చేతిలో ఊతకర్ర, కళ్లకు జోళ్లు.. రోహిత్, సూర్య న్యూ గెటప్స్.. అందుకేనా!

ఇండియన్ ప్రీమియర్​ లీగ్​లో అసలైన మజా ఇప్పుడు రానుంది. ప్లేఆఫ్స్​కు చేరాలంటే దాదాపుగా అన్ని జట్లకు ప్రతి మ్యాచ్ చావోరేవో అనేలా తయారైంది. నెగ్గడమే కాదు మెరుగైన రన్​రేట్​తో భారీ విజయాలు సాధించాలి. అప్పుడే ప్లేఆఫ్స్​ రేసులో నిలవగలరు. దీంతో అన్ని టీమ్స్​ ఆయా దిశగా వ్యూహాలు రచిస్తున్నాయి. టైటిల్ ఫేవరెట్లలో ఒకటైన ముంబై ఇండియన్స్ కూడా ప్లేఆఫ్స్ బెర్త్​ మీద కన్నేసింది. ఈ టోర్నీలో ఇప్పటివరకు 11 మ్యాచ్​లు ఆడిన ముంబై జట్టు.. ఆరింటిలో విజయం సాధించింది, ఐదు మ్యాచుల్లో ఓడింది. మొత్తంగా 12 పాయింట్లతో మూడో స్థానంలో ఉంది. ప్లే ఆఫ్స్​కు చేరాలంటే తదుపరి ఆడే మూడు మ్యాచుల్లోనూ విజయం సాధించాలి. కనీసం రెండింట్లో నెగ్గితే.. మిగతా జట్ల గెలుపోటములు, మెరుగైన రన్​రేట్​ను బట్టి ప్లేఆఫ్స్ చేరే​ ఛాన్స్ ఆధారపడి ఉంటుంది.

ప్లేఆఫ్స్​కు సమయం దగ్గర పడుతున్న వేళ ముంబైలో ఒక విషయం ఫుల్ కిక్ ఇస్తుండగా, మరో విషయం ఆందోళన పరుస్తోంది. లీగ్ ఆరంభంలో ఫెయిలైన స్టార్ హిట్టర్ సూర్య కుమార్ యాదవ్ కరెక్ట్ టైమ్​లో భీకర ఫామ్​లోకి రావడం ముంబై ఫ్యాన్స్​లో జోష్ నింపుతోంది. అదే టైమ్​లో సారథి రోహిత్ శర్మ ఫామ్ కోల్పోవడం ఆందోళన రేపుతోంది. ఒకవేళ హిట్​మ్యాన్​ కూడా ఫామ్ అందుకుంటే ముంబైని అడ్డుకోవడం ఎవ్వరి తరం కాదు. ఇదిలా ఉండగా.. రోహిత్ శర్మ, సూర్యకుమార్ న్యూ లుక్స్ అందర్నీ ఆశ్చర్యపరుస్తున్నాయి. నెరిసిన జుట్టు, చేతిలో ఊతకర్ర, కళ్లకు జోళ్లు, మెడలో శాలువాతో ఓల్డ్ లుక్​లో ఉన్న ఈ స్టార్ క్రికెటర్ల ఫొటోలు నెట్టింట్ వైరల్ అవుతున్నాయి. ఒక యాడ్ షూట్ కోసం రోహిత్-సూర్య ఇలా న్యూ లుక్స్​లో మారారు. ఈ ఫొటోలు నెట్టింట తెగ చక్కర్లు కొడుతున్నాయి.

Rohit Sharma and Suryakumar Yadav in an Ad shoot. pic.twitter.com/0ZIhdqwva1

— Mufaddal Vohra (@mufaddal_vohra) May 10, 2023

ఈరోజు ఏపీ, తెలంగాణకు సంబంధించిన లేటెస్ట్ న్యూస్.. జాతీయ, అంతర్జాతీయ వార్తలు.. ఎడ్యుకేషన్, బిజినెస్, సినిమా, స్పోర్ట్స్, టెక్ అప్డేట్స్.. ఆధ్యాత్మిక, ఆరోగ్య సమాచారంతో పాటు, వైరల్ కథనాల కోసం సుమన్ టీవీ యాప్‌ను డౌన్‌లోడ్ చేసుకోండి.