Yashasvi Jaiswal: జైస్వాల్​పై కావాలనే కుట్ర.. కేకేఆర్​ మీద రాజస్థాన్ ఫ్యాన్స్ ఫైర్!

ఈ ఏడాది ఐపీఎల్​లో భీకర ఫామ్​లో ఉన్న ప్లేయర్లలో యశస్వీ జైస్వాల్ ఒకడు. ఈ యంగ్ ప్లేయర్​కు బౌలింగ్ చేయాలంటే స్టార్ బౌలర్లు కూడా భయపడుతున్నారు. ఫోర్లు, సిక్సులతో బౌలర్లను ఊచకోత కోస్తున్నాడీ లెఫ్టాండర్ బ్యాటర్. గురువారం రాత్రి కోల్​కతా నైట్​రైడర్స్​తో జరిగిన మ్యాచ్​లో మరోమారు తన విశ్వరూపం చూపించాడు జైస్వాల్. ఈ మ్యాచ్​లో 47 బాల్స్​లో ఏకంగా 98 రన్స్ బాదాడు. హాఫ్ సెంచరీ మార్క్​ను కేవలం 13 బాల్స్​లో చేరుకుని రికార్డు సృష్టించాడు. ఐపీఎల్​లో ఫాస్టెస్ట్​ ఫిఫ్టీ రికార్డును తన పేరు మీద రాసుకున్నాడు జైస్వాల్. కానీ ఈ మ్యాచ్​లో సెంచరీ చేసే ఛాన్స్​ను అతడు తృటిలో కోల్పోయాడు. 98 రన్స్​ కొట్టిన జైస్వాల్.. సెంచరీ మార్క్​ను చేరుకుంటే రాజస్థాన్ ఆటగాళ్లతో పాటు అభిమానులు మరింత సంతోషపడేవారు. అయితే దీనికి కేకేఆర్ స్పిన్నర్ సుయాశ్ శర్మనే కారణమని కొందరు అంటున్నారు.

యశస్వీ జైస్వాల్ సెంచరీని అడ్డుకునే ఉద్దేశంతో సుయాశ్ శర్మ వైడ్ వేశాడని రాజస్థాన్ ఫ్యాన్స్ ఆరోపిస్తున్నారు. మ్యాచ్​ 13వ ఓవర్​లో లాస్ట్ బాల్ పడే ముందు రాజస్థాన్ 147 రన్స్​తో విజయానికి 3 రన్స్ దూరంలో ఉంది. అప్పటికి జైస్వాల్ స్కోరు 94. మరో సిక్స్ కొడితే అతడి ఖాతాలో వరుసగా రెండో సెంచరీ పడేది. క్రీజులో ఉన్న శాంసన్ ఆ ఒక్క బాల్​కు భారీ షాట్ కొట్టకుండా ఉంటే.. తర్వాతి ఓవర్​లో జైస్వాల్ వచ్చి సెంచరీ పూర్తి చేస్తాడని భావించాడు. కానీ కేకేఆర్ స్పిన్నర్ సుయాశ్.. ఆఖరి బాల్​ను వైడ్ వేసేందుకు ప్రయత్నించాడు. ఆ బాల్​ బ్యాట్స్​మన్​కే కాదు.. కీపర్​కు కూడా అందకుండా బౌండరీకి వెళ్లే ఛాన్స్ ఉండేది. దీంతో జైస్వాల్ 94 రన్స్ దగ్గరే ఉండిపోయేవాడు. అయితే సుయాశ్ వేసిన బాల్ ఎటు వెళ్తుందో గమనించిన శాంసన్ ఎక్స్​ట్రా రన్ రాకుండా.. ఆ బాల్​ను ఎదుర్కొని రన్ తీయలేదు.

అనంతరం జైస్వాల్ వైపు చూస్తూ సిక్స్ బాదేయ్ అంటూ సైగ్ చేశాడు సంజూ శాంసన్. తర్వాతి ఓవర్​లో శార్దూల్ ఠాకూర్ ఫస్ట్ బాల్​ను వైడ్ యార్కర్​గా వేసే ప్రయత్నం చేశాడు. అయితే జైస్వాల్ దాన్ని స్క్వేర్ లెగ్ వైపు బౌండరీ కొట్టి రాజస్థాన్​కు విక్టరీని అందించాడు. దీంతో అతడు 98 రన్స్ వద్దే ఆగిపోయాడు. దీనిపై మాజీ క్రికెటర్ ఆకాశ్ చోప్రా ఘాటుగా స్పందించాడు. జైస్వాల్​ సెంచరీ చేయకుండా అడ్డుకునేందుకు సుయాశ్ వైడ్ బాల్ వేసేందుకు ప్రయత్నించడం కరెక్ట్ కాదన్నాడు. ఇది చెడు ఆలోచన అని ఆయన చెప్పాడు. విరాట్ కోహ్లీ సెంచరీ చేయకుండా ఒక పాకిస్థాన్ బౌలర్ ఇలా చేస్తే ఎలా ఉంటుందని ప్రశ్నించాడు. కాగా, దీనిపై మ్యాచ్ అనంతరం జైస్వాల్ స్పందించాడు. సెంచరీ చేయాలనేది తన ఆలోచన కాదన్నాడు. నెట్​ రన్​రేట్​ను దృష్టిలో ఉంచుకుని వేగంగా ఆడానన్నాడు.

This is Sanju Samson, RR Captain

He is not a regular member of ICT, both Yashasvi and Sanju are fighting for opening spot in ICT.

Jaiswal was batting on 94, Suyash bowled, It was going for a wide & four then Samson defended it for Jaiswal so that Jaiswal can complete his… pic.twitter.com/zfMO4o76LG

— Dr Nimo Yadav (@niiravmodi) May 11, 2023

Trying to bowl a wide to prevent Yashasvi from getting to his 100….poor taste IMHO.

— Aakash Chopra (@cricketaakash) May 11, 2023