Shubman Gill: వీడియో: క్రీజు వదిలి ముందుకొచ్చి గిల్ సిక్సర్.. వింత షాట్​కు షాకైన రోహిత్!

ఐపీఎల్-2023​ ఫైనల్స్​ బెర్త్​పై కన్నేసిన గుజరాత్ టైటాన్స్ అనుకున్నది సాధించేలానే ఉంది. ఇవాళ ముంబై ఇండియన్స్​తో జరుగుతున్న మ్యాచ్​లో టైటాన్స్ చెలరేగి ఆడుతోంది. ఆ జట్టు స్టార్ ఓపెనర్ శుబ్​మన్ గిల్ (129) సూపర్బ్​ ఫామ్​ను కొనసాగిస్తూ కీలకమైన క్వాలిఫయర్-2లో బ్యాటింగ్​లో దుమ్మురేపాడు. 60 బాల్స్​లో 129 రన్స్ చేసిన గిల్ ఇన్సింగ్స్​లో 7 ఫోర్లు, 10 సిక్సులు ఉన్నాయి. అతడి స్ట్రైక్ రేట్ 215గా ఉంది. దీన్ని బట్టే గిల్​ బ్యాటింగ్ ఏ విధంగా సాగిందో అర్థం చేసుకోవచ్చు. గిల్​ ఈ సీజన్​లో మూడో సెంచరీతో వీరవిహారం చేయడంతో గుజరాత్ టైటాన్స్ భారీ స్కోరు చేసింది. అతడికి తోడుగా సాయి సుదర్శన్ (43), కెప్టెన్ హార్దిక్ పాండ్యా (28) కూడా రాణించడంతో గుజరాత్ ఏకంగా 233 రన్స్ భారీ స్కోరు చేసింది. ఆ జట్టు ఇన్నింగ్స్​లో గిల్ బ్యాటింగ్ హైలైట్​గా నిలిచింది.

ఆ బౌలర్, ఈ బౌలర్ అనే తేడాల్లేకుండా అందర్నీ చితగ్గొట్టాడు శుబ్​మన్ గిల్. మరో ఓపెనర్ వృద్ధిమాన్ సాహా (18)తో కలసి ఇన్నింగ్స్​ను ఆరంభించిన గిల్.. ఆరంభం నుంచి దూకుడుగా ఆడాడు. దీంతో పవర్​ప్లేలో జట్టు మంచి స్కోరు చేసింది. ఆ తర్వాత గిల్​కు సాయి సుదర్శన్ జతవ్వడంతో స్కోరు బోర్డు రాకెట్​ను తలపించింది. వీళ్లిద్దరూ భారీ షాట్లతో ముంబై బౌలర్లపై అటాకింగ్​కు దిగారు. దీంతో ప్రత్యర్థి బౌలర్ల దగ్గర సమాధానమే లేకుండా పోయింది. ఆఖర్లో హార్దిక్ పాండ్యా కూడా సుడిగాలి ఇన్నింగ్స్​తో జట్టు భారీ స్కోరుకు దోహదపడ్డాడు. అయితే గిల్​ బ్యాటింగ్ సమయంలో ఆడిన ఒక షాట్ హైలైట్​గా నిలిచింది. కామెరూన్ గ్రీన్ బౌలింగ్​లో క్రీజు వదిలి ముందుకొచ్చి గిల్​ కొట్టిన వింత షాట్​ సిక్స్ వెళ్లింది. దీంతో ఇదేం షాట్ రా బాబు అంటూ రోహిత్​ కూడా షాకయ్యాడు. మరి.. గిల్ కొట్టిన ఈ షాట్ మీకెలా అనిపించిందో కామెంట్ల రూపంలో తెలియజేయండి.

One of the most outrageous shots by Shubman Gill.

Even Rohit Sharma was in awe of it! pic.twitter.com/xgmfDsFKOW

— Mufaddal Vohra (@mufaddal_vohra) May 26, 2023