రోహిత్​ శర్మ ఔట్​పై చెలరేగిన వివాదం.. అసలేం జరిగిందంటే..!

ఐపీఎల్​లో ప్లేఆఫ్స్​కు సమయం దగ్గర పడుతున్న వేళ ముంబై ఇండియన్స్ సంచలన విజయాన్ని నమోదు చేసింది. మంగళవారం రాయల్ ఛాలెంజర్స్ బెంగళూరుతో జరిగిన మ్యాచ్​లో ముంబై 6 వికెట్ల తేడాతో గెలుపొందింది. ఆర్సీబీ సంధించిన 200 రన్స్ భారీ టార్గెట్​ను 16.3 ఓవర్లలోనే ఛేజ్ చేసి ఔరా అనిపించింది. ఈ మ్యాచ్​లో ఫస్ట్ బ్యాటింగ్​కు దిగిన ఆర్సీబీ నిర్ణీత 20 ఓవర్లలో 6 వికెట్లు కోల్పోయి 199 రన్స్ చేసింది. ఆ జట్టు స్టార్ బ్యాటర్ విరాట్ కోహ్లి (1) మరోసారి ఫెయిల్ అయ్యాడు. కానీ వీర ఫామ్​లో ఉన్న కెప్టెన్ ఫాఫ్ డుప్లెసిస్ (41 బాల్స్​లో 65), గ్లెన్ మ్యాక్స్​వెల్ (33 బాల్స్​లో 68) ముంబై బౌలర్లను ఉతికి ఆరేశారు. ఆ తర్వాత వచ్చిన దినేష్ కార్తీక్ (18 బాల్స్​లో 30) కూడా అటాకింగ్​కు దిగడంతో ఆర్సీబీ భారీ స్కోరు చేసింది.

ఛేదనకు దిగిన ముంబైకి శుభారంభం దక్కలేదు. ఆ జట్టు సారథి రోహిత్ శర్మ (7) మరోసారి తక్కువ స్కోరుకే ఔటై ఫ్యాన్స్​ను నిరాశపర్చాడు. అయితే మరో ఓపెనర్ ఇషాన్ కిషన్ (21 బాల్స్​లో 42)తో పాటు సూర్యకుమార్ యాదవ్ (35 బాల్స్​లో 83), నెహాల్ వధేరా (34 బాల్స్​లో 52) అద్భుతంగా బ్యాటింగ్ చేయడంతో ముంబై ఇండియన్స్ భారీ లక్ష్యాన్ని ఉఫ్​మని ఊదేసింది. ముఖ్యంగా సూర్యకుమార్ అయితే ఆకాశమే హద్దుగా చెలరేగాడు. అతడి ఇన్నింగ్స్​లో 7 ఫోర్లు, 6 సిక్సులు ఉన్నాయి. దీన్ని బట్టే సూర్య ఏవిధంగా ఆడాడో అర్థం చేసుకోవచ్చు. అతడి బ్యాటింగ్ ఊచకోతకు ఆర్సీబీ బౌలర్ల దగ్గర సమాధానమే లేకపోయింది.

ముంబై ఇండియన్స్ బ్యాటింగ్ సందర్భంగా ఒక విషయం చర్చనీయాంశంగా మారింది. రోహిత్ శర్మ అవుట్​పై నెట్టింట పెద్ద చర్చే నడుస్తోంది. వనిందు హసరంగ బౌలింగ్​లో క్రీజు వదిలి ముందుకు వచ్చిన ఆడిన రోహిత్​ ఆ బాల్​ను మిస్ చేశాడు. అది కాస్తా హిట్​మ్యాన్ ప్యాడ్స్​కు తగిలింది. దీంతో ఎల్బీడబ్ల్యూ కోసం ఆర్సీబీ ప్లేయర్స్ అప్పీల్ చేశారు. అయితే ఆన్​ఫీల్డ్ అంపైర్లు మాత్రం అది నాటౌట్ అని ఇచ్చారు. డుప్లెసిస్ డీఆర్​ఎస్​కు వెళ్లాడు. అల్ట్రా ఎడ్జ్​లో బాల్ రోహిత్​ బ్యాట్​కు తగల్లేదని తేలింది. అయితే బాల్​ ట్రాకింగ్​లో మాత్రం వికెట్లకు తగులుతున్నట్లు తేలింది.

బాల్ ట్రాకింగ్​లో వికెట్లకు తగులుతున్నట్లు తేలడంతో రోహిత్​ను థర్డ్ అంపైర్ ఔట్​గా ఇచ్చారు. ఇప్పుడిదే కాంట్రవర్సీగా మారింది. త్రీ మీటర్ రూల్ ప్రకారం ఇది నాటౌట్ అని క్రికెట్ విశ్లేషకులు అంటున్నారు. ఈ రూల్ ప్రకారం.. బ్యాట్స్​మన్​ బాల్​ను ఆడిన చోటు నుంచి స్టంప్స్​కు మధ్య దూరం 3 మీటర్ల కంటే ఎక్కువగా ఉంటే దాన్ని నాటౌట్​గా ప్రకటిస్తారు. రోహిత్​ ఆ బాల్​ను ఎదుర్కొన్న సమయంలో వికెట్ల నుంచి అతడి ఎడమ కాలికి సరిగ్గా 3.7 మీటర్ల దూరం ఉంది. ఒకవేళ రోహిత్ రివ్యూకు వెళ్లుంటే నాటౌట్​గా ప్రకటించేవారని క్రికెట్ అనలిస్టులు అంటున్నారు.

Mohammad Kaif questions the decision on Rohit Sharma’s LBW dismissal.

📷: Jio Cinema#RohitSharma #MohammadKaif #MIvsRCB pic.twitter.com/1synj3eb2F

— CricTracker (@Cricketracker) May 9, 2023

ఈరోజు ఏపీ, తెలంగాణకు సంబంధించిన లేటెస్ట్ న్యూస్.. జాతీయ, అంతర్జాతీయ వార్తలు.. ఎడ్యుకేషన్, బిజినెస్, సినిమా, స్పోర్ట్స్, టెక్ అప్డేట్స్.. ఆధ్యాత్మిక, ఆరోగ్య సమాచారంతో పాటు, వైరల్ కథనాల కోసం సుమన్ టీవీ యాప్‌ను డౌన్‌లోడ్ చేసుకోండి.