రింకూ 5 సిక్సులు కొట్టిన బౌలర్​కు తీవ్ర అస్వస్థత!

క్రికెట్​ పూర్తిగా బ్యాట్స్​మెన్​ గేమ్​గా మారుతోంది. ఉరుకుల పరుగుల జీవితంలో మ్యాచ్​లు చూసేందుకు గంటలకు గంటలు కేటాయించే పరిస్థితిలో ప్రేక్షకులు లేరు. అందుకే రోజుల తరబడి సాగే సంప్రదాయ టెస్టు క్రికెట్​ ప్రాభవం కోల్పోతోంది. మ్యాచ్​కు ఏడెనిమిది గంటలు పట్టే వన్డే క్రికెట్​కు కూడా క్రమంగా ఆదరణ తగ్గుతోంది. ఇప్పుడంతా టీ20ల ఫీవరే నడుస్తోంది. మూడు గంటల్లో ముగిసే 20-20 ఫార్మాట్​కు అందరూ అలవాటు పడ్డారు. మున్ముందు టీ10 ఫార్మాట్​ హవా పెరిగే సూచనలు కనిపిస్తున్నాయి. ఈ ఫార్మాట్​లకు తగ్గట్లుగా ఫ్లాట్ పిచ్​లను రూపొందిస్తున్నారు. దీంతో భారీ స్కోర్లు నమోదవుతున్నాయి.

బ్యాట్స్​మెన్​కు సహకరించే పిచ్​ల వల్ల భారీ స్కోర్లు నమోదవుతున్నాయి. హై స్కోరింగ్ మ్యాచ్​ల వల్ల ప్రేక్షకులకు కూడా మంచి వినోదం అందుతోంది. అయితే బౌలర్ల పరిస్థితి మాత్రం రోజురోజుకీ దిగజారుతోంది. ఫ్లాట్​పిచ్​లు, ఆధునిక బ్యాట్​ల వల్ల బాల్ కొడితే ఫోర్ లేదంటే సిక్స్ అనేలా పరిస్థితి తయారైంది. బ్యాట్స్​మెన్ అటాక్ చేస్తుండటం వల్ల పేరున్న బౌలర్లు కూడా భారీగా రన్స్ సమర్పించుకుంటున్నారు. అయితే అనుభవజ్ఞులు ఇందులో నుంచి కోలుకుని తిరిగి రాణిస్తున్నారు. కానీ యువ బౌలర్లకు మాత్రం ఇది కఠిన పరీక్షగా మారింది. ఫెయిల్యూర్స్​ను అధిగమించడం వారికి చాలా కష్టమవుతోంది. ఇందుకు గుజరాత్ టైటాన్స్​ పేసర్ యష్ దయాలే ఉదాహరణగా చెప్పొచ్చు.

కోల్​కతా హిట్టర్ రింకూ సింగ్ దెబ్బకు యష్ దయాల్ బలయ్యాడు. అతడి ఒకే ఓవర్లో రింకూ 5 సిక్సులు కొట్టడంతో యష్ మైండ్ బ్లాంక్ అయింది. ఆ మ్యాచ్ అనంతరం గ్రౌండ్​లోనే ఏడ్చేసిన యష్​.. ఆ తర్వాత అనారోగ్యానికి గురయ్యాడట. 10 రోజుల వరకు ఆ బాధ నుంచి అతడు కోలుకోలేదట. కేకేఆర్ మ్యాచ్​ తర్వాత తీవ్ర ఒత్తిడికి గురైన యష్ అమాంతం 8 నుంచి 9 కిలోలు బరుగు తగ్గాడని గుజరాత్ సారథి హార్దిక్ పాండ్యా తెలిపాడు. అయితే కమ్​బ్యాక్ కోసం యష్ తీవ్రంగా శ్రమిస్తున్నాడని పాండ్యా చెప్పాడు. అతడు త్వరలోనే జట్టులోకి తిరిగి వస్తాడని, రాణిస్తాడని ఆశిస్తున్నట్లు పేర్కొన్నాడు. కాగా, యష్ స్థానంలో సీనియర్ పేసర్ మోహిత్​ శర్మ గుజరాత్​కు ఆడుతున్న సంగతి తెలిసిందే. మరి.. యష్ దయాల్ బలంగా కమ్​బ్యాక్ ఇస్తాడని మీరు భావిస్తున్నారా? అయితే మీ అభిప్రాయాలను కామెంట్ల రూపంలో తెలియజేయండి.

Gujarat Titans skipper Hardik Pandya provided a major health update on pacer Yash Dayal.#GujaratTitans #HardikPandya #YashDayalhttps://t.co/7BUqe2emlN

— CricTracker (@Cricketracker) April 26, 2023

ఈరోజు ఏపీ, తెలంగాణకు సంబంధించిన లేటెస్ట్ న్యూస్.. జాతీయ, అంతర్జాతీయ వార్తలు.. ఎడ్యుకేషన్, బిజినెస్, సినిమా, స్పోర్ట్స్, టెక్ అప్డేట్స్.. ఆధ్యాత్మిక, ఆరోగ్య సమాచారంతో పాటు, వైరల్ కథనాల కోసం సుమన్ టీవీ యాప్‌ను డౌన్‌లోడ్ చేసుకోండి.