ముంబైని ఎలాగైనా అడ్డుకోవాలి.. ఆ టీమ్ ఫైనల్​కు వెళ్తే ఇక ట్రోఫీ..: సీనియర్ క్రికెటర్

ఐపీఎల్​-2023 ఛాంపియన్​ ఎవరో మరో మూడు మ్యాచులతో తేలిపోనుంది. ఇప్పటికే చెన్నై సూపర్ కింగ్స్ జట్టు ఫైనల్స్​కు చేరుకుంది. పద్నాలుగు సీజన్లలో పది సార్లు ఫైనల్​కు చేరిన సీఎస్​కే అరుదైన రికార్డును నెలకొల్పింది. ఐపీఎల్​లో ఇన్నిసార్లు ఫైనల్​కు చేరిన మరో జట్టు లేదు. ఇదంతా కేవలం ఆ టీమ్ కెప్టెన్ ఎంఎస్​ ధోని వల్లే సాధ్యమైందని చెప్పడంలో ఎలాంటి అతిశయోక్తి లేదు. ఎక్కువగా విదేశీ ప్లేయర్ల మీద ఆధారపడకుండా బౌలింగ్, బ్యాటింగ్​లో దేశీయ ప్లేయర్లను నమ్ముకోవడం సీఎస్​కేకు కలిసొచ్చింది. ఆటగాళ్లను కొన్నేళ్ల పాటు జట్టులో కొనసాగించడం, వారిని స్టార్లుగా తీర్చిదిద్దడం వల్లే చెన్నై ఇంత బాగా రాణిస్తోంది. జట్టును ఒక కుటుంబంలా చూడటం వారి సక్సెస్ సీక్రెట్​గా చెప్పుకోవచ్చు. ఈ సీజన్ ఫైనల్స్​కు ఒక బెర్త్ అయితే ఖాయమైంది. అయితే చెన్నై​తో తుదిపోరులో తలపడే జట్టేదో ఇంకా తేలాల్సి ఉంది.

ముంబై ఇండియన్స్, లక్నో సూపర్ జెయింట్స్ మధ్య జరిగే ఎలిమినేటర్​లో నెగ్గిన జట్టు.. క్వాలిఫయర్​-2లో గుజరాత్ టైటాన్స్​తో ఆడాల్సి ఉంటుంది. అందులో గెలిస్తే ఫైనల్ బెర్త్ దక్కుతుంది. ఇప్పుడీ మూడు టీమ్స్​కు ఫైనల్ వెళ్లే ఛాన్సులు ఉన్నాయి. ఈ నేపథ్యంలో వెస్టిండీస్ క్రికెట్ దిగ్గజం క్రిస్ గేల్ ఆసక్తికర వ్యాఖ్యలు చేశాడు. ముంబై ఇండియన్స్​ను ఎట్టి పరిస్థితుల్లోనూ అడ్డుకోవాలని గేల్ అన్నాడు. ఒకవేళ ఆ టీమ్ గనుక ఫైనల్​కు వెళ్లిందా, ట్రోఫీ గెలవకుండా ఆ జట్టును ఆపడం ఎవరికీ సాధ్యం కాదని స్పష్టం చేశాడు. గేల్ చెప్పిన దాంట్లోనూ నిజం లేకపోలేదు. ఐపీఎల్​లో ముంబై ఇప్పటిదాకా ఆరుసార్లు ఫైనల్స్​కు వెళ్లింది. అందులో ఒక్కసారి 2010లో సీఎస్​కే చేతిలో ఓడి రన్నరప్​గా నిలిచింది. మిగిలిన 2013, 2015, 2017, 2019, 2020 సీజన్లలో ట్రోఫీని ఎగరేసుకుపోయింది. అంటే ముంబై ఫైనల్​కు వెళ్తే కప్​ ఖాయమనే చెప్పాలి. మరి.. గేల్ కామెంట్స్​తో మీరు ఏకీభవిస్తారా? అయితే మీ అభిప్రాయాలను కామెంట్ల రూపంలో తెలియజేయండి.

ఈరోజు ఏపీ, తెలంగాణకు సంబంధించిన లేటెస్ట్ న్యూస్.. జాతీయ, అంతర్జాతీయ వార్తలు.. ఎడ్యుకేషన్, బిజినెస్, సినిమా, స్పోర్ట్స్, టెక్ అప్డేట్స్.. ఆధ్యాత్మిక, ఆరోగ్య సమాచారంతో పాటు, వైరల్ కథనాల కోసం సుమన్ టీవీ యాప్‌ను డౌన్‌లోడ్ చేసుకోండి.