కప్ రేసులో గుజరాత్ టైటాన్స్.. జట్టులో ఏవో గొడవలు!

ఐపీఎల్​-2023లో ప్లేఆఫ్స్​కు క్వాలిఫై అయిన ఫస్ట్ టీమ్​గా గుజరాత్ టైటాన్స్ నిలిచింది. సోమవారం సన్​రైజర్స్​ హైదరాబాద్​తో జరిగిన మ్యాచ్​లో విక్టరీతో ప్లేఆఫ్స్​ బెర్త్​ను ఖాయం చేసుకుంది టైటాన్స్. ఈ మ్యాచ్​లో తొలుత బ్యాటింగ్​కు దిగిన గుజరాత్.. నిర్ణీత 20 ఓవర్లలో 9 వికెట్ల నష్టానికి 188 రన్స్ చేసింది. వృద్ధిమాన్ సాహా గోల్డెన్​ డక్​గా వెనుదిరిగినప్పటికీ మరో ఓపెనర్ శుబ్​మన్​ గిల్​ (101) సెంచరీతో చెలరేగాడు. గుజరాత్ జట్టు తరఫున సెంచరీ బాదిన తొలి బ్యాటర్​గా గిల్ నిలిచాడు. అతడికి తోడుగా సాయి సుదర్శన్ (47) కూడా రాణించడంతో గుజరాత్ 188 రన్స్ భారీ స్కోరు చేసింది. సన్ రైజర్స్ బౌలర్లలో సీనియర్ పేసర్ భువనేశ్వర్ కుమార్ 5 వికెట్లతో సత్తా చాటాడు. అయితే అతడికి మిగిలిన వారు సహకరించలేదు. అనంతరం ఛేజింగ్​కు దిగిన సన్​రైజర్స్​కు శుభారంభం దక్కలేదు.

సన్​రైజర్స్ ఓపెనర్లు అన్​మోల్​ప్రీత్ సింగ్ (5), అభిషేక్ శర్మ (5) తక్కువ స్కోర్లకే పెవిలియన్​కు చేరారు. జట్టు సారథి ఎయిడెన్ మార్క్​రమ్ (10), రాహుల్ త్రిపాఠీ (1) కూడా ఫెయిల్ అయ్యారు. స్టార్ బ్యాటర్ హెన్రిచ్ క్లాసెన్ (64) ఒక్కడే రాణించాడు. ఆఖర్లో భువనేశ్వర్ కుమార్ (27) మెరుపులు మెరిపించినప్పటికీ ఎస్​ఆర్​హెచ్ విజయానికి 34 రన్స్ దూరంలో ఉండిపోయింది. టైటాన్స్ బౌలర్లలో మహ్మద్ షమీ, మోహిత్ శర్మ తలో 4 వికెట్లతో అద్భుతంగా రాణించారు. అయితే కప్ రేసులో దూసుకెళ్తున్న టైటాన్స్ జట్టులో ఏవో గొడవలు ఉన్నట్లు వార్తలు వస్తున్నాయి. సెంచరీ కొట్టి గుజరాత్ గెలుపులో కీలక పాత్ర పోషించాడు గిల్. అయితే అతడి హండ్రెడ్ పూర్తి కాగానే టీమ్ డగౌట్​లో అందరూ లేచి చప్పట్లతో మెచ్చుకున్నారు.

గిల్ సెంచరీపై గుజరాత్ టైటాన్స్ కోచ్ ఆశిష్ నెహ్రా మాత్రం పెద్దగా ఎమోషన్స్ చూపించలేదు. ఆ టైమ్​లో ఆయన డగౌట్​లో కూర్చొని కనిపించారు. ఆ తర్వాత కెప్టెన్ హార్దిక్ పాండ్యాతో సీరియస్​గా ఏదో మాట్లాడుతూ కనిపించారు. బహుశా గిల్ సెంచరీ కొట్టినా జట్టు 200 పైచిలుకు స్కోరు చేయలేదనో ఫ్రస్ట్రేషనో లేదా శుబ్​మన్ మరింత వేగంగా ఆడి ఉండాల్సిందని నెహ్రా భావించారేమో! మొత్తానికి గిల్ సెంచరీ బాదినా నెహ్రా అభినందించకపోవడం, ఆ సమయంలో హార్దిక్​తో సీరియస్​గా ఏదో మాట్లాడటం చూస్తుంటే జట్టులో ఏవో గొడవలు ఉన్నట్లే కనిపిస్తోందని సోషల్ మీడియాలో నెటిజన్స్ అంటున్నారు. కప్ రేసులో దూసుకెళ్తున్న తరుణంలో ఇలాంటి వాతావరణం గుజరాత్​కు ఏమాత్రం మంచిది కాదని చెబుతుననారు. మరి.. దీన్ని టీమ్​ మేనేజ్​మెంట్ గుర్తించి త్వరగా పరిష్కరిస్తుందేమో చూడాలి.

Ashish Nehra is highly angry that he is not listening to Hardik Pandya. This is Ashish Nehra for you.#GTvsSRH #SRHvsGT pic.twitter.com/X2zEZqzQrc

— Vikram Rajput (@iVikramRajput) May 15, 2023

ఈరోజు ఏపీ, తెలంగాణకు సంబంధించిన లేటెస్ట్ న్యూస్.. జాతీయ, అంతర్జాతీయ వార్తలు.. ఎడ్యుకేషన్, బిజినెస్, సినిమా, స్పోర్ట్స్, టెక్ అప్డేట్స్.. ఆధ్యాత్మిక, ఆరోగ్య సమాచారంతో పాటు, వైరల్ కథనాల కోసం సుమన్ టీవీ యాప్‌ను డౌన్‌లోడ్ చేసుకోండి.