల్ 575 రన్స్ చేశాడు. ఇందులో ఒక సెంచరీ, నాలుగు హాఫ్​ సెంచరీలు ఉన్నాయి.

ఈరోజు ఏపీ, తెలంగాణకు సంబంధించిన లేటెస్ట్ న్యూస్.. జాతీయ, అంతర్జాతీయ వార్తలు.. ఎడ్యుకేషన్, బిజినెస్, సినిమా, స్పోర్ట్స్, టెక్ అప్డేట్స్.. ఆధ్యాత్మిక, ఆరోగ్య సమాచారంతో పాటు, వైరల్ కథనాల కోసం సుమన్ టీవీ యాప్‌ను డౌన్‌లోడ్ చేసుకోండి.